x.com/ZelenskyyUa
زەلەنسكيي ۋكراينا مەن رەسەي اراسىنداعى كەلىسسوزدەردە پوزيسياسىن وزگەرتۋى مۇمكىن ەكەنىن مالىمدەدى
ۋكراينا پرەزيدەنتى ۆلاديمير زەلەنسكيي رەسەيمەن بەيبىت كەلىسسوزدەردەگى ۇستانىمداردى قايتا قاراستىرۋ مۇمكىندىگى تۋرالى ايتتى. بۇل تۋرالى ول ناتو باس حاتشىسى مارك ريۋتتەمەن كەزدەسۋىنەن كەيىن مالىمدەدى.
مەملەكەت باسشىسىنىڭ ايتۋىنشا، ولار ديپلوماتيالىق جۇمىستىڭ بارلىق نەگىزگى اسپەكتىلەرىن تالقىلاعان. كەزدەسۋدە كوپتەگەن باعىتتار بويىنشا ۇستانىمدارىنىڭ ۇقساستىعىنا ريزاشىلىعىن بىلدىرگەن.
«اقش پەن رەسەيدىڭ قاتىسۋىمەن وتەتىن كەلەسى ءۇشجاقتى فورماتقا دايىندىق تۋرالى، سونداي-اق تاراپتاردىڭ پوزيسيالارىنداعى ىقتيمال وزگەرىستەر تۋرالى بىلگەندەرىمدى حابارلادىم»، - دەدى زەلەنسكيي، ءبىراق ەگجەي-تەگجەيىن اشپادى.
پرەزيدەنت سونداي-اق ەنەرگەتيكا سالاسىنداعى جاعدايدى جانە اقش پەن ونىڭ وداقتاستارىنىڭ كييەۆكە امەريكاندىق قورلاردان قارۋ-جاراق جەتكىزۋ ءۇشىن ازىرلەگەن PURL باستاماسى اياسىندا جۇمىستى جالعاستىرۋ قاجەتتىگىن تالقىلاعانىن اتاپ ءوتتى.
«PURL ارقىلى ءبىزدىڭ قورعانىسىمىزعا ينۆەستيسيا سالعان ءاربىر ەۋروپالىق ەلگە العىس ايتامىن»، - دەدى ۋكراينا باسشىسى.
ايتا كەتەيىك، 18 اقپاندا جەنيەۆادا ۋكراينا، رەسەي جانە اقش اراسىندا كەلىسسوزدەردىڭ ءۇشىنشى راۋندى ءوتتى. سول كەزدەسۋدە اتىستى توقتاتۋ رەجيمىن ساقتاۋدى باقىلاۋ اقش-تىڭ قاتىسۋىمەن جۇزەگە اسىرىلاتىنى تۋرالى كەلىسىمگە قول جەتكىزىلگەن بولاتىن.
-
الماتى اۋدانىنىڭ بۇرىنعى اكىمى باعدات مانزوروۆ كونايەۆ قالاسىندا 18 ميلليارد تەڭگەگە گولف-كلۋب قۇرىلىسىن باستادى. بۇعان دەيىن ول پارا الدى دەگەن كۇدىكپەن تەرگەلگەن بولاتىن.
-
Ukrainian President Volodymyr Zelensky has indicated a potential willingness to reconsider Ukraine's negotiating position with Russia، following a meeting with NATO Secretary General.
