InfoHub Logo

بالالاردىڭ ماتەماتيكاعا دەگەن قىزىعۋشىلىعىن ارتتىرىپ، ساندار جايلى تۇسىنىكتەرىن قالىپتاستىرۋ، 1 - دەن 5 - كە دەيىن اۋىزشا ساناپ، ەسەپتەي بىلۋگە، ساندار قاتارىن ساقتاي بىلۋگە تۋرا جانە كەرى ساناۋعا، سانداردىڭ ءوسۋ مەن كەمۋ رەتىن سالىستىرا بىلۋگە ۇيرەتۋ. ويلاۋ قابىلەتتەرىن ويىن ارقىلى جەتىلدىرۋ. قيالىن، ەستە ساقتاۋ قابىلەتىن ارتتىرۋ، سوزدىك قارىم قاتىناستا ءتىل بايلىعىن جەتىلدىرۋ. ۇزىن، قىسقا ۇعىمدارىن ەستە قايتا جاڭعىرتۋ.

- بالالار، سەندەر تاڭەرتەڭ ۇيقىدان ويانعان سوڭ قايدا كەلەسىڭدەر؟(بالالاردىڭ جاۋابى)
- بالاباقشا سەندەرگە نەسىمەن ۇنايدى؟(ب. ڭ جاۋابى)
- جارايسىڭدار بالالار، بالاباقشا ءبىزدىڭ ەكىنشى ءۇيىمىز، مۇندا ءبىز تاتۋ - ءتاتتى بىرگە ءومىر ءسۇرىپ كەلەمىز.
مەن بۇگىن سەندەردى "ويلان تاپ"- دەپ اتالاتىن قىزىقتى ماتەماتيكا الەمىنە شاقىرامىن.
- بالالار مەن سەندەردىڭ ەرتەگىنى وتە جاقسى كورەتىندەرىڭدى بىلەمىن، سوندىقتان مەن سەندنرگە قىزىقتى ەرتەگى ايتىپ بەرگىم كەلىپ تۇر.
ەرتە، ەرتە، ەرتەدە ءبىر ۇيدە اعالى ءىنىلى اعايىندى ساندار ءومىر ءسۇرىپتى. ولار ورمانعا شىرشا تاماشالاۋعا بارىپ ءبىر بىرىنەن اداسىپ قالىپتى. اداسىپ جۇرگەن سانداردى جالماۋىز كەمپىر ۇستاپ الىپتى. وسى اداسقان ساندارعا بىزدەن كومەك كەرەك بولىپ تۇر. ەگەر سەندەر جالماۋىز كەمپىردىڭ تاپسىرمالارىن ورىنداساڭدار جالماۋىز كەمپىر سانداردى ۇيلەرىنە جىبەرەدى. ساندارعا تەك سەندەر عانا كومەكتەسە الاسىڭدار.

تاپسىرمالارىمەن تانىسايىق،
1 - تاپسىرما
ا) اسپاندا نەشە كۇن بار؟
ب) ادامدا نەشە كوز بار؟
ۆ) باعدارشامدا كوز نەشەۋ؟
گ) ءتورتبۇرىشتىڭ بۇرىشى نەشەۋ؟
د) ادامنىڭ ءبىر قولىندا قانشا ساۋساق بار؟

2 - تاپسىرما
شاتاسقان ساندارعا كومەكتەس.
سانداردىڭ وڭ جاق جانە سول جاق كورشىسىن تاپ.

3 - تاپسىرما
"قۋىرشاقتارعا كومەكتەس"ءار قۋىرشاقتىڭ لەنتاسىن تابۋ.(لەنتانىڭ ۇزىندىعىن ولشەۋ)
1، 2، 3، 4، 5. تۋرا جانە كەرى ساناۋ(تاقتامەن جۇمىس)
ۇستەل ءۇستى ويىنى.
دوپتاردى قىزىل جولاقشاعا سولدان وڭعا قاراي كىشىسىنەن ۇلكەنىنە قاراي ءوسۋ رەتىمەن ورنالاستىرۋ.
دوپتاردى كوك جولاقشاعا سولدان وڭعا قاراي كەمۋ رەتىمەن ورنالاستىرۋ.(تاقتاعا كورسەتۋ)
سەرگىتۋ ءساتى
كوككە بويىن سوزادى.
كوپكە قولىن سوزادى
كەڭ قۇشاعىن اشادى
كولەڭكەسىن توسادى
كوپ قاراعاي - قاراعاي
مەيىرباندى اناداي!
ساناماق ساناۋ.
1 دەگەنىم - بىرلىك،
ونسىز بولماس تىرلىك.
2 دەگەنىم - ەڭبەك.
ەڭبەك ءبارىن جەڭبەك.
3 دەگەنىم - ۇلەس،
ۇلەس ءۇشىن كۇرەس.
4 دەگەنىم - تەرمە،
تۇرعان جاقسى ەرتە.
5 دەگەنىم - بەلەڭ،
سان ۇيرەنىپ كەلەم.
بالالار مەن سەندەردى ادەمى گۇلگە تەڭەگىم كەلەدى سەندەر وقۋ - ءىس ارەكەتىنە جاقسى قاتىسا بىلدىڭدەر.(بالالار ءبىر بىرىنە جاقسى تىلەكتەر ايتىپ گۇلدىڭ كۇلتەلەرىن ىلەدى، گۇل ۇلكەن بولىپ جايقالادى.