2017 jyldan oqýshylar mektepte júrip kólik júrgizýdi úırenedi
2017 jyldan bastap mektep oqýshylary alǵashqy áskerı-tehnıkalyq daıyndyq aıasynda kólik júrgizýdiń qyr-syryn meńgeretin bolady. Bul týraly QR Parlamenti Senatynyń depýtattarymen kezdesý barysynda QR Bilim jáne ǵyly mınıstri Erlan Saǵadıev málim etti.
«Biz barlyǵy úshin 9-11 synyptarda alǵashqy áskerı daıyndyqta avtokólik salasyn oqytýdy engizý sheshimine keldik. Bul óz kezeginde joldarda apatty azaıtady. Osy oraıda máseleni Qorǵanys mınıstrligimen qarastyrdyq. Qazirgi kezde, ıaǵnı bıyldan «alǵashqy áskerı daıyndyq» emes, «alǵashqy áskerı-tehnıkalyq daıyndyq» (AÁTD) dep atalady. 2017 jyldan bastap bul pánde júrgizýshi kýáligin alýǵa avtokólik isi boıynsha saǵattar qamtylǵan. Bala AÁTD-ny oqyǵannan keıin emtıhan tapsyratyndyǵy týraly anyqtamany alady. Budan keıin júrgizýshi kýáligin alý úshin 18 jasqa tolýyn kútedi»,-dedi E. Saǵadıev.
Onyń sózine qaraǵanda, QR BǴM muǵalimderdi daıarlaý mindetin ózine alyp otyr. Endi alǵashqy áskerı-tehnıkalyq daıyndyq aıasynda avtokólik isine bir kúndi bólýge bolady. Oqýshylar kólik basqarýdy úırenýi úshin arnaıy polıgonǵa shyǵady.
You Might Also Like
-
2018 jyly ulttyq biryńǵaı testileý boıynsha shekti bal joǵarylaýy múmkin. Bul týraly búgin Senat depýtattarymen ótip jatqan kezdesý barysynda QR Bilim jáne ǵylym mınıstri Erlan Saǵadıev aıtty.
-
Bilim jáne ǵylym mınıstrligi úsh jylda 100 mln dollar halyqaralyq grant bólýge nıetti.
