ۇيقىنىڭ سالماق تاستاۋعا اسەرى
گارۆارد ۋنيۆەرسيتەتىنىڭ ماماندارى ۇيقىنىڭ ادامنىڭ سالماعىن جوعالتۋعا تيگىزەتىن اسەرىن انىقتادى.
ماماندار زەرتتەۋلەرىن 10 جىل بويى 130-دان استام ايەلگە جۇرگىزگەن. زەرتتەۋ قورىتىندىسى بويىنشا، سەمىزدىككە شالدىعۋ ءقاۋپى ۇيقى رەجيمى بۇزىلعان ايەلدەرگە قاراعاندا ۇيقىسى دۇرىس ادامداردا 45 پايىزعا تومەن بولاتىنى انىقتالدى.
تاجىريبە جۇرگىزگەن مامانداردىڭ ايتۋىنشا، سالماق جيناۋ الدىمەن تۇنگى ۋاقىتتا اش بولۋمەن بايلانىستى. ولار ۇيقى رەجيمى بۇزىلعان كەزدە ادامنىڭ اعزاسىندا تابەتتى اشاتىن گرەلين گورمونى كوپ بولىنەتىنىن ايتادى. وسىلايشا تۇندە تاماقتانعان ادامنىڭ اعزاسىنا قوسىمشا كالوريي جينالادى.
سالماق قوسۋداعى ەكىنشى سەبەپكە ساراپشىلار ادامنىڭ ۇنەمى شارشاپ جۇرەتىنىن جاتقىزادى. بۇعان دەيىن ماماندار حابارلاعانداي، ءتورت كۇن بويى از ۇيىقتاعان ادامنىڭ اعزاسى مايدىڭ جينالۋ ءقاۋپىن ارتتىرا تۇسەدى. سونىمەن بىرگە 7-8 ساعاتتان كەم ۇيىقتاعان جاندار بەس ساعات ۇيىقتاعاندارعا قاراعاندا تەز ارىقتايدى ەكەن.
جاقسى ۇيقى ادامنىڭ سالماعىنا اسەر ەتەتىنىن انىقتاعان سوڭ عالىمدار بىرنەشە كەڭەس بەرە كەتتى. الدىمەن ولار ادامدارعا تاۋلىگىنە 6،5-8 ساعات ۇيىقتاعان ءجون ەكەندىگىن ايتادى. ەكىنشىدەن، رەجيم ساقتالعانى دۇرىس، ياعني بەلگىلى ءبىر ۋاقىتتا تۇرىپ، بەلگىلى ءبىر ۋاقىتتا قايتا ۇيقىعا جاتقان ءجون.
سونىمەن بىرگە ماماندار جاتىن بولمەنىڭ تەمپەراتۋراسىنا دا كوڭىل بولگەن دۇرىس دەيدى. ۇيىقتار الدىندا بولمەنىڭ پەردەسى جابىق بولعانى ءجون. سەبەبى قاراڭعىلىق ادامنىڭ جاقسى ۇيىقتاۋىنا وڭ اسەر ەتەدى. سونداي-اق سوڭعى كەزدەرى ءجيى ءسوز بولىپ جۇرگەن ۇيالى تەلەفوندار مەن ءتۇرلى گادجەتتەردى ءوشىرىپ قويعان ءجون. ۇيقى دۇرىس بولۋ ءۇشىن جاتاردان 30 مينۋت بۇرىن ەلەكتروندى قۇرىلعىلاردى ءسوندىرىپ قويۋ كەرەك.
ارتىق جۇمىس بولماسا مەيلىنشە ەرتە جاتىپ، تاڭەرتەڭ كۇننەن بۇرىن ويانعان ءجون.
You Might Also Like
-
«اقتوبەدەن ەلگە (وڭتۇستىككە) اۋىسىپ كەلگەن كەزىم. ون سوۆحوزدى قۇرامىنا العان اۋىل شارۋاشىلىعى باسقارماسىنىڭ قۇرىلىس ءبولىمىن باسقاردىم.
-
— اينالاڭداعى تىرشىلىكتى جان-جۇرەگىڭمەن كورۋدى ۇيرەن، كوز كورگەننىڭ بارىنە قۋانا ءبىل — شوپكە، اعاشقا، قۇسقا، جانۋارعا، جەرگە، كوككە. ولارعا مەيىرىمدى كوزبەن، سەزىمتال جۇرەكپەن قارا &mda...
