InfoHub Logo

ءبىلىم سالاسى: «تانىم»
ءبولىمى: «سەنسوريكا»
تاقىرىبى: «ۇزىن - قىسقا»
ماقساتى: «ۇزىن»، «قىسقا» ۇعىمدارىمەن تانىستىرۋ، بەتتەستىرۋ بەتىنە قويۋ ءادىسى ارقىلى ۇزىندىقتى سالىستىرۋدى ۇيرەتۋ، سونداي - اق زاتتارمەن تاجىريبەلىك ارەكەت بارىسىندا ۇزىندىق تۋرالى ءبىلىمدى قولدانا بىلۋگە ۇيرەتۋ، قاشىقتان زاتتاردى ۇزىندىقتارى بويىنشا سالىستىرۋدى، كوز مولشەردى دامىتۋ، ساۋساقتىڭ ۇساق بۇلشىقەتتەرىنىڭ قوزعالىسىن جەتىلدىرۋ. ۇقىپتىلىققا تاربيەلەۋ.
قاجەتتى قۇرال - جابدىقتار: ۇزىندىقتى بەتتەستىرىپ سالىستىرۋعا ارنالعان جولاقشا جولدار ۇزىنى – جاسىل جانە قىسقاسى - كوك، ءار بالاعا ءارتۇرلى تۇستەن 1 ماشينا، ءتۇرلى ۇزىندىقتاعى لەنتالار، ءار بالاعا جولداردىڭ تۇسىندەي ءۇيدىڭ سۋرەتى بەينەلەنگەن 2 دانادان كارتوچكالار.
سوزدىك جۇمىس: ۇزىن، قىسقا.
بيلينگۆالدى كومپونەنت: ءۇي - دوم، جول - دوروگا.

موتيۆاسيالىق قوزعاۋشىلىق
بالالار، ءقازىر جىلدىڭ قاي مەزگىلى؟
كۇز مەزگىلى.
كۇز مەزگىلىندە نەشە اي بولادى؟
ءۇش اي بولادى.
قانە، كۇز ايلارىن اتاپ ايتايىقشى؟
قىركۇيەك، قازان، قاراشا. ىزدەنۋ ۇيىمداستىرۋشىلىق:
توسىن ءسات: ەسىك قاعىلىپ، مۋزىكا اۋەنىمەن ىشكە سايقىمازاق كەلەدى. قولىندا ءۇش ءتۇرلى شارى بولادى. سايقىمازاق بالالارمەن امانداسادى. سالەمەتسىزدەر مە، بالالار!
سالەمەتسىز بە!
سايقىمازاق: بالالار مەنىڭ اتىم - سايقىمازاق. مەن سەندەرگە قۇر قول كەلگەنىم جوق. مىنا قولىمداعى شارلاردىڭ ىشىندە، سەندەرگە الىپ كەلگەن تاپسىرمالارىم بار، سول تاپسىرمالارىمدى دۇرىس ورىنداساڭدار، مەن سەندەرگە سىيلىق بەرەمىن.
تاربيەشى: قانە، بالالار سايقىمازاق بىزگە قانشا تاپسىرما الىپ كەلگەنىن ءبىلۋ ءۇشىن، ونىڭ قولىنداعى شارلاردى ساناپ، ءتۇسىن ايتايىق.
ال، بالالار سايقىمازاقتىڭ قولىنداعى شارلارىن سانايىقشى؟
بىرەۋ، ەكەۋ، ۇشەۋ.
بارلىعى قانشا شار بولدى؟
ءۇش شار بولدى.
سايقىمازاقتىڭ تاپسىرماسى وسى شارلاردىڭ ىشىندە، ونى ورىنداۋ ءۇشىن شاردى ءبىر - بىرلەپ جارۋىمىز كەرەك. ءبىر بالا شىعىپ، شاردى جارادى دا، ىشىنەن تاپسىرمانى الىپ ورىندايدى.

I - تاپسىرما: تەلەديدار ارقىلى سۋرەتتەردى كورسەتۋ. سۇراق - جاۋاپ ارقىلى.
ەندەشە، بارلىعىمىز مىنا تەلەديدارعا قارايىقشى؟ مىناۋ كىمدەردىڭ سۋرەتى؟
بالالاردىڭ سۋرەتى.
مىنا بالانىڭ بويى ۇزىن با، قىسقا ما؟
قانە، كىم ايتادى؟
ۇزىن بالا.
ال مىنا بالانىڭ بويى شە؟ قىسقا.
مىناۋ قانداي كارانداش؟
- ۇزىن كارانداش.
ال، مىناۋ قانداي كارانداش؟
- قىسقا كارانداش.
مىناۋ نەلەر؟
- جولدار.
مىناۋ قانداي جول؟
- ۇزىن جول. يا، ۇزىن جول.
ال، مىنا جول قانداي؟ قىسقا جول.
دۇرىس ايتاسىڭدار، بالالار!
ال، كەلەسى تاپسىرمانى ورىنداۋ ءۇشىن، ەكىنشى شارىمىزدى جارىپ كورەيىكشى، ونىڭ ىشىندە قانداي تاپسىرما بار ەكەن؟ قانە، كىم شاردى جارادى؟

II - تاپسىرما: گەومەتريالىق پىشىندەردى اتا؟ (ءۇشبۇرىش، ءتورتبۇرىش، دوڭگەلەك ).
بالالار پىشىندەردىڭ اتىن اتاپ، ءتۇسىن ايتادى.

III - تاپسىرما: ۇزىن - قىسقا زاتتاردى سالىستىرا بىلەسىڭدەر مە؟
بۇل تاپسىرمانى ورىنداۋ ءۇشىن، ءبىر ويىن ويناۋىمىز كەرەك، بالالار.
ديداكتيكالىق ويىن: «بايقاعىش».
ماقساتى: زاتتىڭ ءتۇرىن، كولەمىن اجىراتا ءبىلۋ. بالانىڭ ويلاۋ قابىلەتىن دامىتۋ.
بالالار مىناۋ نە؟
قويان.
قوياننىڭ نەشە قۇلاعى بار؟
قوياننىڭ ەكى قۇلاعى بار.
ال، اياعى نەشەۋ ەكەن، سانايىقشى؟
بىرەۋ، ەكەۋ، ۇشەۋ، تورتەۋ.
قوياننىڭ مىناۋ نەسى؟
قۇيرىعى.
ال، وسى قوياننىڭ قۇيرىعى ۇزىن با، قۇلاعى ۇزىن با؟
- قۇلاعى ۇزىن.
دۇرىس ايتاسىڭدار، قۇلاعى ۇزىن ەكەن. قويان نە جەيدى؟
- ءسابىز جەيدى.

قيمىلدى ويىن: «سابىزدەردى جينا».
ماقساتى: بالالاردى جىلدامدىققا، ەپتىلىككە تاربيەلەۋ.
سايقىمازاق:
- قانداي قىزىق ويىن بولدى، ماعان ۇناپ قالدى.
جارايسىڭدار، بالالار. ەندى بارلىعىمىز ورنىمىزدان تۇرىپ، سايقىمازاقپەن بىرگە بويىمىزدى سەرگىتىپ الايىق.

سەرگىتۋ ءساتى:
تەربەلەدى اعاشتار،
الدىمنان جەل ەسەدى
كىپ - كىشكەنتاي اعاشتار،
ءۇپ - ۇلكەن بولىپ وسەدى.