UBT: 2018 jyly shekti bal joǵarylaıdy
2018 jyly ulttyq biryńǵaı testileý boıynsha shekti bal joǵarylaýy múmkin. Bul týraly búgin Senat depýtattarymen ótip jatqan kezdesý barysynda QR Bilim jáne ǵylym mınıstri Erlan Saǵadıev aıtty.
Depýtat Murat Baqtıarulynyń aıtýynsha, joǵarǵy oqý ornyna túsý úshin qajet 50 baldyq shekti deńgeı óte tómen.
«140 baldyń 50 balyn jınaǵan adam joǵary oqý ornyna úmitker bola alady. Menińshe, shekti 50 bal óte tómen. Bul degen eki men úshtiń ortasyndaǵy baǵa. Sodan keıin úlken kemshilik, 50 baldan tómen alǵan túlekter keıin taǵy da tamyz aıynyń sońynda, odan soń jańa jyldyń qarsańynda taǵy tapsyrýǵa múmkindik alady. Bul qalaı? 11 jyl boıy nashar oqyǵan balaǵa múmkindik beremiz. Ol joǵary bilim ala almaıdy ǵoı», - deıdi senator.
Mınıstr Erlan Saǵadıev UBT-ǵa engizilgen ózgeristerge baılanysty ázirge 50 baldyq shekti deńgeı qalyp otyrǵanyn alǵa tartty.
«Basynda 60 bal bolǵan. Biraq ata-analar qorqyp otyr. Óıtkeni ulttyq biryńǵaı testileý ózgertilip jatyr. Balalardyń buǵan qalaı daıyn bolatyny belgisiz. Sondyqtan bıyl 50 baldy qaldyryp otyrmyz. Balalardyń jańa ózgeristerdi qalaı túsinetinin baıqaımyz. Balalar túsinbeı, kóbisi dalada qalyp qoısa, ol durys bolmaıdy. 2018 jyldan bastap balalardyń sany kóbeıse, onda biz ony ózgertemiz degen sheshimge keldik. Bul meniń sheshimim emes, ata-analar, muǵalimder, mektep dırektorlarymen kelisilgen sheshim», - dedi E.Saǵadıev.
You Might Also Like
-
2017 jyldan bastap qanatqaqty táripte engiziletin «0» synypta balalar álippeni oqıtyn bolady. Bul týraly búgin Senat depýtattarymen ótip jatqan kezdesý barysynda QR Bilim jáne ǵylym mın...
-
2017 jyldan bastap mektep oqýshylary alǵashqy áskerı-tehnıkalyq daıyndyq aıasynda kólik júrgizýdiń qyr-syryn meńgeretin bolady. Bul týraly QR Parlamenti Senatynyń depýtattarymen kezdesý barysynda QR B...
