InfoHub Logo

Italıalyq ekonomıs Vılfredo Pareto bir kúni óziniń baqshasyna egilgen burshaqtyń 20% ónimniń 80% beretinin baıqaıdy. Bul oǵan jumsalǵan kúshtiń 20% nátıjeniń 80% beretini týraly erejeni tujyrymdaýyna múmkindik berdi. 20/80 qaǵıdatyn jumysta ǵana emes, ómirdiń basqa salalarynda da paıdalanýǵa bolady.

Bul óndiris pen bıznestiń árqıly salalaryndaǵy qam-qarekettiń tıimdiligi men ońtaılylyǵn baǵalaýǵa bolatyn belgili tásili.  

Kompanıalar óziniń paıdasynyń 80% klıentterdiń 20% túsetinin; saýda ókilderiniń 20% satylymnyń 80% jaýyp otyratynyn jáne qundylyqtardyń 20% shyǵyndardyń 80% ketetinin jıi baıqaıdy. Ýaqytqa qatysty da dál solaı: ónimdiliktiń 80%-na ýaqyttyń 20% jumsalady, paıdanyń 80% qyzmetkerlerdiń 20% tabady. Mysaldardy taǵy keltire berýge bolady.  

Álbette, sıfrlar árqashan 20/80 bola bermeıdi. 76/24 bolýy, 83/17 bolýy múmkin, biraq tórtke bir araqatynasy únemi baıqalady.  

20/80 qaǵıdaty bızneste keńinen qoldanylady, biraq ony kúndelikti ómirde de, eń aldymen jumysta, qoldanýǵa bolady.  

Qandaı tirlikterge ýaqyńyzdyń 80% jumsaısyz? Elektrondy pochtaǵa ma? Messendjerlerge me? Bul paıdanyń 20% ǵana beretinin qaperińizde ustap, shynymen mańyzdy isterge sáp salyńyz. Al eńbektegi qareketterińizdiń qaı tusy tabysyńyzdyń 80% berip otyr, basshylyq tarapyna kerektigińiz ben áriptesterińizdiń syı-qurmeti me?   

Myna suraqtarǵa da jaýap berip kórińiz. Siz buryn buny eshqashan eseptep kórmegendikten ǵana suraqtar qyıyn sıaqty.  

— Zattaryńyzdyń qandaı 20% siz úshin eń qundy (80% jáne odan da joǵary)?  

— Kóńil-hoshyńyzdyń 80% bere otyryp, ýaqytyńyzdyń 20% nege ketip jatyr?  

— Sizdiń aınalańyzdaǵylardyń ishinde kim sizdi barynsha baqytty etip júr?  

— Qandaı kıimderińizdiń 20% ýaqytyńyzdyń 80% kıip júrsiz?

— Sizdiń rasıonyńyzdyń 80% quraıtyn azyq-túliktiń jáne taǵamdardyń 20%-ne ne kiredi?  

Jaýap berdińiz be? Endi ómirińizdiń osy salalaryn qalaı jaqsarta alatynyńyzdy oılap kórińiz.

Mysaly, eger siz ýaqytyńyzdyń 80% sizdi 20% janyńyzdy súısintetin adamdarmen ótkizip júrseńiz, onda ózińiz aralasatyn adamdar ortasyn ózgertken jón ǵoı.  

Eger, mysal retinde, siz ýaqytyńyzdyń 80% ınternette ótkizip, odan alatyn lázzatyńyz 20% bolsa, Jelide ne bitirip júrgenińizdi oılańyz. Durysy qareket-tirligińizdi basqasyna aýystyryp, kompúterge shuqshıyp otyratyn ýaqytty azaıtý kerek shyǵar?   

Eger zattaryńyzdyń 80% tek 20%-ke paıdalanyp júrseńiz, olardy laqtyryp jiberińiz nemese satyp jiberińiz. Kıimińizben de dál osylaı isteńiz.  

Ózińizdiń rasıonyńyzdy 20/80 qaǵıdaty boıynsha taldap shyǵyp, siz qanshalyqty densaýlyqqa paıdaly tamaqtanyp júrgenińizdi bilip alasyz. Eger siz ýaqytyńyzdyń 80%-da maıly taǵamdardy jep júrseńiz, dıeta ustaıtyn kez kelgen shyǵar? Dastarhanyńyzdaǵy paıdasy shamaly taǵamdar 20% qana bolýy úshin taǵam proporsıalaryn qaıta qarap shyǵyńyz.  

Paretonyń ońtaıly zańy, bir qaraǵanda múldem ońtaıly emes mahabbat «aýylynda» da, qoldanýǵa jarap tur. Sizderdiń qandaı is-qylyqtaryńyz araqatynastaryńyzdaǵy qyıyndyqtardyń 80% qurap júr? Sizdi janserigińizben 80% jaqyndata túsken 20% bolatyn áńgimeler ne týraly edi?   

Kópshiligimiz qarym-qatynasymyzǵa bundaı turǵyda kóz salyp kórgen joqpyz, osylaı istep kórý óte paıdaly bolýy múmkin.

Ómirdiń árbir qyrynyń óz PÁK*-i bar.

20/80 qaǵıdatyn paıdalaný arqyly ómirińizdiń tıimdiligin baǵalap qana qoımaı, ony óz baqylaýyńyzǵa ala alasyz. Jaýapkershilikti óz moınyńyzǵa alyp, problemalaryńyz bar salalaryn jaqsarta alasyz.  

Árıne, Pareto zańy panaseıa emes. Ony ómirdiń basty kredosyna telip, barlyǵyn osy qaǵıdat boıynsha ǵana ólshep-kesýge bolmaıdy. Alaıda, 20/80 qaǵıdaty — ózińizdiń ómirińizge jańashyldyq engizip bere alatyn tamasha kural.  

20/80 qaǵıdatyn negizge ala otyryp, ómirińizdegi neni ózgerte alatynyńyz týraly oılanyp kórińiz.  

Jaýaptaryńyzdy qaǵazǵa jazyp qoıyńyz.  

*Paıdaly áser koefısıenti.

Oqýǵa keńes beremiz:

Mindetterdi qalaı jeńildetýge bolady?

7 paıdasyz áreketten bas tartyp, ómirińdi ózgert

Ómirińizdi qur ótkizip jatqanyńyzdyń 13 belgisi

Jalqaýlyqty jeńýdiń eń jaqsy ádisi

Siz nege áli kúnge deıin baı emessiz: 7 sebebi

Kaıdzen

---