InfoHub Logo

ۇيرەنگەنىم كوپ مەنىڭ!
ۇيىمداستىرىلعان اشىق وقۋ ءىس ارەكەتىنىڭ تەحنولوگيالىق كارتاسى
ماقساتى: بالالاردىڭ ءبىر جىل بويى العان بىلىمدەرىن تەكسەرۋ، لوگيكالىق ويلاۋ قابىلەتتەرىن دامىتۋ. قيىن جاعدايدا ءبىر - بىرىنە كومەك كورسەتۋگە، قامقورلىققا تاربيەلەۋ. دۇنيەدەگى ەڭ اسىل قازىنا وقۋ ءبىلىم، كىتاپ ەكەنىن ءتۇسىندىرۋ. ەكولوگيالىق تاربيە بەرۋ. قورشاعان ورتانى سۇيۋگە، ايالاي بىلۋگە تاربيەلەۋ.
كورنەكىلىكتەرى: سلايدتار، ۇلەستىرمەلى ماتەريالدار، تاقىرىپقا بايلانىستى سۋرەتتەر، الىپپە ماكەتى.

موتيۆاسيالىق قوزعاۋشى
سالەمدەسۋ شەڭبەرى:
ارمىسىڭ شاپاعاتتى كۇنىمىز!
ارمىسىڭ مەيىرىمدى جەرىمىز!
ارمىسىڭ تابيعات انامىز!
ادەپپەن باس يەر بالامىز!
قايىرلى تاڭ، قايىرلى كۇن بارشاعا
قوش كەلدىڭىز ءبىزدىڭ بالاباقشاعا!

- بالالار بۇگىن بىزدە ەرەكشە كۇن! بۇگىن ءبىز ءبىر جىل بويى العان بىلىمدەرىمىزدى تياناقتاپ، نە ءبىلىپ، نە ۇيرەنگەندەرىمىزدى ورتاعا سالاتىن بولامىز. ەندەشە اشىق وقۋ ءىس ارەكەتىمىزدى قىسقاشا سۇراق جاۋاپتان باستاعىم كەلىپ تۇر.
- بالالار ماعان جىل مەزگىلدەرى تۋرالى كىم ايتىپ بەرە الادى؟
- ال ەندى ماعان اي اتتارىن ءۇش تىلدە اتاپ بەرە الاسىڭدار ما؟
- اپتا كۇندەرىن شە؟

ىزدەنۋ ۇيىمداستىرۋشى
عاجايىپ ءسات:
ەلەكتروندى حات كەلەدى.
- بالالار قاراڭدارشى بىزگە ەلەكتروندى حات كەلىپتى.. قىزىق بۇل حاتتى بىزگە كىم جازدى ەكەن؟ قانە وقىپ كورەيىك.
«سالەمەتسىڭدەر مە قۇرمەتتى بالالار! مەن دانىشپان اتايمىن. مەن سەندەردى وتە اقىلدى، ءبىلىمدى، ونەرلى دەپ ەستىدىم. سوندىقتان سەندەرگە كوپتەگەن بالالار ارمانداسا دا جەتە المايتىن «قازىنالار ەلىنىڭ» كارتاسىن جولداپ وتىرمىن. ەگەر سەندەر كارتادا بەرىلگەن باعىتتا ءجۇرىپ وتىرىپ جولدارىڭدا كەزدەسكەن بارلىق بوگەتتەن سۇرىنبەي وتەتىن بولساڭدار «قازىنالار ەلىن» مىندەتتى تۇردە تاباسىڭدار. سەندەرگە ساتتىلىك تىلەيمىن. جولدارىڭ بولسىن!» س/ن: دانىشپان اتاي
- وي، بالالار مىنا عاجاپتى قاراڭدارشى دانىشپان اتاي بىزگە «قازىنالار ەلىنىڭ» كارتاسىن جىبەرىپتى.
سەندەر قازىنالار ەلىنە ساياحاتقا بارعىلارىڭ كەلە مە؟
- ولاي بولسا كارتاعا نازار اۋدارايىقشى، ەڭ الدىمەن قايدا جول تارتۋىمىز كەرەك ەكەن.

