InfoHub Logo

جەر بەتىنىڭ تۇپكىر-تۇكپىرىندە بىر-بىرىنەن ەرەكشەلەنەتىن ءسان-تۇرلى ادەت-عۇرىپتار بار. بۇل ادەت-عۇرىپتاردىڭ كەيبىرلەرى كۇلكىلى، كەيبىرلەرى قىزىق، ال كەيبىرلەرى جاعا ۇستاتارداي وعاش بولىپ كەلەدى.

بۇلاردىڭ ءبىرشاماسى تومەندەگىدەي:

● يسلانديا: استاناسى رەيكياۆيكتە 1924 جىلدان يت باعۋعا تىيىم سالىنعان، 2006 جىلدان بۇل تىيىم جارتىلاي الىنعان.

● موريتانيا: بۇل ولكەدە سەمىز ايەلدەر ادەمى سانالادى جانە قۇرمەتتەلەدى. تۇرمىس قۇرۋ شاعىنا جەتكەن بويجەتكەننىڭ سالماعى ەڭ از دەگەندە 60 كگ، ەڭ كوبى 100 كگ بولۋعا ءماجبۇر.    

● سولتۇستىك كورەيا: ەركەكتەردىڭ 27، ال ايەلدەردىڭ 25 جاستان بۇرىن ۇيلەنۋلەرىنە تىيىم سالىنادى. مۇنىڭ سەبەبى وتان الدىنداعى اسكەري مىندەتتەرىن ورىنداۋعا ءماجبۇر بولۋى.

● سولتۇستىك پوليۋس: ەسكيمولار قارتايعان شاعىندا ىسكە جارامسىز ەكەندىكتەرىن ويلاپ جاقىندارىنان ءوزىن ءولتىرۋىن سۇرايدى. بۇل وزىنە قول جۇمساۋدىڭ ءبىر ءتۇرى بولىپ تابىلادى. كۇنى كەلگەندە قارتايعان وتاعاسى جاقىندارىنىڭ كومەگىمەن تىرىدەي جەرگە كومىلەدى.

● برازيليا: امازون ايماعىندا ءومىر سۇرەتىن «SatereMawe» تايپاسى وكىلدەرىنىڭ ۇل بالالارى ءۇشىن اۋىر ازاپقا پارا-پار ادەت-عۇرىپتارى بار. ۇل بالا قولىنا توقىلعان قولعاپ كيىپ، عۇجىناعان وق قۇمىرسقالارىنىڭ ىشىنە قولىن سالىپ 10 مينۋت تۇرۋى قاجەت.

● تانزانيا جانە كەنيا: تانزانيا جانە كەنيادا ءومىر سۇرەتىن «ماساي» تايپاسىنىڭ وكىلدەرى بىر-بىرىنە تۇكىرۋ ارقىلى سالەمدەسەدى.

● ءۇندىستان: اسقا كەلگەن قوناق تاماقتان كەيىن كەكىرمەسە، تاماقتى ۇناتپاعان بولىپ قابىلدانادى.

● تايلاند: تەك قانا پاتشا وتباسىنا ءتان ادامدار بىلەتىن وزگەشە ءتىل قولدانادى — «راچاساپ». مۇنىڭ سەبەبى وزدەرىن باسقا ادامدار تۇسىنبەۋى ءۇشىن ەكەن.

---