InfoHub Logo

ساباقتىڭ تاقىرىبى: WordPad ماتىندىك رەداكتورىنا كىرىسپە
ساباقتىڭ ماقساتى:

 بىلىمدىلىك: وقۋشىلاردى WordPad ماتىندىك رەداكتورىمەن تانىستىرۋ.WordPad ماتىندىك رەداكتورىنىڭ تەرەزەسى تۋرالى تۇسىنىك بەرۋ، ماتىنمەن جۇمىسقا داعدىلاندىرۋ، قۇجاتتاردى قۇرۋعا، اشۋعا، ساقتاۋعا ۇيرەتۋ.
 دامىتۋشىلىق: وقۋشىلاردىڭ ويلاۋ قابىلەتىن، لوگيكالىق - ابستراكسياسىن دامىتۋ.
 تاربيەلىك: وقۋشىلاردى تاربيەلىككە، ۇقىپتىلىققا، تياناقتىلىققا ۇيرەتۋ.
ساباقتىڭ ءتۇرى: اشىق ساباق.
ساباقتا قولدانىلاتىن كورنەكى قۇرالدار:
 ينتەراكتيۆتى تاقتا،WordPad رەداكتورى، كارتوچكالار.

ساباقتىڭ بارىسى: 1. ۇيىمداستىرىلۋى. وقۋشىلارمەن امانداسۋ، تۇگەندەۋ، ساباققا دايىندىقتارىن تەكسەرۋ، جاڭا ساباقتىڭ تاقىرىبى مەن ماقساتىن تانىستىرۋ.
2.ۇيگە بەرىلگەن تاپسىرمانى تەكسەرۋ. سۇراق-جاۋاپ ارقىلى
3. جاڭا ساباقتى ءتۇسىندىرۋ.

ماتىندىك پروسەسسور - بۇل تەك قانا ءماتىندى ەنگىزۋ مەن تۇزەتۋ عانا ەمەس، سونىمەن قاتار ونى پىشىمدەۋ قۇرالدارى بار باعدارلامالار كلاسى. سونىمەن قاتار پىشىمدەۋ قاعاز بەن ەكرانعا شىعارۋدى باسقاراتىن كورىنبەيتىن كودتاردى ەنگىزۋ جولىمەن ىسكە اسادى. WordPad ءماتىندى پىشىمدەۋدىڭ مينيمالدى مۇمكىنشىلىگى بار قاراپايىم ماتىندىك پروسەسسور بولىپ تابىلادى. جاي قۇجاتتاردى دايىنداۋ ءۇشىن جانە ماتىندىك فايلداردى ءبىر پىشىننەن باسقا پىشىنگە وزگەرتۋ ءۇشىن پايدالانىلادى.

WordPad ماتىندىك رەداكتورى.
قازىرگى كەزدە دەربەس كومپيۋتەرلەردى قۇجاتتار مەن ماتىندەر دايىنداۋدا كەڭىنەن پايدالانىلادى. كومپيۋتەرلەر تەك باسپا ماشيناسىنىڭ قىزمەتىن اتقارىپ قانا قويماي، قۇجاتتاردى دايىنداۋ پروسەسىندە كوپتەگەن قوسىمشا مۇمكىندىكتەر بەرەدى.

بىرىنشىدەن، كومپيۋتەردەگى ءماتىندى تۇزەتۋگە، ءماتىن ۇزىندىلەرىن قوسۋعا، ءماتىن اراسىنا جاڭا جولدار قوسۋعا، ءار ءتۇرلى قۇجاتتاردى ءبىر - بىرىنە قوسۋعا، ءماتىننىڭ شەكارالارىن تەگىستەۋگە. جولداردى ەكراننىڭ ورتاسىنا كەلتىرۋگە، قۇجاتتى ساقتاپ، باسپاعا قانشا دانا بولسا دا شىعارۋعا بولادى.
ەكىنشىدەن، ءار ءتۇرلى قارىپتەردى، ءار تىلدەردىڭ الفاۆيتتەرىن، سونداي-اق گرافيكالىق سيمۆولداردى پايدالانۋعا بولادى.

ۇشىنشىدەن، ءماتىن اراسىنا كەستەلەردى، سۋرەتتەردى، گرافيكتەردى كىرىستىرۋگە، سونىمەن قاتار ءماتىننىڭ ءوزىن ءتۇرلى پىشىندە (قيسىق بويىندا ورنالاستىرۋعا، «كولەمدى» ءپىشىن بەرۋگە، كولەڭكەلەۋگە جانە ت.ب.) ورنالاستىرۋعا بولادى.

