InfoHub Logo

Jaǵalbaıly: bir baıdyń balasy qyz tańdap, ákesi:

— Qyz aıttyramyn! — dese,

— Áýeli ol qyzdy ózim baryp kórip keleıin, til qaǵysqanda, sózime sóz qaıyrýǵa jarasa, alamyn! Oǵan jaramasa tomyrlyqty tunjyrdy alǵanda, ne ońamyn? — dep, qyz kórerge eki joldas ertip, el kydyryp júrgende, elsiz dalada úsh jolaýshy kez bolypty. Onyń bireýi jasóspirim jas qyz eken. Jón surassa:

— Tama degen elmiz! — desipti.

— Qaıdan kelesizder? — dese,

— Myna balanyń uzatqan apasy bar edi. Soǵan amandyqqa baryp keledi, — desipti.

— Bul balanyń ózin qaı elge kózin ótkizýge yńǵaılap qoıǵan bala edi? — desipti.

— Ondaıdan aman, tańba salynbaǵan, daq túspegen bala, — desipti.

Qyz tańdap júrgen qý qyzǵa qarap:

— Shyraǵym, «Tama qyzy dámdi (tamdy) keledi, qarys súıem a...dy keledi, — deýshi edi. Qarysyn tigip, súıemin si...p baıqasa, qalaı bolar edi?— degende, qyz julyp alǵandaı:

— Aǵaılar-aı, «Jaǵalbaıly jigiti jaqty keledi, baılary kózi qıyp mal satpaıtyn atty keledi. «Qarysyn tigemin, súıemin si...min,» — dep júrgende, sendeı shekesi qýshyq, soraıǵan jaqtylar silesi quryp, talyp óledi! — depti.

Olar da jónine júre beripti, bular da eline kelip:

— Áke, men bir qyz kórdim, sony alamyn, mal berip, alyp ber! — degen soń, ákesi quda bolyp, malyn shoq berip, «qalyńdyq oınaı» baryp, «qol ustatar» bolyp, jeme-jemge kelip, qyz ústine jigit mine bergende, jigit aıtypty:

— Men Jaǵalbaıly da, sen — Tama,

Men kergı bereıin, sen sana.

Ekeýmizdiń qaısymyz óler ekenbiz,

Qyzyǵyma bir qara! — depti.

Onda qyz aıtypty:

— Basyńda bar bórkińiz,

Ár ne qylsań, erkińiz.

Ákem meni malǵa satty,

Aptyqpaı—aq kergińiz! — depti.

---