InfoHub Logo

Bilim jáne ǵylym mınıstrligi oqýshy sany az mektepter úshin birneshe pán boıynsha bilimi bar ustazdar daıarlamaq. Bul týraly búgin QR Parlament Senatynyń depýtattarymen kezdesken Bilim jáne ǵylym mınıstri Erlan Saǵadıev málim etti.

«Zań boıynsha, oqýshy sany az mektepterdi jaba almaımyz. Qazirgi statısıkaǵa súıensek, elimiz boıynsha oqýshy sany az mektepterdiń úlesi 40 paıyzdy quraıdy. Osy bilim ordalarynda búkil oqýshynyń 8 paıyzy ǵana bilim alyp júr. Sabaq úıretetin ustazdardyń paıyzdyq úlesi - 22 paıyz. Mysaly, bir oqýshy ǵana oqıtyn mektep úshin jarty mıllıon teńge bólinip jatady. Sondyqtan, bul óte úlken másele. Sondyqtan, osy máseleni myqtap qolǵa aldyq. Máseleni sheshýdiń birneshe jolyn qarastyryp otyrmyz. Sondaı amaldardyń biri - oqýshyny basqa mektepke tasyp turý. Bul tıimdi sheshim bolar edi, sebebi, avtobýstardy jergilikti bılik satyp alady. Ekinshi baǵyt - ınternat. Ata-ana balasyn ınternatqa senip tapsyrýy úshin ınternattardy tehnıkalyq jaǵynan tolyq jabdyqtaǵymyz keledi.  Degenmen, ınternat arqyly tek joǵary synyp oqýshylarynyń máselesin sheshe alamyz. Úshinshi baǵyt - birneshe pán boıynsha bilim bere alatyn ustazdardy daıarlaý»,-dedi E.Saǵadıev.

Mınıstr mysal keltirgendeı, bıologıa men hımıa pánderinen, matematıka men fızıka pánderinen, matematıka men ınformatıka pánderinen, tarıh pen geografıa pánderinen bir muǵalim sabaq bere alatyndaı jaǵdaı jasaýǵa bolady eken. Bıyldan bastap ustazdardy turǵylyqty jerine jaqyn qalalarǵa ákelip, 6-12 kýrs úıretý jumysy bastalǵan. Bul birinshiden ustazdardyń jalaqysyn kóbeıtse, ekinshi jaǵynan oqýshy sany az mektepterdi jabdyqtaýǵa ketetin shyǵyndy azaıtpaq eken.

---