InfoHub Logo

Qazaqstanda jyl saıyn 1- mamyrda Qazaqstan halqynyń birligi kúni atap ótiledi. Bul merekeniń bastaýy 1996 jyldan bastalǵan. Qazaqstan Respýblıkasynyń tuńǵysh prezıdenti Nursultan Ábishuly Nazarbaevtyń qabyldaǵan jarlyǵy boıynsha 1 mamyr  - Qazaqstan halqynyń birligi kúni dep jarıalandy. Qazaqtyń keń baıtaq dalasynda qazirgi tańda 130-dan astam ult ókilderi birlikte, tatýlyqta ǵumyr keshýde. Jyl saıyn toılanatyn birlik kúniniń maqsaty - elimizdegi túrli ult pen din ókilderiniń bir-birine degen syı-qurmeti men tatýlyqty, birlikti arttyrý bolyp tabylady. Atalǵan mereke kúni Qazaqstan aýmaǵynda turyp jatqan ult pen ulys ókilderi tatý-tátti, bereke men birlikte, beıbitshilik pen yntymaqta ómir súrip jatqandyǵyn atap ótedi. Qazaqstanda qazirgi tańda árbir ulttyń salt-dástúrlerin jańǵyrtýǵa, mádenıetin ilgeriletýge túrli jaǵdaılar jasalǵan. Negizinen bir memlekette osynsha kóp ult ókilderiniń tatý-tátti ómir súrýi yntymaqty, tózimdilikti talap etedi. Sol sebeptende bul kúnniń mańyzy zor. Bul meıramda Qazaqstan Respýblıkasynda turatyn halyqtardy birlikke, yntymaqqa tárbıeleıtin merekelik is-sharalar ótkiziledi. Bul merekeni joǵarǵy deńgeıde atap ótý úshin ártúrli mádenı ortalyqtar jumyldyrylady. Ondaǵy olardyń maqsaty -Qazaqstan halqyn ózge halyqtardyń dástúrlerimen tanystyrý bolyp tabylady. Meıramǵa eńbek ujymdary, stýdentter, ártúrli qoǵamdyq birlestikterdiń ókilderi belsene atsalysady. Sonymen qatar 1- mamyr kúni túrli mádenı kórmeler uıymdastyrylady. Ár ulttyń taǵamdarynan dám tatyp, ulttyq kıimderin tamashalaýǵa múmkindik alamyz. Meıram halyqty elimizde ómir súrip jatqan ózge ulttardyń dástúrlerimen tanystyryp, ulttar arasyndaǵy birlikti nyǵaıtýǵa áserin tıgizedi.

 

---