InfoHub Logo

ءۇي تاپسىرمالار، سوزدەردى جاتتاۋ جانە ۇزاق ساباقتار ءسىز ءۇشىن قيىنعا سوقسا، ۋايىمداماڭىز - شەت تىلدەردى ۇيرەنۋدىڭ كوپتەگەن كوڭىلدى ءارى قىزىقتى جولدارى بار. نازارلارىڭىزعا وقۋ بارىسىن قىزىقتى وتكىزۋگە بولاتىن 14 رەسۋرستى ۇسىنامىز. ويىندار، اۋديوجازبالار، كروسسۆوردتار، قىزىقتى توپتامالار – ءوز قالاۋىڭىز بويىنشا تاڭداڭىز.

BBC Learning English

بريتاندىق اعىلشىندى وقىپ ۇيرەنۋگە ارنالعان سايت. وقۋ باعىتتارى وتە كوپ، ءماتىن جانە سوزدىكتى ۆيدەولار، ترانسكريپتى اۋديوجازبالار. سوزدەردىڭ ايتىلۋىنا جەكە ءبولىم ارنالعان. ءارتۇرلى تاقىرىپتاردى قامتيتىن 6 مينۋتتىق قىسقا بەينە روليكتى - 6 Minute English كۋرسى بار.  ءار روليكتىڭ استىندا ماتىندىك نۇسقاسى دا كورسەتىلگەن.

 

Livemocha

شەت تىلدەردى جاقسى كورەتىندەرگە ارنالعان الەۋمەتتىك جەلى. ءبىلىمىڭىزدى شىڭداۋعا كومەكتەسەتىن سەرىكتەستى تاۋىپ، ونى نەمەسە باسقا پايدالانۋشىلارعا قازاق ءتىلىن ۇيرەتسەڭىز بولادى.  قاراپايىم حابارلامالاردان بولەك ناقتى ۋاقىتتا  شەت ەلدىكتەرمەن تىلدەسۋگە بولاتىن چات، سونىمەن قاتار 27 تىلدە دايىن ساباقتار مەن جاتتىعۋلار بار.

 

Busuu

Busuu-دا اعىلشىن تىلىندە سويلەيتىن سۇحباتتاستى تاپساڭىز بولعانى (اعىلشىن تىلىنەن بولەك باسقا 11 ءتىل ۇيرەنۋگە بولادى). سونىمەن قوسا سايتتا سوزدەردى ەسكە ساقتاۋعا جانە ايتىلۋدى ۇيرەنۋگە ارنالعان ساباقتار كوپ. ءسىزدىڭ ورىنداعان تاپسىرمالارىڭىزدى اعىلشىن ءتىلىن يەلەنگەن ادامدار تەكسەرەدى.

 

LinguaLeo

ۇلكەندەرمەن قوسا بالالارعا دا قىزىقتى بولاتىن رەسۋرس. LinguaLeo قولدانۋشىلارى بەينە،اۋديو جانە ماتىندىك ماتەريالدار جيناقتارىنا، ينتەراكتيۆتى تاقىرىپتىق كۋرستارعا، ءار ءسوز دىبىستالاتىن جەكە سوزدىككە، دايىندىق جيناقتارىنا (تىڭدالىم، كروسسۆورد، سوزدەردى اۋدارۋ)، دامۋ جۋرنالىنا (ءتىلدى ۇيرەنگەندەگى ناقتى جانە مۇمكىن بولاتىن دامۋ كورسەتىلگەن) قاتىناپ كىرە الادى.

 

Duolingo

بۇل سايت بالالارعا دا ۇناۋى مۇمكىن. كوپتەگەن جازباشا ساباقتار مەن ديكتانتتار ۇسىنىلعان. سوزدىك بولىمىندە جاتتالعان سوزدەردى ماشىقتاۋعا بولادى. ءبىر كۋرس ىشىندە 2000-عا جۋىق ءسوز ۇيرەنە الاسىز. ساباقتاردى ۇيرەنۋلەرىنە قاراي پايدالانۋشىلار ۆەب-سايتتار مەن باسقا دا قۇجاتتاردى اۋدارۋعا كومەكتەسەدى. سايتتان بولەك  iOS پەن Android ءۇشىن باعدارلاما دا بار.

