حوۋم كرەديت بانكتىڭ جاڭا ءتوراعاسى تانىستىرىلدى
16 — قازاندا بانك حوۋم كرەديتتىڭ جاڭا ءتوراعاسى كارەل گوراكتى رەسمي تۇردە تانىستىرۋ ماقساتىندا جابىق تۇردەگى تاڭعى اس بەرىلدى. وعان ەلىمىزدەگى بەلگىلى بۇقارالى اقپارات قۇرالدارىنىڭ جەتەكشىلەرى مەن پىكىر كوشباسشىلارى قاتىستى.
شارا باسىندا كارەل گوراك ءوزىن تانىستىرا وتىرىپ، ومىرىنەن قىسقاشا سىر شەرتتى. كارەل گوراك Home Credit Group كومانداسىنا 2015 جىلى مامىر ايىنان باستاپ قوسىلعان. ول كەزدە يندونەزياداعى ساتۋ بويىنشا ديرەكتور قىزمەتىن اتقارعان. 2018 جىلى تامىز ايىنان باستاپ، بانك حوۋم كرەديتتىڭ ءتوراعا قىزمەتىنە سايلاندى.
ءتوراعا مىرزا Home Credit Group-تاعى قىزمەتىنە دەيىن، ەۋروپاداعى ءبىرقاتار مەملەكەتتەردە Sales&Marketing، Finance، Business Devolopment، Excellence جانە Coca cola Hellenic-تا ءار ءتۇرلى قىزمەتتەر اتقارىپ، 12 جىلدىق تاجىريبەگە يە. ال ەڭ العاشقى مانساپ جولىن 23 جاسىندا سپيرت وندىرىسىندەگى جەرگىلىكتى كومپانيادا باستاعان. كارەل گوراك پراگاداعى ەكونوميكالىق ۋنيۆەرسيتەتتى بىتىرگەن. مەنەدجمەنت جانە ەكونوميكا سالاسى بويىنشا ماگيستر دارەجەسىنە يە. چەح، اعىلشىن، نەمىس جانە يندونەزيا تىلدەرىن بىلەدى.
شارا بارىسىندا ءتوراعا مىرزا بانكتىڭ العا قويعان جوسپارلارىمەن ءبولىسىپ، قارجىلىق كورسەتكىشتەرىنىڭ دامۋىن اتاپ ءوتتى. الدىمەن، قارجىلىق كورسەتكىشتەرگە توقتالساق. بانكتىڭ نەسيە پورتفەلىنىڭ قارقىندى ءوسۋى شامامەن 21%، بۇل 2018 جىلعى 1-قىركۇيەكتەگى جاعداي بويىنشا 246،1 ملرد تەڭگە. 2018 جىلى 1-قاڭتار مەن 2018 جىلى 1-قىركۇيەك ارالىعىندا بانكتىڭ اكتيۆتەرى 21،8% - عا ءوسىپ، 292،9 ملرد تەڭگەنى قۇراعان. وسى جەردە بانكتىڭ تازا كىرىسىنە توقتالساق، بيىلعى جىلدىڭ 1-قىركۇيەگىندە 15 ملرد تەڭگەدەن استام پايدا تاپقان.
سونداي-اق جاڭا ءتوراعا كليەنتتەرگە ارناپ ازىرلەگەن ءبىرقاتار جاڭا ونىمدەرىن دە تىلگە تيەك ەتتى. ولار: ءبولىپ تولەۋ مەن نەسيە فۋنكسياسىن قاتار اتقاراتىن «DOS» نەسيە كارتاسى. جىلىنا 15%-دىق ولشەممەن ەڭ جوعارى سىياقى الۋعا ارنالعان دەپوزيت سەرتيفيكاتى جانە "ايالاۋ" قارجىلىق قورعاۋى.
قازىرگى ۋاقىتتا «Home Credit» بانكى كليەنتتەرى ءۇشىن سيفرلىق شەشىمدەردى ازىرلەپ، ونى ەنگىزۋگە باسا نازار اۋدارۋدا. سولاردىڭ ءبىرى — ءموبيلدى بانكينگ. ونىڭ كومەگىمەن كليەنت ءوزىنىڭ اقشاسىن ۇنەمى باقىلاۋدا ۇستاي الادى.
كارەل گوراك بانكتىڭ العا قويعان جوسپارلارىن ايتا كەلە قىزمەت كورسەتۋ ساپاسىن جاقسارتۋعا باسا نازار اۋداراتىندىعىن، كليەنتتەر ءۇشىن نەسيەگە ءوتىنىش بەرۋ مەن جەكە ۇسىنىستاردىڭ قاراپايىم پروسەسىن ەنگىزۋدى قاراستىراتىندىعىن جانە 2019 جىلى بانكتىڭ تابىستىلىعىن ارتتىرۋدى جوسپارلاپ وتىرعاندىعىن ايتتى. شارا سوڭىندا جۋرناليستەر وزدەرىن تولعاندىرعان سۇراقتارىن قويىپ، جاۋاپ الدى.
You Might Also Like
-
بريتانيالىق ديپلوممەن - اۋىلعا. ۇلىبريتانيادا ءبىلىم الىپ جاتقان PhD ستۋدەنتتەر وقۋلارى اياقتالعان سوڭ، اۋىل ءبىلىمىن كوتەرۋگە اتسالىسپاقشى. بۇل تۋرالى حابار 24 حابارلايدى.
-
بۇل نوبەل سىيلىعىنىڭ پاروديالىق انالوگى. اعىلشىن تىلىندە ول Ig Nobel Prize دەپ اتالادى. مۇندا سوزدەر ويىنى جاسىرىلعان. Nobel prize — Noble ياعني «اسىل» ءسوزى سياقتى ەستىلەدى. ال Ig...
