InfoHub Logo

Kelesi jyldy jastar jyly dep jarıalap, is-sharalar ótkizý kerek,oǵan bizdiń tájirıbemiz bar.                                           

QR Prezıdenti N.Á.Nazarbaev.

Jastar — memleket tarapynan bolatyn qamqorlyqtyń negizgi obektisi men elimizdiń damý sapasyna tikeleı áser etýshi bolyp tabylady. Elbasymyz óz joldaýynda aldyǵa strategıalyq maqsat qoıdy, ıaǵnı 2050 jylǵa deıin álemdegi ozyq damyǵan 30 eldiń qataryna qosylý. Elimizdi órkendetý úshin bilimdi jastar kerek,jaqsy oqyp, jan-jaqty bilim men, ǵylym alýymyz kerek. Elbasymyz jastarǵa arnap jasaǵan baǵdarlamalaryn durys paıdalana bilip, jan-jaqty bolýymyz qajet.El erteńi-bizderdiń, keler urpaqtyń  qolynda dep aıtylyp ta, jazylyp ta jatyr.Qazirgi kezde elimizde jastardyń sany 4 mıllıon tóńiregin qamtıdy. Barlyǵymyz bir úıdiń balasyndaı birigip,óz úlesimizdi qosyp kirissek, Táýelsiz Qazaqstan bıik shyńdardan kórinetinine senemin.Elimizdi kórkeıtý, ony ózimizden keıingi urpaqqa jetkizý Qazaqstan Respýblıkasynyń árbir azamatynyń boryshy dep bilemin. Jastar eńbekqor bolyp, óz kásibin jaqsy meńgerip,jeke kásip ashyp,ony damyta bilse elimizdiń tabysy artatynyna Elbasymyz senim bildirip otyr. Shákárimniń: «Adamnyń jaqsy ómir súrýine úsh sapa negiz bola alady, olar barlyǵynan basym bolatyn adal eńbek, minsiz aqyl, taza júrek. Bul sanalar adamdy dúnıege kelgen kúnnen bastap tárbıeleıdi»- degen sózi beker emes. Tek adal eńbekpen ǵana úlken belesterdi baǵyndyryp, qandaı myqty memleket ekenimizdi tanytyp, dáleldeı alamyz.Elbasymyzdyń Qazaqstannyń bolashaǵy úshin jasaǵan árbir joldaýlaryna árbirimiz úles qossaq, urpaǵymyzdyń bolashaǵy kemel bolmaq. 

2019 jyl — elimizdiń tarıhynda altyn árippen jazylatyn, damyǵan eldiń aldyńǵy qatarynan oryn alatyn eldiń biri bolatynyna senim bildiremin. Árbir Qazaqstannyń bilim alyp jatqan, belgili bir salada jumys atqaryp jatqan azamattary óz Otanynyń patrıoty bolsa elim bıikterden kórinedi. Men oqýdy úzdik aıaqtap,bilikti maman atanyp, Qazaqstan Respýblıkasyna adal qyzmet atqaryp, Elbasymnyń jasaǵan árbir  Joldaýlaryn júzege asyrýǵa óz úlesimdi qosamyn!

Jambyl Aısýlý Danıarqyzy
Ál-Farabı atyndaǵy  Qazaq Ulttyq ýnıversıtetiniń
3-kýrs stýdenti

---