1 - باعىت
«ساۋات اشۋ قالاشىعى»
- بالالار ساياحاتقا بارۋ ءۇشىن بىزگە نە كەرەك؟
- كولىكتىڭ قانداي تۇرلەرىن بىلەسىڭدەر؟
- قالاشىققا بارۋ ءۇشىن مىنا كولىكتەردىڭ قايسىسىن تاڭدايمىز؟
ولاي بولسا جولعا شىعايىق.
- بالالار مىنە ساۋات اشۋ قالاشىعىنا دا جەتىپ كەلدىك. ءبىراق قالاشىقتىڭ قاقپاسى جابىق تۇر ەكەن. قانە قاقپانى قاعىپ كورەيىك.
- «بۇل كىم؟»- دەگەن داۋىس ەستىلەدى.
- ءبىز №25 «قاراقات» بالاباقشاسىنىڭ بالالارىمىز. ءبىز «قازىنالار ەلىن» ىزدەپ ءجۇر ەدىك. سىزدەردىڭ قالاشىقتارىڭىزدان ءوتىپ كەتسەك بولا ما؟
- قاقپانى اشۋ ءۇشىن ءبىزدىڭ تاپسىرمامىزدى ورىنداۋلارىڭ كەرەك.
قاقپانىڭ تاپسىرماسى: «سۇراق - جاۋاپ»
• دىبىس دەگەنىمىز نە؟
دىبىستىڭ تۇرلەرىن اتا.
• دىبىس پەن ءارىپتىڭ ايىرماشىلىعى قانداي؟
- بارەكەلدى جارايسىڭدار!
(قاقپا اشىلادى)

ىشىنەن «الىپپە» شىعادى.
- سالەمەتسىڭدەر مە، بالالار! مەنىڭ اتىم الىپپە...
مەن سەندەردىڭ ساياحاتقا شىققاندارىڭدى ەستىدىم.
ءبىراق ءبىزدىڭ قالاشىقتان ءوتۋ ءۇشىن مەنىڭ دە تاپسىرمامدى ورىنداۋلارىڭ كەرەك. دايىنسىڭدار ما؟
الىپپەنىڭ تاپسىرماسى:
• رەبۋستى شەش
• «بۋىنداردان ءسوز قۇرا» ويىنى
- جارايسىڭدار بالالار! سەندەر تاپسىرمالاردى مۇدىرمەي ورىندادىڭدار. جولدارىڭ بولسىن! ساۋ بولىڭدار!

بالالار ساياحاتىمىزدى ءارى قاراي جالعاستىرايىق. كارتاعا نازار اۋدارايىق. كەلەسى كەزەكتە قايدا باعىت الاتىنىمىزدى ءبىلىپ الايىق.

2 - باعىت
«ماتەماتيكا ارالى»
- بالالار «ماتەماتيكا ارالىنا» بارۋ ءۇشىن بىزگە قانداي كولىك كەرەك؟
- ولاي بولسا ساياحاتىمىزدى جالعاستىرايىق. ءبارىمىز كەمەگە شىعايىق.
- مىنە ارالعا دا كەلىپ جەتتىك. بالالار مۇندا نەگە تىپ - تىنىش.
(كەنەتتەن قاراقشىلار شىعا كەلەدى)
- سەندەر كىمسىڭدەر؟ ءبىز سەندەردى ارالىمىزعا كىرگىزبەيمىز!!!!
- ءبىز №25 «قاراقات» بالاباقشاسىنىڭ بالالارىمىز. ءبىز «قازىنالار ەلىن» ىزدەپ ءجۇر ەدىك. سىزدەردىڭ ارالدارىڭىزدان ءوتىپ كەتسەك بولا ما؟
- الدىمەن بىزگە كومەكتەسىڭدەر، سودان سوڭ وتكىزەمىز. ءبىزدىڭ ارالداعى ماتەماتيكالىق تاڭبالاردى بۇزىق بالالار ۇرلاپ كەتتى، ەندى ءبىز ەسەپ شىعارا الماي جاتىرمىز. بىزگە ەسەپ شىعارۋعا كومەكتەسىڭدەر.
قاراقشىلار تاپسىرماسى:
• «تاڭباسىن تاپ» ويىنى
• لوگيكالىق ەسەپتەر
• «تەز ويلا» ويىنى
بالالار جول ءجۇرىپ ءبىراز شارشادىق كەلىڭدەر بوي سەرگىتىپ الايىق.
سەرگىتۋ ءساتى:
- بالالار كارتاعا نازار اۋدارايىق. ساياحاتىمىزدى ارى قاراي جالعاستىرايىق.

