ۆيدەو مونتاج جاساۋعا ارنالعان ەڭ جاقسى 6 باعدارلاما
ەگەر ءسىز مونتاج جاساۋدى ۇيرەنۋدى باستاساڭىز نەمەسە ۇيرەنگەن ءبىلمىڭىزدى تاجىريبە جۇزىندە بايقاپ كورۋ ءۇشىن جاقسى ۆيدەورەداكتور ىزدەپ جۇرگەن بولساڭىز، وندا تومەندەگى باعدارلامالارعا نازار اۋدارىپ كورىڭىز.
1. Lightworks
پلاتفورمالار: Windows، macOS، Linux.
باعاسى: تەگىن نەمەسە ايىنا 8370 تەڭگە شاماسىندا.
Lightworks-تى جاساپ شىعارۋشىلار بۇل باعدارلامانى بارىنە قولجەتىمدى، كاسىبي بەينەرەداكتور دەپ سانايدى. ءسىز بۇل باعدارلامانى تەگىن پايدالانا الاسىز، ءبىراق، بەينەجازباڭىزدى ساقتاۋعا ارنالعان پىشىمدەر مەن رۇقساتتاردىڭ سانى شەكتەۋلى بولادى. تولىق نۇسقاسىن جازۋ ءۇشىن ابونەنتتىك تولەم - ايىنا 25 دوللاردى قۇرايدى.
Lightworks-تىڭ نەگىزگى ەرەكشەلىكتەرىنىڭ ءبىرى - جۇزدەن اسا ءارتۇرلى ەففەكتىلەر، بەينە جانە اۋديونى كەسۋگە ارنالعان ىڭعايلى قۇرالدار، ولشەمى كىشىرەك جانە قاراپايىم ءينتۋيتيۆتى ينتەرفەيستىڭ بولۋى. ەگەر ءسىز اعىلشىن ءتىلىن بىلسەڭىز، وڭدەۋدى يگەرۋ ءۇشىن جوبانىڭ رەسمي سايتىنان پايدالانۋشىلار فورۋمى مەن روليكتەردى ۇيرەتەتىن نەگىزگى بازانى قولدانۋىڭىزعا بولادى.
www.lwks.com
2. Shotcut
پلاتفورمالار: Windows، macOS، Linux.
باعاسى: تەگىن.
باستاپقى اشىق كودى بار، تەگىن تولىققاندى بەينەرەداكتور. Shotcut اۋەسقوي مونتاجداۋشىلار ءۇشىن قاجەت بولۋى مۇمكىن كوپتەگەن نەگىزگى قۇرالدار مەن ەففەكتىلەردى ۇسىنادى. ودان بولەك، اتالعان باعدارلاما كوپتەگەن فورماتتار ءتۇرىن كوتەرە الادى.
Shotcut ينتەرفەيسىن قاراپايىم دەپ ساناۋعا بولمايدى. ەسەسىنە، ءسىز ونى ءوز قالاۋىڭىز بويىنشا، جۇمىس تەرەزەسىندە قاجەتتى قۇرالداردى قالدىرۋ ارقىلى باپتاي الاسىز.
ءالسىز ماشينالاردىڭ وزىندە رەداكتور جىلدام جۇمىس ىستەيدى. سونىمەن قاتار، Shotcut-تا باعدارلامانى ورناتپاي-اق پايدالانۋعا بولاتىن ءپورتاتيۆتى نۇسقاسى بار.
www.shotcut.org
3. Corel VideoStudio Pro X10
پلاتفورما: Windows.
باعاسى: 36540 تەڭگە شاماسىندا، تەگىن سىناق نۇسقاسى بار.
VideoStudio Pro X10 — كاسىبي بەينەمونتاجداۋعا ارنالعان تەڭدەسسىز رەداكتور. بۇل باعدارلامانىڭ ىشىندە 1500-دەن استام ءارتۇرلى ەففەكتىلەر مەن فيلترلەر، بىرنەشە كامەرالاردان ۆيدەولاردى بىرىكتىرۋگە ارنالعان ارنايى رەجيم، كادرلىق انيماسيالاردى جانە قوزعالىستى قاداعالاۋعا ارنالعان قۇرالدار، سونداي-اق، تەگىن دىبىس كىتاپحاناسى بار.
