زەينەت جاسىنداعى ماماننىڭ جۇمىس ورنىن بوساتپاي ارى قاراي جالعاستىرا بەرۋىن قۇپتايسىز با؟
زەينەت جاسىنداعى ماماننىڭ جۇمىس ورنىن بوساتپاي ارى قاراي جالعاستىرا بەرۋىن قۇپتايسىز با؟
قازاقستان قوعامىندا تالاي جىلدان بەرى قىزۋ تالقىلانىپ كەلە جاتقان ماسەلە بار: زەينەت جاسىنا جەتكەن مامانداردىڭ قىزمەتىن جالعاستىرا بەرۋى. ءبىرى «تاجىريبەلى كادردىڭ ورنى تولماس» دەسە، ەندى ءبىرى «جاستاردىڭ جولىن بوگەيدى» دەپ شورت كەسەدى. ەندەشە قايسىسى دۇرىس؟
زەينەت جاسىنا كەلگەن ءار قىزمەتكەر – ەڭ الدىمەن قوعامنىڭ الدىنداعى ەڭبەگىن اتقارىپ، زەينەتاقىسىن الۋعا قۇقىلى ازامات. ول ءوزىنىڭ كاسىبي تاجىريبەسىمەن، بىلىمىمەن ۇلگى بولۋى مۇمكىن. ءبىراق، ماسەلەنىڭ ەكىنشى جاعى بار: جۇمىس ورنىن بوساتپاي وتىرعان زەينەتكەرلەردىڭ كەسىرىنەن جاس مامانداردىڭ مانساپقا جولى جابىلادى. «جاستار جۇمىسسىز، ال ورىندار زەينەتكەرلەرگە بەرىلگەن» دەگەن نارازىلىقتىڭ استارىندا وسىنداي شىندىق جاتىر.
ءبىر قاراساڭىز، بۇگىنگى ەڭبەك نارىعىندا جاڭا يدەياعا، تىڭ سەرپىنگە ءزارۋ سالالار كوپ. جاڭا تەحنولوگيا مەن سيفرلىق داۋىرگە بەيىمدەلگەن جاستاردىڭ الەۋەتى زور. الايدا ولاردىڭ قابىلەتى ىسكە قوسىلمايدى، ويتكەنى ورىن بوس ەمەس. بۇل – ەلىمىزدىڭ كادرلىق ساياساتىنا ۇلكەن كەدەرگى.
ارينە، تاجىريبەلى ماماندى قۇرمەتتەۋ – مىندەت. ءبىراق قۇرمەتتەۋ جۇمىس ورنىن «ءومىر بويعى مونوپولياعا» اينالدىرۋ دەگەن ءسوز ەمەس. زەينەتكە شىققان ادام ءوزىنىڭ ءبىلىمىن جاستارعا ۇيرەتىپ، كەيىنگى بۋىنعا جول كورسەتۋى ءتيىس. ال ورىنعا جابىسىپ الۋدىڭ قوعامعا دا، مەملەكەتكە دە پايداسى شامالى.
سۇراق تۋىندايدى: ەگەر ءاربىر زەينەتكەر «مەن ءالى تىڭمىن، ورنىمدى بوساتپايمىن» دەسە، جاستار قايدا بارادى؟ ءبىلىمدى، ءبىراق جۇمىسسىز قالعان جاستار ەرتەڭ ەلدەن ءۇمىت ۇزسە، كىم ۇتادى؟
دەمەك، ادىلەتتى شەشىم – زەينەت جاسىنا جەتكەندەر جاستارعا ورىن بەرۋى كەرەك. قالاسا، تاجىريبەسىن بولىسەتىن كەڭەسشى، تالىمگەر رەتىندە قىزمەتىن جالعاستىرسىن. ءبىراق نەگىزگى شتاتتا جاستاردىڭ جولىن اشۋ – ۋاقىت تالابى.
ويتكەنى ەلدىڭ ەرتەڭى – بۇگىنگى جاستاردىڭ قولىندا. ال جاستارعا مۇمكىندىك بەرىلمەگەن جەردە بولاشاق تا بولمايدى.
You Might Also Like
-
الماتىدا بالاباقشا تاربيەشىسى بالانى تۇنشىقتىرعانى ءۇشىن 4 جىلعا سوتتالدى،-دەپ حابارلايدى ينفوحاب.كز.
-
10 تامىزدا قازاقستان پرەزيدەنتى قاسىم-جومارت توقايەۆ ۋكراينا باسشىسى ۆلاديمير زەلەنسكييمەن تەلەفون ارقىلى سويلەستى. اڭگىمە كييەۆتىڭ باستاماسىمەن ءوتتى.
