InfoHub Logo

Jetistik baılyqpen baılanysty emes. Óz ómirine kóńili tolmaıtyn baı adamdar kóp. Tabysty bolý – demek árdaıym damý, ómirimizdi, kúndelikti isterimizdi, jumysymyzdy jáne ózgelermen qarym-qatynasymyzdy jetildirý.

Kóptegen adamnyń tabysqa jete almaýynyń bir sebebi – bar ýaqytyn usaq-túıekke arnaıdy.

Djım Ron (Jim Rohn) amerıkalyq bıznes-trener jáne óz-ózińdi damytý kitaptarynyń avtory.

 

Biz kerisinshe, ýaqytymyzdy ómirimizdiń negizgi bóligin (rýhanı, áleýmettik, qarjylyq, fızıkalyq) teńestirýge arnap, basqasynan bas tartýymyz kerek.

Damı túsken saıyn, ómirimizdiń kóptegen bóliginde ózgerister kerek ekenin ańǵaramyz.

Aqshany paıdasyz zattar men kóńil kóterýge jumsaýdy doǵarý qajet. Onyń ornyna óz bilimiń men bolashaǵyńa ınvestısıa quıýdy ádetke aınaldyrý kerek.

Jetistikke jetken saıyn, qyzmetimiz de jınaqtalǵan jáne sapaly bola túspek. Bul minsizdikke umtylý degendi bildirmeıdi. Jáne bas almaı jumys isteý kerek degennen de aýlaqpyz. Shyn máninde naǵyz tabystyń qupıasy – árdaıym shyǵarmashylyq demalys alyp otyrý.

Ómirimizdiń ár salasy barlyq salaǵa áser etedi

«Bir zatty qalaı isteseń, basqa zattardy da solaı isteısiń» dep beker aıtpaıdy. Bul joǵary deńgeıli oı-tolǵaý. Ómirindegi barlyq artyq zattan arylǵandar dál osylaı oılaıdy.

Osy prınısıpti ustaný úshin biz kúndelikti neni joǵary baǵalaımyz, sonymen aınalysýymyz kerek. Tek sonda ǵana biz sanaly ómir súremiz. Tek sonda ǵana biz degenimizge jetemiz.

Bul prınısıptiń ómirimizde oryn alýyna kóp ýaqyt qana emes, kóp kúsh qajet. Qyzyqty, biraq paıdasy joq dúnıelerden bas tartý qıyn. Zıandy ádetterden bas tartý qıyn. Ómirge kózqarasyńdy ózgertý úshin batyldyq kerek. Al úırenshikti oı-sanaǵa oralý óte ońaı.

Biraq, kúnnen kúnge óz qundylyqtaryńyzǵa saı ómir súrýdi úırenseńiz, tańǵajaıyp zattar oryn ala bastaıdy. Siz baqytty bola túskenińizdi ańǵarasyz. Jaqyn adamdaryńyzǵa kóbirek ýaqyt bóle bastaısyz. Jańa armandar men maqsattar paıda bolady. Qıyndyqtardy ótkerý de jeńildeı túspek.

Qorytyndy

Taǵy bir ret Djım Ronnyń sózderin eske túsireıik: «Kóp adamnyń tabysqa jete almaýynyń sebebi, olar ýaqytyn usaq-túıekke jumsaıdy».

Kóptegen adam ózin-ózi damytpaıtyndyqtan, óspeıtindikten tabysqa jetpeıdi. Biraq bir bastasańyz, kún saıyn maqsatyńyzǵa bir taban jaqyndaı túsesiz. Bolashaqta kim bolýdy armandasańyz, sol bolasyz. Budan keıin sizdi eshkim toqtata almaıdy.

Oqýǵa keńes beremiz:

Mindetterdi qalaı jeńildetýge bolady?

7 paıdasyz áreketten bas tartyp, ómirińdi ózgert

Ómirińizdi qur ótkizip jatqanyńyzdyń 13 belgisi

Jalqaýlyqty jeńýdiń eń jaqsy ádisi

Siz nege áli kúnge deıin baı emessiz: 7 sebebi

Kaıdzen

---