InfoHub Logo

Búgingi tańda álem kóz ilespes jyldamdyqpen ózgerip jatyr. Álemniń baǵyty, bolashaǵy bulyńǵyr bolyp turǵan sátte, Elbasy N. Á. Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasy eldi jarqyn bolashaqqa bastaıtyn dańǵyl jol bolmaq.

Rýhanı jańǵyrý – adam balasynyń onyń ishki jan dúnıesiniń jańǵyrýy, sanasy, túsinigi jańa ózgeristerdi saralap, durys qabyldaı bilýinde. Rýhanı jańǵyrý bastaýyn búgin alǵan másele emes. Bul baǵytta atqarylyp jatqan jumystar da az emes.

Qazir bilektiniń emes, bilimdiniń saltanat qurǵan ýaqyty. Tabysty bolýdyń kilti – bilimde. Sanaly urpaq tárbıelep, bilim berý - Elbasy saıasatynyń basty jáne negizgi baǵyttarynyń biri. Táýelsizdiktiń alǵashqy jyldarynan bastap, myńdaǵan jasty álemniń mańdaıaldy joǵary oqý oryndarynda bilim alýǵa múmkindik beretin Bolashaq baǵdarlamasy júzege asyrylýy, elimizde joǵary deńgeıde birqatar ýnıversıtetterdiń ashylýy, zıatkerlik mektepter júıesiniń qalyptasýy bilim berý salasyndaǵy jetistiktiń naqty kórsetkishi bola alady.

Eldiń jarqyn bolashaǵy bilimdi jastardyń qolynda. Osy turǵyda ustazdarǵa qoıylatyn talap ta joǵarylady. Búgingi ustaz shákirtine ǵylym negizderinen málimet berip qana qoımaı, alǵan bilimin shynaıy ómirmen ushtastyryp, ony dúnıejúzilik bilim, aqparat, ekonomıka keńistigine shyǵýǵa, ıaǵnı qatań báseke jaǵdaıynda ómip súrýge tápbıeleýi kerek.

Qazaqstannyń birinshi jańǵyrýy 25 jyl buryn KSRO-nyń qırandysynan shyǵyp, óz jolymyzdy derbes memleket retinde bastaǵanymyzdan bastalǵan bolatyn.

Ekinshi jańǵyrý «Qazaqstan-2030» strategıasynyń qabyldanýymen jáne jańa elorda - Astananyń salynýymen bastaldy. Úshinshi jańǵyrý Elbasynyń «Bolashaqqa baǵdar: rýhanı jańǵyrý» maqalasymen jalǵasyn tabýda. Ult sanasynyń jańǵyrýyn maqsat etken bul eńbek- baǵdarlamalyq qujat. Úlken eki bólimnen turatyn maqalanyń ekinshi jartysynda Elbasy kez kelgen jańǵyrýdyń eń aldymen Ulttyq bolmysqa, dástúrdiń zamana synynan súrinbeı ótken ozyǵyna negizdelýin qadap aıtyp otyr.

N.Á.Nazarbaev bul rette, tutas qoǵamnyń jáne árbir qazaqstandyqtyń sanasyn jańǵyrtýdyń birneshe baǵytyna jeke-jeke toqtalady. «Sanany jańǵyrtýdyń» mazmunyn negizdeı otyryp, Prezıdent jańǵyrýdyń alty baǵytyn belgileıdi:

