حالىق ماقتانىشى - باۋىرجان مومىش ۇلىنىڭ تۋعانىنا 110 جىل
حالىق ماقتانىشى - باۋىرجان مومىش ۇلىنىڭ تۋعانىنا 110 جىل!
بيىل 24 جەلتوقسان كۇنى كەڭەس وداعىنىڭ باتىرى، پولكوۆنيك، جازۋشى، قازاق حالقىنىڭ ماقتانىشى- باۋىرجان مومىش ۇلىنىڭ تۋعانىنا 110 جىل تولادى. باۋىرجان مومىش ۇلى 1910 جىلى جامبىل وبلىسىنىڭ جۋالى اۋدانى، كولباستاۋ اۋىلىندا دۇنيەگە كەلگەن.
قازاق حالقى ءۇشىن ءبىرتۋار دارا تۇلعا، ەرلىك پەن ەلدىكپەن تانىلعان باتىر 1941 جىلدىڭ قىركۇيەگىنەن باستاپ ۇلى وتان سوعىسى شايقاستارىندا 16-شى ارميانىڭ 316-شى اتقىشتار ديۆيزياسىنىڭ 1073ء-شى اتقىشتار پولكىنىڭ باتالونىنا كوماندير بولدى. قاپيادا وي تاۋىپ، قاراڭعىدا جول تاۋىپ، ەرەن ەرلiگiمەن اتى الەمگە اڭىز بولىپ، سول كەزدە العاش رەت باۋىرجان جايلى دارىندى كوماندير رەتىندە ايتا باستادى. 7 قاراشادا گەنەرال پانفيلوۆ ۆولوكولامسك باعىتىنداعى ەرلىكتەرى ءۇشىن اعا لەيتەنانت مومىشۇلىن لەنين وردەنىنە (سول كەزدەگى ەلدىڭ ەڭ جوعارى ناگراداسىنا) ۇسىندى.
باتىرلىق، ادالدىق جانە قايسارلىق – باۋىرجان مومىشۇلىن حالىق قاھارمانىنا اينالدىردى. ءپاتريوتيزمنىڭ جوعارى رۋحى، شەشىم قابىلداۋداعى باتىلدىق، تارتىپتىلىك، دانالىق پەن ادەپتىلىك ونىڭ جەكە باسىن سيپاتتايدى.ونىڭ كوزقاراسى بويىنشا سەنىم-بۇل ادامگەرشىلىك پەن ادالدىققا اكەلەتىن كۇش. سەنىم-ۇمىت تامىرى. جاستارعا ارناعان سوزىندە ول: "سەن اتا – اناڭنىڭ ءۇمىتىسىڭ. سەن – دەربەس، سەن – جاسامپاز ءومىر، سوندىقتان سەنۋ كەرەك.»
باۋىرجان مومىش ۇلىنىڭ مۇراسى باتىرلىققا، ءتارتىپ پەن پاتريوتيزمگە تولى، ونىڭ ءومىرى ادالدىق، ادىلدىك جانە پاراساتتىلىق قاعيداتتارىنا نەگىزدەلگەن. ول ءوزىنىڭ وتانشىلدىعىمەن، ۇلتجاندىلىعىمەن، قاھارماندىلىعىمەن، جوعارى ادامگەرشىلىك قاسيەتتەرىمەن، ۇرىس جۇرگىزۋدەگى اسكەري شەبەرلىگىمەن، تاپقىرلىعىمەن جانە جەكە باسىنىڭ ەرلىگىمەن كوزگە ءتۇسىپ، اتى اڭىزعا اينالدى.
بۇگىندە ونىڭ اتىن مەكتەپتەر مەن اسكەري ينتەرناتتار الىپ ءجۇر، ونىڭ ەسىمىمەن قازاقستان قالالارىنىڭ كوشەلەرى اتالعان، ول تۋرالى كوپ جازادى، ايتادى، وقيدى. باۋىرجان مومىش ۇلىنىڭ كىم ەكەنىن بىلمەيتىن قازاق جوق. ۋاقىت ءبارىن ءوز ورنىنا قويدى، ادامدار ونى ۇمىتپادى، ونىڭ داڭقى جىلدار وتكەن سايىن كوبەيەدى.
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
د.ءا.ءاشىم ءال-فارابي اتىنداعى ءقازۇۋ-نىڭ گەوگرافيا جانە تابيعاتتى پايدالانۋ فاكۋلتەتىنىڭ 1-كۋرس ستۋدەنتى
You Might Also Like
-
1991 جىلى 16 جەلتوقساندا پارلامەنت قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى كونستيتۋسيالىق زاڭدى جاريالادى. وسىلايشا، قازاقستاننىڭ مەملەكەتتىك تاۋەلسىزدىگى زاڭناما تۇرعىسىنان ءراسىم...
-
الدىمەن بارشا قازاقستاندىقتاردى تاۋەلسىزدىك كۇنىمەن قۇتتىقتايمىن.
