InfoHub Logo

2017 jyly Astanada IYU Ǵylym jáne tehnologıa samıti ótedi. Bul týraly búgin Inovasıa, tehnologıa jáne bilim máseleleri jónindegi Astana parlamentaralyq forýmynda QR Parlamenti Májilisiniń Tóraǵasy Nurlan Nyǵmatýlın málim etti.

«Bizdiń elimiz jańa tehnologıalar men ınovasıalyq ǵylymdy damytý jolynda árqashanda álem elderimen birigip jumys isteýge daıyn. Osy oraıda Elbasymyzdyń Islam yntymaqtastyq uıymynyń Ǵylym jáne tehnologıa boıynsha samıtin kelesi jyly Astana qalasynda ótkizý týraly  usynysynyń mańyzdylyǵy óte zor.  Bul samıt elder arasyndaǵy baılanysty nyǵaıtyp, ǵylym jáne ınovasıanyń damýyna jańa serpin beretini, árıne, sózsiz. Osy jolda Islam álemimen ekonomıkalyq damý, ǵylym men tehnologıany kúsheıtý, halyqtyń áleýmettik jaǵdaıyn kóterý salalarynda naqty jobalardy  júzege asyrýǵa erekshe nazar aýdarý qajet dep esepteımiz»,- dedi N.Nyǵmatýlın.

Sonymen qatar ol qazirgi ýaqytta elimizde Prezıdentimizdiń «5 ınstıtýttyq reformasyn júzege asyrýdyń 100 naqty qadamy» Ult jospary júzege asyrylyp jatqandyǵyn, atalǵan josparda eldiń ınovasıa saıasaty ekonomıkalyq damýdyń, básekelestikke qabiletti qoǵam qurýdyń negizgi baǵyty bolyp tabylatyndyǵyn basa aıtty.

«Bul jolda bizdiń elimiz ındýstrıaldy-ınnovasıalyq damý boıynsha alǵashqy 5 jyldyqty tabysty oryndady. Qazirgi ýaqytta bul baǵdarlamanyń 2-shi kezeńi tıimdi júrgizilýde. Al onyń barlyǵyn Zań jaǵynan qamtamasyz etýde QR Parlamentiniń qosyp jatqan úlesi zor. Mysaly, «Inovasıalardy yntalandyrý jumystary, ındýstrıaldy-ınnovasıalyq qyzmetti memlekettik qoldaý týraly» Zań, oǵan ilespe 15 Zań jáne basqa da kóptegen Zańǵa táýeldi aktiler bekitilgen bolatyn. Sonymen birge ǵylym salasyndaǵy mańyzdy reformalardy iske asyrý jolynda da bizdiń depýtattar «Ǵylym týraly» jáne «Ǵylymı qyzmet nátıjelerin komersıalandyrý týraly» Zańdardy qabyldady», - dedi ol.

Májilis spıkeriniń paıymynsha, munyń  barlyǵy otandyq ǵylymı basqarý júıesin jańa bıikterge kóteretin bolady.

«Bul baǵytta Nazarbaev Ýnıversıteti halyqaralyq oqý orny men Inovasıalyq-tehnologıalyq parkinde zamanǵa saı ınovasıalyq klasterdi qalyptastyrý boıynsha aýqymdy jumystar atqarylýda. Sonymen birge «Bolashaq» halyqaralyq prezıdenttik stıpendıasy da osy salada sapaly mamandardy daıyndaýǵa yqpal etedi. Osynyń barlyǵy búgingi kúni ekonomıka, mádenıet, bilim jáne ǵylym sıaqty kóptegen  salalarda úlken nátıjelerge qol jetkizýge zor múmkindik berip keledi», - dedi N.Nyǵmatýlın.

---