2021 jyl balalardy Álippemen qaıta qaýyshtyrdy – Ashat Aımaǵambetov
QR Bilim jáne ǵylym mınıstri Ashat Aımaǵambetov Facebook paraqshasynda 2021 jyly iske asqan bastamalar týraly keń aýqymdy jazba jarıalady.
«Biz josparlarymyz ben usynystarymyz týraly jıi jazamyz. Biraq sonymen qatar sizderge atqarylǵan jumystar týraly aqparat berý mańyzdy dep esepteımin. Sondyqtan ótken jyly bilim jáne ǵylym salasynda qabyldanǵan keıbir mańyzdy sharalarǵa toqtalǵym keledi», -dep bastaǵan vedomstvo basshysy ár bastamaǵan qysqasha toqtalady.
Mınıstr bul tizimniń basyna Álippeniń baǵdarlamaǵa qaıta enýin qoıǵan.
«Elimizdiń barlyq mektebiniń birinshi synyptarynda Ahmet Baıtursynovtyń ádistemesi negizinde ázirlengen «Álippe» jáne «Býkvar» engizildi», - dep jazdy ol.
Sondaı-aq, ol 2021 jyldyń qańtar aıynan bastap mektep muǵalimderiniń, balabaqsha tárbıeshileri men kolej oqytýshylarynyń jalaqysy 25% óskenin eske saldy.
Aıtýynsha, bul ósim bıyl da jalǵasyn taýyp otyr.
«Osy jyldyń qańtar aıynan bastap taǵy 25% óskenin aıta ketken jón. Sonymen qatar, 2021 jyldyń qyrkúıeginen bastap pedagogterdiń jumys júktemesi azaıtyldy. Bul bir stavka úshin muǵalimder endi aptasyna 18 saǵat emes, 16 saǵat jumys isteıtinin bildiredi», - dep jazdy Ashat Aımaǵabetov.
You Might Also Like
-
Tıisti dıplomy bardyń bári muǵalim bola almaıdy. Bilim jáne ǵylym mınıstrligi engizgen táýelsiz testileý ádisi JOO túlekterin irikteý arqyly ǵana bilim oshaqtaryna jiberýge baǵyttalǵan. Mınıstr Asha...
-
Qarasózderinde danalyqty, oqý-bilimdi, jaqsy qasıetterdi tý etken Abaı Qunanbaıuly óziniń búkil shyǵarmashylyǵynda bir ǵana «júrek» sózin birneshe maǵynada 107 ret qoldanǵan. Al «on ...
