InfoHub Logo

ءومىر – ادامعا ءبىر - اق رەت بەرىلەتىن باعا جەتپەس قىمبات سىي. وسىنداي سىيدى بىزگە سىيلاعان كىم؟ ارينە، ساعان وسىنداي باعا جەتپەس سىي سىيلاعان ەڭ قىمبات ادامدارىڭ - اتا – اناڭ. ەگەر ساعان اناڭ وسىنداي باعا جەتپەس سىي سىيلاسا، سەن سوعان لايىقتى ءومىر سۇرۋگە ءتيىسسىڭ. ادامدار، نەگىزىنەن، بۇل ومىرگە قوناق. سونى ءتۇسىنىپ، سەزىنە بىلگەن ادام ءومىردىڭ شىن راحاتىن سەزىنەدى. ومىردەگى ءتۇرلى وقيعالاردا ساعان سۇيەۋ بولاتىن، سۇرىنگەندە دەمەيتىن دوسىڭ بولعانى دۇرىس. جاقسى دوسى بار ادام ءتۇزۋ جولدان تايمايدى. ءومىر - وزەن اعىپ جاتىر، تىنبايدى، ءومىر بولماس قاسىرەتسىز، مۇڭ قايعى،- دەپ قازاق حالقى ءومىردى اعىپ جاتقان وزەنگە تەڭەيدى. ويتكەنى ءومىر وزەن ءتارىزدى توقتاۋسىز، ەشكىمگە بىلدىرمەي ءوتىپ جاتادى. سول وزەن اعىنىندا كەيبىر جان ءوز ارناسىن تاۋىپ جاتسا، ەندى كەيبىرەۋلەرى باستارىن تاسقا دا، جارعا دا ۇرىپ، ءوز جولىن تابا الماي جاتادى. سوڭعىسى، ارينە، وكىنىشتى - اق. ءومىر دەگەن مەنىڭ تۇسىنىگىم بويىنشا اللانىڭ بىزگە بەرگەن سىناعى. قانداي جاعداي بولماسىن اقىل - ويىمىزبەن، سابىرلىلىعىمىزبەن جەڭە ءبىلۋىمىز كەرەك. قوعامدا بولىپ جاتقان جامان ادەتتەرگە كىنالى - ءوزىمىز. وسىنداي جات، جامان ادەتتەردەن بويىمىزدى اۋلاق ۇستاپ، توزىمدىلىك، تاباندىلىق تانىتىپ، ادامگەرشىلىك قاسيەتتەردى جوعارى ۇستاي ءبىلۋىمىز كەرەك. بولاشاعىمىز نۇرلى، ەلىمىزدىڭ ەرتەڭى نۇرلى بولسىن دەسەك، ەل بولىپ، حالىق بولىپ بولاشاعىمىزدى، ۇلتىمىزدى، تەگىمىزدى جوعالتىپ الماۋ ءۇشىن ناشاقورلىق، سپيرتتىك ىشىمدىك، تەمەكىدەن بويىمىزدى اۋلاق ۇستاپ، قوعامىمىزدىڭ بۇل تۇنەكتەن ارىلۋىنىڭ جولىن ىزدەپ، سالاۋاتتى ءومىر سالتىن ۇستانايىق، دوستارىم! دەنى ساۋ، جان - جاقتى دامىعان، جانى سۇلۋ ادام عانا ءماندى دە سالاۋاتتى عۇمىر كەشەدى.

---