 

ESLPod

ءارتۇرلى تاقىرىپتارعا ارنالعان پودكاستتار. ءومىردىڭ بارلىق تاقىرىپتارىن قامتىعان ءازىلدى اعىلشىن ءتىلى. ۇيرەتۋ ءادىسىنىڭ ناتيجەسىندە لەكسيكا وڭاي ۇيرەنىلىپ جاتتالادى.

 

ەnglish-polyglot

سايتتا تەلەديدار ارقىلى كورسەتىلگەن دميتريي پەتروۆتىڭ «پوليگلوت» باعدارلاماسىنىڭ بارلىق ساباقتارى جينالعان. اۆتور اعىلشىن ءتىلىن 16 ساعات ىشىندە وقىپ ۇيرەنۋدى ۇسىنادى. ارينە ءتىلدى تولىق ۇيرەنە الماسسىڭ، ءبىراق ءجيى پايدالاناتىن سوزدەر مەن گرامماتيكا ەرەجەلەرىن جاقسى مەڭگەرىپ الۋعا بولادى.

 

Twominute English

ۆيدەو كورۋدى ۇناتاتىندارعا ارنالعان رەسۋرس. بەينەلەر ەكى مينۋتتىق ەمەس، 4-5 مينۋتتىق. بەينەلەردى تەلەفونعا جۇكتەپ، جۇمىسقا بارار جولدا كورسەڭىز بولادى. وتە ىڭعايلى ءارى ءتيىمدى.

 

Learn English British Council

وقۋعا قاجەت بولعان ماتەريالداردى تابا الاسىز: ۆيدەوجازبالار، ويىندار. سونىمەن قوسا، ەڭ ماڭىزدىسى IELTS ەمتيحانىنا دايىندالۋعا قاجەتتى ۇلكەن بولىمگە كىرۋ مۇمكىندىگىن الاسىز.

 

Lang-8

تەكسەرتۋ ءۇشىن كەز-كەلگەن ماتەريالدى جاريالاساڭىز بولادى، مىسالى: شىعارما، بلوگ ءۇشىن جازبا نەمەسە ءۇي جۇمىسى. ونىڭ ءبارىن اعىلشىن تىلىندە سويلەيتىن سايتتا تىركەلگەن ادام تەكسەرەدى.

 

ەngvid

اعىلشىن ءتىلىنىڭ ۆيدەو ساباقتارى. پايدالانۋشىنىڭ دەڭگەيىنە بايلانىستى (باستاۋىش، وزىق ت.س.س.) ساباقتار دەڭگەيلەرگە جانە تاقىرىپتارعا بولىنگەن: مىسالى، ەمتيحانعا دايىندالۋ ءۇشىن نەمەسە گرامماتيكانى تۇسىندىرەتىن ساباقتاردى كورسەڭىز بولادى.

 

Exam English

IELTS، TOEFL، TOEIC  ەمتيحاندارىنا دايىندالۋ قاجەت بولعاندار ءۇشىن تاپتىرماس سايت. تەستەن ءوتۋ ارقىلى  قازىرگى ۋاقىتتاعى اعىلشىن تىلىندەگى دەڭگەيىڭىزدى بىلسەڭىز بولادى.

 

Loyalbooks

Loyalbooks-تا ءسىز اعىلشىن تىلىندە 7 مىڭعا جۋىق تەگىن اۋديوكىتاپتار تابا الاسىز. ۇناعان كىتاپتى جۇكتەپ الىڭىزدا جۇمىسقا نەمەسە ۇيگە بارار جولدا تىڭداڭىز.

 

Learn American English Online

امەريكالىق اعىلشىن ءتىلىن ۇيرەنۋگە ارنالعان تاماشا رەسۋرس. كۇردەلىلىگىنە بايلانىستى سايتتاعى ساباقتار 7 دەڭگەيگە بولىنگەن. ءار ساباق بىرنەشە ماتەريالدى قامتيدى: گرامماتيكالىق ەرەجەلەر، اۋديوجازبالار، تەستەر.

---