كورنەكتى ينتەرفەيس، شابلوندار، قاراپايىم رەداكتورلىق پرينسيپتەردىڭ ارقاسىندا VideoStudio Pro X10 باعدارلاماسىن جاڭادان باستاۋشىلاردىڭ ءوزى ءساتتى قولدانا الادى. اتالعان باعدارلامادا 30 كۇندىك سىناق نۇسقاسى بار جانە ونى تەگىن قولدانىپ كورۋگە بولادى.
www.videostudiopro.com
4. CyberLink PowerDirector 16 Ultra
پلاتفورما: Windows.
باعاسى: 33115 تەڭگە شاماسىندا، تەگىن سىناق نۇسقاسى بار.
بۇل رەداكتوردىڭ قاۋقارى VideoStudio مۇمكىندىگىنەن تومەن ەمەس. ءوزىنىڭ باسەكەلەسى سياقتى PowerDirector تە كاسىبي ماماندارعا دا، مونتاجداۋدى جاڭادان ۇيرەنۋشىلەرگە دە جارامدى. سونىمەن قاتار، باعدارلاما بارلىق تانىمال رەداكتورلاردىڭ فورماتتارىن، ەففەكتىلەردىڭ ەڭ باي ارسەنالىن، قۇرال-سايماندار مەن وڭدەۋ رەجيمدەرىن قولدايدى. مىسالى، PowerDirector باعدارلاماسىندا بەينەنىڭ ينتەللەكتۋالدى ءتۇسىن تۇزەتۋ رەجيمى مەن 360 گرادۋسقا ارنالعان روليكتەردى مونتاج جاساۋعا ارنالعان فۋنكسيالارى بار.
ايتۋلى باعدارلامانىڭ كومەگىمەن ءسىز ءارتۇرلى كليپتەردى بەرىلگەن ۇلگىگە سايكەس بىرىكتىرىپ، نەمەسە ۆيدەو قاتارلارىن ەكىنشى بىرەۋىنە بىرىكتىرۋگە بولاتىن بەينەكوللاجداردى جاساي الاسىز. ال، ارنايى Storyboard Mode رەجيمى جاقىندارىڭىز بەن دوستارىڭىزعا ارنالعان قاراپايىم، قىسقا فيلمدەردى تەز جاساپ شىعارۋعا كومەكتەسەدى. CyberLink PowerDirector 16 Ultra باعدارلاماسىن ءبىر اي تەگىن پايدالانۋعا بولادى.
www.cyberlink.com
5. VEGAS Movie Studio
پلاتفورما: Windows.
باعاسى: 16725 تەڭگە شاماسىندا، تەگىن سىناق نۇسقاسى بار.
VEGAS Movie Studio — بۇل دا مىقتى ۆيدەورەداكتورلاردىڭ ءبىرى، الدىن Sony Vegas دەگەن اتپەن تانىمال بولعان. Movie Studio - اۋەسقوي جانە كاسىبي تاپسىرمالاردىڭ باسىم بولىگىن ورىنداۋعا قاۋقارى جەتەدى. پايدالانۋشىنىڭ قۇزىرىنا ءستيلدى ەففەكتىلەر، كەڭ تارالعان فورماتتارعا قولداۋ كورسەتۋ، دىبىسپەن جۇمىس ىستەۋدەگى كۇشتى قۇرالدار جانە باسقا دا كوپتەگەن مۇمكىندىكتەر ۇسىنىلادى.
