InfoHub Logo

جۋرنال تاريحىنا كوز جۇگىرتەتىن بولساق، دوننا مودەرنا 1988 جىلى قۇرىلعان. ءار شىعارىلىمدى اپتا سايىن تاراتىپ وتىرعان. Arnoldo Mondadori Editoreنىڭ نەگىزىندە قالانعان جانە قۇرامىنا كىرەدى. اپتالىق شتاب-پاتەرى ميلاندا ورنالاسقان. مودەرنا (اعىلشىن تىلىنەن اۋدارعاندا «زاماناۋي ايەل» - دەگەن ماعىنا بەرەدى). ەڭ العاشقى ءنومىرى 1988 جىلدىڭ 22 ناۋرىزىندا جارىق كورگەن. نەگىزگى تاقىرىپتارى سۇلۋلىق، ءسان، تاماق، ۇيلەنۋ تويلارى مەن دۇكەندەر تۋرالى. يتالياندىق ايەلدەر جۋرنالىنىڭ ناقتى مىسالى-اپتالىق باسىلىم. بۇل امەريكاندىق American Vogue نەمەسە English Vanity Fairمەن تيپتەس. مۇندا يلليۋستراسيالاردى قولدانۋ وتە ماڭىزدى. قازىرگى تاڭدا جۋرنال Donna Moderna Wellness، Casa Idea جانە Donna in Forma سەكىلدى قوسىمشالارىن وقىرمانعا ۇسىنۋدا. جۋرنالدىڭ ماقساتتى اۋديتورياسى- 25 پەن 45 جاس ارالىعىنداعى ايەلدەر. 1993 جىلدىڭ قىركۇيەگىنەن 1994 جىلدىڭ تامىزىنا دەيىن دوننا مودەرنانىڭ تارالىمى 618 739 دانا بولدى.

2001 جىلى ول 618000 دانا تارالىممەن الەمدەگى ەڭ ۇزدىك 50 ايەل جۋرنالىنىڭ قاتارىنا كىردى. 2003 جىلدىڭ قاڭتارىنان تامىزىنا دەيىن جۋرنالدىڭ تارالىمى 561 000 داناعا جەتتى. ونىڭ تارالىمى 2004 جىلى 502 مىڭعا دەيىن تومەندەسە، 2007 جىلى 497 787 دانانى قۇرادى. 2020 جىلدىڭ قاراشا ايىندا دوننا مودەرنانىڭ ونلاين-ارناسىنا كۇن سايىن 4، 6 ميلليوننان استام ادام كىرىپ وتىردى. بۇل ستاتيستيكا يتالياداعى اپتا سايىنعى ايەلدەر جۋرنالىنىڭ بىرەگەي كۇندەلىكتى ينتەرنەت-اۋديتورياسىن كىرۋ قۇرىلعىسى بويىنشا بولىنگەن. 3، 5 ميلليون جەكە قولدانۋشىلار Donna Modern كونتەنتىنە سمارتفوندار ارقىلى كىرگەندىكتەن ەڭ كوپ قولدانىلعان قۇرىلعى ەسەبىنە ەندى.

عالىمزات اقىل 2-كۋرس ستۋدەنتى

جەتەكشىلەرى:مايكوتوۆا ع. ت. ، ف. ع. ك. ، دوسەنت ءالىم ءا. ا. اعا وقىتۋشى

---