قازاقستاندا ناقتى عىلىمدار سالاسى تەك اعىلشىن تىلىندە سويلەيدى
قازاقستاندا بىرتىندەپ قولدانبالى عىلىم سالاسىنىڭ بارلىعى اعىلشىن تىلىنە اۋدارىلماق.
«ءبىزدى كەلەشەكتە نە كۇتىپ تۇر؟ الداعى كەزەڭدە ساتى-ساتى بويىنشا قولدانبالى عىلىم تۇرلەرىنىڭ بارلىعى اعىلشىن تىلىنە اۋدارىلادى. بۇل ءبىلىم جانە عىلىم مينيسترلىگىنىڭ ەمەس، ۋاقىتتىڭ تالابى. بارلىق مەملەكەتتىك گرانتتار، بارلىق ساراپتاما جۇمىستارى اعىلشىن تىلىندە بولادى»، - دەپ مالىمدەدى ق ر بعم ۆيسە-مينيسترى اسلانبەك امرين «عىلىم مەن بيزنەستى بىرىكتىرۋ قۇرالى رەتىندە تەحنولوگيالاردى كوممەرسيالاندىرۋ» فورۋمىندا.
ۆيسە-مينيستر عالىمداردىڭ اعىلشىن ءتىلىن ءبىلۋى كەرەكتىگىن اتاپ ءوتتى.
«ءبىز تەك قانا قولدانبالى عىلىم سالاسى تۋرالى ايتىپ وتىرمىز. مالىمەتتەرگە سايكەس، قولدانبالى عىلىم سالاسىنداعى عالىمداردىڭ كوبى اعىلشىن ءتىلىن مەڭگەرگەن. ويتكەنى بۇل جاراتىلىستانۋ عىلىمى. الەمدەگى عالىمدار حالىقارالىق فورۋمداردا اعىلشىن تىلىندە سويلەيدى. سوندىقتان، ەرتە مە، كەش پە ءبىز دە وسىعان كەلەمىز. دايىن بولىڭىزدار. تۇركيا، مالايزيا، گەرمانيا ەلدەرىندە تەحنيكالىق ماماندىق بويىنشا وقىتۋلار مەن زەرتتەۋلەر اعىلشىنشا وتەدى. ءبىز دە وسى تاجىريبەنى ەنگىزەمىز»، - دەيدى ول.
سونىمەن قاتار، 2018 جىلى ق ر ءبىلىم جانە عىلىم مينيسترلىگى حالىقارالىق دارەجەدە جۇمىس بارىسىن كەڭەيتىپ، قازاقستاندىق عالىمداردى شەتەلگە جىبەرمەك.
«بۇل نە ءۇشىن جاسالىپ وتىر؟ ءبىز عالىمدارىمىزدىڭ ەركىندىك قاعيداتى بولعانىن قالايمىز. ەگەر ءبىزدىڭ عالىمدارعا ەكسپەريمينتالدى عىلىممەن اينالىسۋى كەرەك بولسا، ونىڭ سول سالا زەرتتەلەتىن ەلگە بارۋىنا قۇقىعى بولىپ، سول تاجىريبەنى قازاقستانعا اكەلۋى كەرەك. ءبىز بۇل جۇمىستى كەلەسى جىلى باستايمىز. الدىن الا كەلىسسوزدەردى جۇرگىزدىك. شەتەلدىك سەرىكتەستەر تاراپىنان ورتاق دايىندىق بار»، - دەيدى ۆيسە-مينيستر.
قازاقپارات
You Might Also Like
-
قىزىلوردا قالاسى №101 ءا.ءمۇسىلىم ۇلى اتىنداعى مەكتەپ-ليسەيدىڭ 3 «ا» سىنىپ وقۋشىسى بولات ايسۇلتان دوسحان ۇلى ...
-
تاراز قالاسى، ەرەكشە دارىندى بالالارعا ارنالعان «دارىن» مەكتەپ-ينتەرناتى سابولوۆ ەرمان ەرجان ۇلى جەتەكشىسى: سەيتجانوۆا گۋلافرەز باحيتوۆنا