3 - باعىت
«ەرىنشەكتەر شىڭى»
- بالالار شىڭ دەگەن نە دەپ ويلايسىڭدار؟
- شىڭعا شىعۋ ءۇشىن بىزگە قانداي كولىك كەرەك؟
- بالالار مىناۋ نە؟
- بۇل جاي تاۋ ەمەس ەكەن. بۇل تاۋدىڭ شىڭىندا ەرىنشەك، جالقاۋ، بۇزىق بالالار ءومىر سۇرەدى ەكەن. ءبىز وسى شىڭعا شىعىپ ولاردى تازالىققا، ادەپتىلىككە، دوستىققا ۇيرەتۋىمىز كەرەك.
• 1 - تاپسىرما:
سۋرەتپەن جۇمىس:
تازالىقتىڭ دوستارىن\ اتا.
• 2 - تاپسىرما:
تابيعات تۋرالى تىيىم سوزدەر
• 3 - تاپسىرما:
ماقال - ماتەلدەر ايتۋ.
- جارايسىڭدار بالالار! بۇل سىننان دا سۇرىنبەي وتتىك. جولدى ارى قاراي جالعاستىرايىق. كارتاعا نازار اۋدارايىق.

4 - باعىت
«ونەرپازدار ەلى»
بالالار قاراڭدارشى ءبىز ەڭ كەرەمەت ەلگە كەلىپ جەتتىك. قاراڭدارشى بالالار مۇندا دا ءبىزدىڭ ەلدەگىدەي كوكتەم مەزگىلى ەكەن. اينالانىڭ ءبارى گۇلگە تولىپ، قۇلپىرىپ تۇر.
بالالار بۇل ەلدە وتە اقىلدى ونەرلى بالالار ءومىر سۇرەدى ەكەن، ءبىراق مۇندا ءبىراز جۇمىستار بىتپەي قالعان ەكەن كەلىڭدەر ءبىز ولارعا كومەكتەسىپ مۇنداعى جۇمىستاردى ءبىتىرىپ تاستايىق.
• شىعارماشىلىق جۇمىس
بالالار قاراڭدارشى بىزگە تاعى دا حات كەلگەن سياقتى.
«جارايسىڭدار بالالارىم! سەندەر بارلىق تاپسىرمالاردى مۇقيات ورىندادىڭدار. ەندى مەن سەندەرگە ەڭ قىمبات قازىنانى جىبەرىپ وتىرمىن.»
ەسىك قاعىلىپ، توپقا الىپپە كىرىپ كەلەدى.
- سالەمەتسىڭدەر مە بالالار! مەنى سەندەرگە ءبىلىمپاز اتاي جىبەردى، سەندەردى ەڭ اقىلدى ەڭ ءبىلىمدى دەپ ماقتادى. ەندى مەن سەندەرمەن ءبىر جىل بويى دوس بولامىن.
- كوردىڭدەر مە بالالار ءبىز ىزدەگەن ەڭ اسىل قازىنا الىپپە ەكەن.

رەفلەكسيۆتى كوررەكسيالاۋشىسى
بالالارعا وقۋ ءىس - ارەكەتتەن العان اسەرلەرىمەن ءبولىسۋدى ۇسىنىپ، نە ۇيرەنىپ، نە بىلگەندەرىن سۇراپ، وقۋ ءىس ارەكەتتى قورىتىندىلاۋ. بالالار ءوز اسەرلەرىمەن بولىسەدى.

شىمكەنت قالاسى،
№25"قاراقات" بوبەكجاي - بالاباقشاسىنىڭ
ءىى ساناتتى تاربيەشىسى شولاتوۆا ايجان نۋرالييەۆنا