ايتا كەتكەن ءجون، بۇل باعدارلاما PowerDirector جانە Corel VideoStudio سىندى باسەكەلەستەرىنەن فۋنكسيالاردىڭ سانىمەن ارتتا قالادى. ول پايدالانۋشىلاردىڭ قىزىعۋشىلىعىن تۋدىراتىن 360 گرادۋستىق روليكتەردى وڭدەۋ جانە قوزعالىسىتى قاداعالاۋ سياقتى قىزمەتتەرى جەتىسپەيدى. ءبىراق، VEGAS Movie Studio ارزانىراق. قىزىعۋشىلىق تانىتۋشىلار باعدارلامانى ءبىر اي تەگىن سىناپ كورە الادى.
www.vegascreativesoftware.com
6. Adobe Premiere Elements
پلاتفورمالار: Windows، macOS.
باعاسى: 26100 تەڭگە شاماسىندا، تەگىن سىناق نۇسقاسى بار.
بۇل قيىن كاسىبي تاپسىرمالاردى ورىنداۋدا ەڭ ءتيىمسىز باعدارلاما بولۋى مۇمكىن. ءبىراق، قۇراستىرۋشىلار Premiere Elements باعدارلاماسىن قولدانۋ ارقىلى جاڭادان باستاعاندار ءۇشىن قىسقا مەرزىم ىشىندە مونتاج جاساۋدان ۇستا بولۋعا مۇمكىندىك سىيلادى. ويتكەنى بۇل باعدارلامادا پايدالانۋشىعا بەينەماتەريالدارمەن جۇمىس ىستەۋ نەگىزدەرىن ەگجەي-تەگجەيلى تۇسىندىرەتىن قادامدىق ينتەراكتيۆتى نۇسقاۋلىقتارى بار.
Premiere Elements-تە روليك جاساۋعا ارنالعان ءۇش رەجيم بار. ءبىرىنشىسى، ەڭ جەڭىلدەتىلگەن ءتۇرى: ءسىز باستاپقى بەينەفايلداردى تاڭدايسىز دا، ارمەن قاراي نۇسقاۋلارعا ەرە وتىرىپ، قاراپايىم ارەكەتتەردى ورىندايسىز. ءسىز ءۇشىن قاجەتتى كوپ نارسەنى باعدارلامانىڭ ءوزى جاسايتىن بولادى. ەكىنشى ءتۇرى - قوسىمشا مۇمكىندىكتەردى قامتاماسىز ەتەدى جانە كۇردەلى تاپسىرمالار ءۇشىن نۇسقاۋلىقتاردى كورسەتەدى. ءۇشىنشى رەجيم — ەشقانداي كومەكسىز ارەكەت ەتەتىن بولاسىز، ياعني، رەداكتور قۇرالدارىمەن ءوزىڭىز جۇمىس ىستەيسىز.
قوسىمشا ءبىلىمدى Adobe-تىڭ ءبىلىم بازاسىنان نەمەسە جوبا فورۋمىندا جيناقتاۋعا بولادى. وقۋعا اسا ىنتالى بولماساڭىز دا، Premiere Elements سىزگە ساپاسى كاسىبي ۆيدەوروليكتەرگە جاقىن تۋىندىنى جاساۋعا مۇمكىندىك بەرەدى. باعدارلامادا 30 كۇنىك سىناق نۇسقاسى بار.
مىقتى قولدانۋشىلار ءۇشىن Adobe مونتاج جاساۋعا قوسىمشا قۇرالدارى بار Premiere Pro كاسىبي ۆيدەورەداكتورىن ۇسىنادى.
www.adobe.com
You Might Also Like
-
قىزىلوردا قالاسى №101 ءا.ءمۇسىلىم ۇلى اتىنداعى مەكتەپ-ليسەيدىڭ 3 «ا» سىنىپ وقۋشىسى بولات ايسۇلتان دوسحان ۇلى
-
جەر بەتىنىڭ تۇپكىر-تۇكپىرىندە بىر-بىرىنەن ەرەكشەلەنەتىن ءسان-تۇرلى ادەت-عۇرىپتار بار. بۇل ادەت-عۇرىپتاردىڭ كەيبىرلەرى كۇلكىلى، كەيبىرلەرى قىزىق، ال كەيبىرلەرى جاعا ۇستاتارداي وعاش بولىپ كەلەدى.
