Júre, sekire jáne kedergilerden qarǵyp óte alatyn tunǵysh robot
AQSH Soltústik-SHyǵys ýnıversıtetiniń ınjenerleri jerde ózin erkin sezinip, qajet bolsa áýege de kóterile alatyn robotty jasap shyǵardy. Ol kedergilerden óte alady jáne súrinip ketse de, tepe teńdikti saqtaı alady.
Jasalyp shyqqan qurylǵyǵa LEONARDO degen ataý berildi. Robot LEg ON Aerial Robotic Drone, ıaǵnı «aıaǵy bar jáne usha alatyn robot-dron» abrevıatýrasynyń arqasynda uly florensıalyqtyń attasy bolyp shyqty.
Qazirgi zamanda jerde júretin robottarmen de, ushqyshsyz kopterlermen de, eshkimdi tań qaldyra almaısyń, alaıda, ádette ınjenerler «jorǵalaý úshin dúnıege kelgen samǵap usha almaq emes» qaǵıdaty boıynsha qareket qylady. Deıturǵanmen, eki aıaqty robottarǵa jolynda turǵan kedergi problemaǵa aınalýy múmkin. Onyń ústine olar súrinip jyǵylýy nemese olardy jel qulatyp ketýi múmkin.
«Leonardo» qulaýdy ushýǵa ulastyryp, bul problemany ádemi jaıǵaı alady. Bulaı isteýge onyń denesiniń eki búıirinde ornatylǵan kez kelgen baǵytta júrgize alatyn kishigirim eki vınt kómekke keledi. Robot eki aıaǵymen qozǵalady jáne onyń boıynyń uzyndyǵy 0,8 metr. Osyndaı kópkórim gabarıtteri bolǵanyna qaramaı, onyń salmaǵy bary-joǵy 2,7 kılogramm ǵana. Bundaı jeńil salmaqqa LEONARDO negizinen kómirtekti talshyqtardan jasalǵandyqtan qol jetip otyr.
Óziniń qozǵaltqyshtarynyń arqasynda «Leonardo» áýege kóterilip, jolyndaǵy kederginiń ústinen ushyp ótip, kederginiń arǵy jaǵyna qona alady. Sekirý sekildi áldebir nárseni isteıdi. Bunyń ústine ol aıaq astynan qulaı bastasa, tepe teńdikti ustap qalýǵa da qaýqarly.
You Might Also Like