تورتىنشىدەن، قاعازعا جازىلعان ماتىندەردى، قۇجاتتاردى (حات، كىتاپ ءماتىنىن ت.ب.) سكانەر ارقىلى وتكىزىپ، تانۋ باعدارلاماسىنىڭ كومەگىمەن ماتىندىك پىشىمگە كەلتىرۋگە بولادى.
بەسىنشىدەن، ستاندارتتى قۇجاتتاردى شىعارعاندا دايىن ۇلگىلەردى پايدالانۋعا بولادى.

WordPad ماتىندىك رەداكتورىمەن جۇمىس ىستەۋ.
WordPad ماتىندىك رەداكتورى قاراپايىم ماتىندىك قۇجاتتاردى جاساۋعا مۇمكىندىك بەرەدى. WordPad قۇجاتتارىندا ءماتىن مەن ابزاستى پىشىمدەۋگە، شەكارالاردى جىلجىتۋعا، شەگىنىس ورناتۋعا، ءار ءتۇرلى ءقارىپ قولدانۋعا، سونىمەن قاتار گرافيكالىق كەسكىندەردى، دىبىس ۇزىندىلەرى مەن بەينەكليپتەردى قويۋعا بولادى.

WordPad باعدارلاماسىن ىسكە قوسۋ.
WordPad ماتىندىك رەداكتورىن ىسكە قوسۋ ءۇشىن، كەلەسى ارەكەتتەردى ورىندايمىز: پۋسك - پروگراممى - ستاندارتنىە - WordPad . رەداكتور ىسكە قوسىلعانننان كەيىن ەكرانعا WordPad ماتىندىك رەداكتورىنىڭ تەرەزەسى شىعادى. تەرەزە كەلەسى ەلەمەنتتەردەن تۇرادى: تاقىرىپ جولى، مەنيۋ جولى، قۇرال- سايماندار تاقتاسى، پىشىمدەۋ تاقتاسى، سىزعىش جانە تەرەزەنىڭ جۇمىس ايماعى.
تەرەزەنىڭ كوپ بولىگىن جۇمىس ايماعى الادى، وعان ءماتىن ەنگىزىلەدى.
تەرەزەنىڭ تاقىرىپ جولىندا قۇجات اتى جانە WordPad باعدارلاماسىنىڭ اتى كورىنەدى.
قۇرال-سايماندار تاقتاسىندا ءجيى پايدالانىلاتىن كوماندالاردى شاقىرۋ باتىرمالارى بار. ءاربىر باتىرمانىڭ، مىندەتىن ءبىلۋ ءۇشىن ماۋستىڭ نۇسقاعىشىن سول باتىرمانىڭ ۇستىنە ورنالاستىرىڭدار، از ۋاقىتتان سوڭ ىشىنە باتىرمانىڭ قىسقاشا اتى جازىلعان كىشكەنە ءتورتبۇرىش شىعادى. باتىرمانىڭ اتى ونىڭ ورىندايتىن قىزمەتىن كورسەتەدى.


WordPad-تا قۇجات قۇرۋ.
WordPad-تا قۇجات قۇرۋ ءۇشىن ، تومەندەگى نەگىزگى ساتىلاردى ورىنداۋ كەرەك:
1. ءقارىپ جانە ونى ولشەمىن تاڭداۋ.
2. ءماتىندى ەنگىزۋ جانە رەداكسيالاۋ.
3. ءماتىندى پىشىمدەۋ.
4. قۇجاتتى ساقتاۋ جانە اشۋ.
5. باسپاعا شىعارۋ.
وسى ساتىلاردى قاراستىرايىق:
1. ءقارىپ جانە ونىڭ ولشەمىن تاڭداۋ.

ەسەپتەر تاقتاسىنداعى پەرنەتاقتا ينديكاتورى ارقىلى قاجەتتى ءتىلدى تاڭداي الامىز.
ءقارىپ تۇرلەرىن قۇرال - سايماندار تاقتاسىنداعى ءقارىپ باتىرماسىن شەرتۋ ارقىلى، ال ولشەمىن ءقارىپ ولشەمى باتىرماسى ارقىلى وزگەرتە الامىز. ءقارىپتى، ولشەمدى، الپەتتى قاتار وزگەرتۋ ءۇشىن فورمات-شريفت (ءفورمات-قارىپ) كومانداسىن ورىندايمىز.

