InfoHub Logo

1991 jyly KSRO ydyrap, Odaqtyń quramyndaǵy elder óz aldaryna jeke memleket bolyp jatty. Solardyń qatarynda Qazaqstan da boldy. 1991 jyly 16-jeltoqsanda Qazaqstannyń Joǵarǵy Keńesi “Táýelsizdik pen memlekettiń egemendigi týraly” zańdy qabyldady. Eskeretini, Qazaqstan KSRO quramyndaǵy elderdiń arasynda eń sońǵysy bolyp Táýelsizdigi týraly zańdy qabyldady. Bul zań 1990 jyly 25-qazanda qabyldanǵan Qazaqstannyń Egemendigi týraly Deklarasıamen birge Qazaq eliniń eldigin nyǵaıta tústi.

QR Syrtqy İster mınıstrliginde tirkelgen dıplomatıalyq qujattarda Túrkıanyń Qazaqstan táýelsizdigin resmı túrde moıyndaıtyn protokolǵa 1992 jyldyń 2-naýryzy kúni qol qoıǵandyǵy kórsetilgen. Alǵashqy kúnderi álemniń salmaqty elderi moıyndap, keıinnen basqa da elder moıyndap jatty. Osylaısha álemdik saıasat arenasynda QAZAQSTAN degen memleket táı-táı basty. Nebary birneshe aptanyń ishinde álemniń kóptegen bedeldi elderi Qazaq eliniń táýelsizdigin moıyndap, dıplomatıalyq qatynastar bastaldy.

Táýelsizdigim

 

Tuǵyry bıik tamyljyp tańym,moınyma tumar taqty kún,

Allaǵa shúkir qýanyshy,halqym,bizderge qaıǵy jat búgin.

Shýaǵyn shashyp,shyraıly shatpen jaquttaı janyp atsa tań,

Aıaýly asyl analar aıtqan áldımen terbep batty kún.

 

Táýelsiz,eı, tań ózińsiń meniń shashylǵan shuǵylam,shynarym,

Tilegim- taımas ǵalamnyń beti bolsynshy máńgi turaǵyń.

Aspanym ashyq,júregim tasyp,maqtanyp aıtam búgin men,

Halqyma qonǵan baqyttyń qusy-Táýelsizdigim tumarym.

 

Araıly aq tań shıpasyn jannyń tek qana óziń,sen maǵan,

Sezinemisiń ǵalamda sharlap tappadym baqyt teń saǵan.

Tátti úmit syılap taǵdyrǵa tylsym táýelsiz meniń tańdarym,

Ózińsiń-baqyt,sondyqtan janym,rıasyz senme men saǵan.

Kýsherbaeva Hıýa

---