InfoHub Logo

2030 jyly álemde  85 paıyz jańa mamandyq paıda bolady. Bul týraly búgin Májilistegi «Sıfrlyq Qazaqstan» memlekettik baǵdarlamasyna arnalǵan Úkimet saǵatynda QR Aqparat jáne komýnıkasıalar mınıstri Dáýren Abaev aıtty.

Onyń dereginshe, «Sıfrlyq Qazaqstan» baǵdarlamasynyń «Adam kapıtalyn damytý» baǵyty aıasynda jas urpaqtyń shyǵarmashylyq múmkindikterin arttyrý maqsatynda «baǵdarlamalaý negizderi» páni elimizdiń orta mektepterinde 2-synyptan bastap engiziledi.  

«Tehnıkalyq, kásibı, joǵary jáne joǵary oqý ornynan keıingi reformalar aıasynda, bilim berý baǵdarlamalaryn zamanaýı trender boıynsha damytý júrgizilip jatyr. Sarapshylardyń boljamy boıynsha, 2030 jyly álemde  85 paıyz jańa mamandyq paıda bolady», - dedi ol.

Mınıstrdiń aıtýynsha, olardyń qatarynda derektermen jumys júrgizetin detektıv, qalalyq kıbersarapshy, genetıkalyq kod redaktory, sıfrlyq tiginshi jáne taǵy basqa mamandyqtar bolýy múmkin.

«Sondyqtan qazirden bastap, osy trendterdi eskerip, mamandardy naryqqa saı daıyndaý mańyzdy», - dedi mınıstr. 

Dáýren Abaev el turǵyndaryn sıfrlyq salaǵa mashyqtandyrý úshin 700 myń adam oqytylǵandyǵyn, «Atameken» Ulttyq kásipkerler palatasynyń bazasynda 15 myń adam bilim alǵanyn aıtty.

«Olar sıfrlyq tehnologıalar boıynsha kásipkerlikti júrgizý, marketıń, qarjylyq saýattylyq pen bıznes-josparlardy ıgerdi», - dedi ol.

QazAqparat

---