1. Básekege qabilettilik;

2. Pragmatızm;

3. Ulttyq biregeılikti saqtaý;

4. Bilimniń saltanat qurýy;

5. Qazaqstannyń revolúsıalyq emes, evolúsıalyq damýy;

6. Sananyń ashyqtyǵy.

Atalmysh baǵyttardyń bári barynsha ózektendirilgen jáne ýaqyttyń talaptaryna naqty jaýap beredi. «Máńgilik el» bolýymyz úshin bizge aýadaı qajetti qasıetter men qundylyqtardyń qaınary toǵysyp, aqyl-parasaty tolysqan, ǵalamdyq ǵylymdy ıgergen adamdar kóp bolsa, elimiz órkenıetti, básekege qabiletti bolatyny aqıqat. «Bolashaqta ulttyń tabysty bolýy onyń tabıǵı baılyǵymen emes, adamdarynyń básekelik qabiletimen aıqyndalady… Sondyqtan, árbir qazaqstandyq, sol arqyly tutas ult HHİ ǵasyrǵa laıyqty qasıetterge ıe bolýy kerek. Mysaly, kompúterlik saýattylyq, shet tilderin bilý, mádenı ashyqtyq sıaqty faktorlar árkimniń alǵa basýyna sózsiz qajetti alǵysharttardyń sanatynda. Sol sebepti, «Sıfrly Qazaqstan», «Úsh tilde bilim berý», «Mádenı jáne konfesıaaralyq kelisim» sıaqty baǵdarlamalar – ultymyzdy, ıaǵnı barsha qazaqstandyqtardy HHİ ǵasyrdyń talaptaryna daıarlaýdyń qamy», – dep ashyp kórsetedi. Básekege qabilettilik saıasat pen ekonomıkada, bilim, ǵylymda, tehnologıada, ıaǵnı barlyq salada bolýy tıis. Latyn álipbıine kóshý – Máńgilik Eldiń rýhanı jańǵyrýynyń basy bolsa, «Týǵan jer»baǵdarlamasy jańa ǵasyrdaǵy álemdik, óńirlik, ishki-syrtqy táýekelderge qarsy tura alatyn otanshyldyq tárbıeniń, ultjandylyqtyń kepili bolmaq.

Sondaı-aq,«Qazaqstannyń kıeli jerleriniń geografıasy» jobasy jalpyulttyq qasıetti oryndardy jáne asa qasterli jerlerdi saqtaýǵa, ári eldegi týrısik ınfraqurylymdy damytýǵa múmkindik beredi. «Jahandaǵy zamanaýı qazaqstandyq mádenıet» jobasyn iske asyrý Qazaqstandy óz shyǵarmashylyǵy arqyly dúnıe júzine tanytatyn kóptegen talanttarǵa jol ashady.

«Qazaqstandaǵy 100 jańa esim» jobasy búgingi zamandastarymyzdyń túrli salalardaǵy jetistikterin dáripteýdi qamtamasyz etedi jáne jastardy adamgershilikke tárbıeleýdiń jarqyn úlgisi bolady. Bul tapsyrmalar memlekettiń jáne azamattyq qoǵamnyń barlyq ıdeologıalyq jumysynyń orta merzimdi perspektıvadaǵy negizi bolady. Nazarbaev aıtqandaı: «Bolashaqtyń negizi, bilim ordalarynyń aýdıtorıalarynda qalanady». «Jańa gýmanıtarlyq bilim. Qazaq tilindegi 100 jańa oqýlyq» jobasyn júzege asyryp, qoǵamdyq jáne gýmanıtarlyq ǵylymdardy oqytýdyń jańa deńgeıine shyǵý myna maqsattarǵa qol jetkizýdi kózdeıdi: – elimizdiń barlyq joǵarǵy oqý oryndarynda gýmanıtarlyq ǵylym kafedralaryn qaıta qurý; – gýmanıtarlyq bilimniń barlyq baǵyttary boıynsha álemdegi eń úzdik 100 kitapty qazaq tiline aýdarý; – memlekettik emes Ulttyq aýdarma búrosyn qurý. Oqýlyqtardy qazaq tiline aýdarý jobasynyń jıyntyq áseri 2018-2019 jyldardan bastap elimizdegi joǵary oqý oryndarynyń stýdentteri qoǵamdyq jáne gýmanıtarlyq ǵylymdar boıynsha álemde úzdik oqý úlgileri bolyp tabylatyn kitaptarmen oqýdy bastaıdy.

Sýǵa basynda otyrǵan el emes, aıaqta qonys etken el ıelik etedi dep qorytyndylasaq ulttyq ıdeologıasy temirqazyǵyna aınalǵan tabysty el bolýymyz úshin jaqsylyqqa umtylyp, jamanshylyqtan arylyp, sanaly túrde barlyq qasıetterimizdi izgilendirip, sanany rýhanı jaǵynan únemi jetildirip, damytyp otyrýǵa tıistimiz. Eń bastysy – baǵyt-baǵdarymyz anyq, jolymyz jarqyn.

---