2017 jyldan mektepke deıingi daıarlyq synyptary jańartylǵan baǵdarlama boıynsha oqytylady
2017 jyldan bastap mektepke deıingi daıarlyq synybynda jańartylǵan baǵdarlama boıynsha oqytý qanatqaqty rejimde engiziledi. Bul týraly QR Parlamenti Senatynyń depýtattarymen kezdesý barysynda QR Bilim jáne ǵylym mınıstri Erlan Saǵadıev málim etti.
Onyń sózine qaraǵanda, zertteýler balalardyń bilim berý deńgeıin teńestirý neǵurlym erte bastaý tıimdi ekenin kórsetip otyr. Sondyqtan da barlyq damyǵan elder bul úrdisti erte bastaıdy.
«Mektepke deıingi daıarlyq synybyn bizde 2019 jyly engizý josparlanǵan edi. Alaıda, qazirgi kezde ata-analar men muǵalimderdiń usynystaryn eskere otyryp, ony erterek, ıaǵnı 2017 jyldan bastap qanatqaqty rejimde engizýdi kózdedik. Ary qaraı onyń engizilýi barysyn baıqap otyramyz»,-dedi E. Saǵadıev 12 jyldyq mektep bilimine aýysý boıynsha josparlardy baıandaǵan kezde.
Onyń sózine qaraǵanda, mektepke deıingi daıarlyq synybynda kúnine 20-35 mınýttan 3-4 sabaq ótedi. Osy synypqa 5 jastan qabyldaý bastalady. Mektepke deıingi daıarlyq synybyn mektepte jáne balabaqshada da ótýge bolady. Sondaı-aq mınıstr 5 jastan bastap álippe mindetti túrde oqytylatynyn atap ótti.
You Might Also Like
-
Bilim jáne ǵylym mınıstrligi oqýshy sany az mektepter úshin birneshe pán boıynsha bilimi bar ustazdar daıarlamaq. Bul týraly búgin QR Parlament Senatynyń depýtattarymen kezdesken Bilim jáne ǵylym mınıst...
-
Qazaqstannyń standartızasıa ınstıtýty bas dırektorynyń birinshi orynbasary Erkejan Ámirxanovanyń aıtýynsha, búginde Qazaqstanda mektep formasy boıynsha naqty bir standarttar joq. Sol sebepti jańa stan...
