InfoHub Logo

حرومتاۋ قالاسىنا ساياحات

1. قالا جايلى قىسقاشا مالىمەت. حرومتاۋ قالاسى وبلىس ورتالىعى اقتوبە قالاسىنان 68 كم قاشىقتىقتا ورنالاسقان. ىرگەسى 1940 جىلى كەن ورنىنىڭ يگەرىلۋىنە بايلانىستى جۇمىسشى كەنتى رەتىندە قالانعان. شاھار ارقىلى رەسپۋبليكالىق ماڭىزى بار ءقاندىاعاش-التىنسارين-جىتىقارا-قوستاناي تەمىر جولى جانە قارابۇتاق-كومسومول-دەنيسوۆكا-قوستاناي اۆتوموبيل جولدارى وتەدى.

2.شاھاردىڭ اتاۋى جايلى. 1937 جىلى بۇل وڭىرگە حروم رۋداسىنىڭ تابىلۋىنا بايلانىستى كوپتەگەن ۇل وكىلدەرى كوشىپ كەلىپ،ورنالاستى. كەڭەس وداعى كەزىندە بۇرىنعى تاريحي اتاۋلارى وزگەرىسكە ۇشىراپ،ورىس ءتىلى ارقىلى قالىپتاسقان توپونيمدەر جۇيەسى پايدا بولعانىن بىلەمىز. جەرىنەن حروم كەنى تابىلىپ،وندىرىلەتىندىكتەن جانە ونىڭ قالدىقتارى تاۋ بولىپ ءۇيىلىپ جاتقاندىقتان قالا اتاۋى حرومتاۋ اتانعان دەگەن دەرەك بار.

3. قالاداعى نەگىزگى كاسىپورىندار.

«قازحروم» تۇك» اق فيليالى — ءدوڭ تاۋ-كەن بايىتۋ كومبيناتى وسىندا قالا قۇراۋشى كاسىپورىن رەتىندە بەلگىلى. مۇندا اۋداننىڭ ەڭبەككە قابىلەتتى تۇرعىندارىنىڭ وتىز پايىزدان استامى ەڭبەك ەتەدى. حرومتاۋدا الداعى ۋاقىتتا شاعىن جانە ورتا كاسىپكەرلىكتى دامىتا ءتۇسۋدىڭ مۇمكىندىكتەرى زور. رەسمي دەرەكتەرگە سۇيەنسەك، ءقازىردىڭ وزىندە مۇندا 122 دۇكەن، 17 رەستوران مەن كافە، 10 شاشتاراز، 6 نوتاريۋس، 10 ءدارىحانا، 7 قوعامدىق مونشالار، سونىمەن بىرگە تىگىن جانە اياق كيىم شەبەرحانالارى جۇمىس ىستەيدى.قالا بويىنشا 1300 شارۋاشىلىق جۇرگىزۋشى شاعىن جانە ورتا كاسىپكەرلىك نىساندارى ورنالاسقان.

4. شاھارداعى الەۋمەتتىك-مادەني مەكەمەلەر.

قالادا جالپى ءبىلىم بەرەتىن 6 مەكتەپ، 1 كاسىپتىك-تەحيكالىق مەكتەپ، 3 بالاباقشا، كەنشىلەر مادەنيەت ءۇيى، كلۋب، پوشتا، تەلەگراف جۇيەلەرى، 100 ورىندىق شيپاجاي تۇرعىندارعا قىزمەت ەتەدى.

5.حرومتاۋ- مونوقالالار قاتارىنا وبلىستان ەنگەن جالعىز قالا.

ەلىمىزدە تىركەلگەن 27 مونوقالالاردىڭ قاتارىنا اقتوبە وبلىسىنان جالعىز حرومتاۋ قالاسى ەنگەن. ۇكىمەت مونوقالالاردى دامىتۋ 2012-2020 جىلدارعا ارنالعان باعدارلاماسى بويىنشا العاشقى جىلى 38،6 ملرد، كەلەر جىلى 43،2 ملرد. تەڭگە قارجى بولسە، جىل سايىن ونىڭ كولەمى ارتىپ، شاعىن قالالاردىڭ دامۋىنا سەرپىن بەرىپ كەلەدى.

6. قالانىڭ دامۋ ەرەكشەلىگى. بۇل تۇرعىدا ءسوز قوزعاعاندا، ونىڭ مينەرالدى-شيكىزات رەسۋرستارىنىڭ مول قورى مەن الۋان تۇرلىلىگىن اتاپ وتۋگە بولادى. رەسپۋبليكا بويىنشا وندىرىلەتىن حروم مەن نيكەل رۋدالارىنىڭ جانە حروم تۇزدارى مەن كەراميكالىق پليتالاردىڭ 100 پايىزى ، تەمىر قورىتپالارىنىڭ 40 پايىزى حرومتاۋدىڭ ۇلەسىنە تيەدى.

7. حرومتاۋدىڭ قازىرگى تىرشىلىك تىنىسى. 2018 جىلى ءدوڭ تاۋ كەن بايىتۋ كومبيناتى شىعارعان حروم ءونىمى وتكەن جىلداعىدان 107،1 پايىزعا ارتقان . اۋىل شارۋاشىلىعى ونىمدەرىن قايتا وڭدەۋدە «اگروفيرما تاۋ» ج ش س 12 ايدا وندىرىلگەن ءسۇت ونىمدەرىنىڭ كولەمى 1460 تونناعا جەتكەن . 2018 جىلدىڭ ءساۋىر ايىنان باستاپ «Newmay كەراميكا» كومپانياسى كەراميكا ءوندىرۋ زاۋىتىن قايتا جاڭعىرتۋ جۇمىستارىن باستاعان. «تۋعان جەرگە تاعزىم» اكسياسىنىڭ اياسىندا ءبىلىم اللەياسى مەن دەنساۋلىق اللەياسى سالىنىپ،حالىق يگىلىگىنە قىزمەت ەتۋدە. قالادا 26 مىڭ 641 ادام تۇرادى.

---