2.ءماتىندى ەنگىزۋ مەن رەداكسيالاۋ. ءماتىندى ەنگىزگەندە جولدار اۆتوماتتى تۇردە تومەن جىلجىتىلىپ وتىرادى. ءماتىندى تەرۋ كەزىندەگى كەيبىر پەرنەلەردىڭ قىزمەتى:
Enter- جاڭا جولعا كوشۋ
Shift-باس ارىپتەردى تەرۋ.
CapsLock - باس ارىپتەر رەجيمىنە اۋىسۋ
Backspace - مەڭزەردىڭ سول جاعىنداعى سيمۆولداردى ءوشىرۋ
Delete - مەڭزەردىڭ وڭ جاعىنداعى سيمۆولداردى ءوشىرۋ.
3.ءماتىندى پىشىمدەۋ. ءماتىننىڭ الپەتىن وزگەرتۋ جانە ءماتىندى بەتتەردىڭ شەتتەرى بويىنشا تەگىستەۋ ارەكەتتەرىن ورىنداۋ ءماتىندى پىشىمدەۋ دەپ اتالادى.

ءماتىننىڭ الپەتى: ج- جارتىلاي قالىڭ، ك- كۋرسيۆ، چ- استى سىزىلعان. كادىمگى پىشىمدەۋ قۇرال-سايماندار تاقتاسىنداعى ج،ك،چ باتىرمالارىن شەرتۋ ارقىلى جىلدام ورىندالادى.
ءماتىندى تەگىستەۋ ءۇشىن پىشىمدەۋ قۇرال - سايماندار تاقتاسىنداعى سول جاق شەتى، وڭ جاق شەتى، ورتاسى بويىنشا تەگىستەۋ باتىرمالارى قولدانىلادى. بۇل ارەكەتتى فورمات-ابزاس كومانداسى ارقىلى دا ورىنداۋعا بولادى.

1. قۇجاتتى ساقتاۋ جانە اشۋ. WordPad ماتىندىك رەداكتورىندا قۇجاتتى ساقتاۋ ءۇشىن: فايل- Cوحرانيت كاك كومانداسىن ورىندايمىز. وسى رەداكتوردا ساقتالعان فايلدىڭ كەڭەيتىلۋى اۆتوماتتى تۇردە *.doc بولادى.
ساقتالعان قۇجاتتى اشۋ ءۇشىن: فايل –وتكرىت كومانداسىن ورىندايمىز.
جاڭا قۇجاتتى قۇرۋ ءۇشىن: فايل- سوزدات كومانداسىن ورىندايمىز.
2. قۇجاتتاردى باسۋ: قۇجاتتى قۇرۋدىڭ سوڭعى ساتىسى – ونى باسپاعا بەرۋ. قۇجاتتى باسپاعا بەرۋ ارەكەتتەرى:
1) فايل- پرەدۆاريتەلنىي پروسموتر (الدىن-الا قاراپ شىعۋ)؛
2) فايل – پەچات.

تاپسىرمالار:

1-تاپسىرما: WordPad ماتىندىك رەداكتورىن ىسكە قوسۋ تىزبەگىن كورسەت.
2- تاپسىرما: WordPad ماتىندىك رەداكتورى.ارنالعان.
3- تاپسىرما: WordPad ماتىندىك رەداكتورىنىڭ مۇمكىندىكتەرى قانداي؟
4 - تاپسىرما: ينفورماتيكالىق ديكتانت.
ساباقتى بەكىتۋ سۇراقتارى:
- WordPad ماتىندىك رەداكتورىنىڭ اتقاراتىن قىزمەتى قانداي؟
- WordPad ماتىندىك رەداكتورىن قالاي ىسكە قوسامىز؟
- WordPad ماتىندىك رەداكتورىنىڭ تەرەزەسىنىڭ بولىكتەرىن اتاڭدار.
- WordPad ماتىندىك رەداكتورىندا قۇجات قۇرۋ ساتىلارىن اتاڭدار.
- ءماتىننىڭ ءقارپىن، ولشەمىن، الپەتىن قالاي وزگەرتەمىز؟
- ءماتىندى تەگىستەۋدىڭ قانداي تۇرلەرى بار، ولار قالاي ورىندالادى؟

باعالاۋ: وقۋشىلاردىڭ ءبىلىمىن باعالاۋ.
قورىتىندىلاۋ: سۇراقتارعا بەرگەن جاۋاپتارىن تولىقتىرا وتىرىپ، ساباقتى قورىتىندىلاۋ.
ۇيگە تاپسىرما: WordPad ماتىندىك رەداكتورىمەن جۇمىس
جۇمىس داپتەرىندەگى تاپسىرمالاردى ورىنداۋ.