InfoHub Logo

Smagýlova A.S. ál-Farabı atyndaǵy Qazaq ulttyq ýnıversıtetiniń halyqaralyq qatynastar fakúlteti, dıplomatıalyq aýdarma kafedrasynyń ı.o.dosenti

Rahımbaeva R.M.Qazaq ulttyq ýnıversıtetiniń halyqaralyq qatynastar fakúlteti, dıplomatıalyq aýdarma kafedrasynyń aǵa okytýshysy

2021 jyldyń22 qańtary Halyqaralyq ǵylymı - ádistemelik onlaın-semınar Ál-Farabı atyndaǵy QazUÝ Halyqaralyq qatynastar fakúltetiniń mádenıetaralyq komýnıkasıa jáne aýdarma zertteýleri ortalyǵyndaǵy dıplomatıalyq aýdarma kafedrasynda ótti. Semınardyń negizgi taqyryby: «Bilim berýdi ınternasıonaldandyrý: arnaıy maqsattar úshin shet tilderin oqytýdyń ózekti ádisteri». Shet tilderin oqytýdyń teorıalyq jáne praktıkalyq aspektileri boıynsha aqparattyq jáne pikirtalas alańyn qurý, joǵary bilimdi ınternasıonaldandyrý, onlaın bilim berý jáne shet tilderin oqytý prosesin jetildirý-osy is-sharanyń negizgi maqsaty bola bildi. Halyqaralyq ǵylymı-ádistemelik semınardyń uıymdastyrýshylary dıplomatıalyq aýdarma kafedrasynyń meńgerýshisi profesor Seıdıkenova A.S., f. ǵ. k., dosent Bakıtov A. T. boldy. Talqylaýǵa usynylǵan máselelerdiń taqyryby óte ár túrli boldy jáne keste eki seksıanyń jumysyna qatysa alatyndaı erekshe formatta jasaldy.

Semınardyń maqsaty-shet tilderin oqytý ádistemesiniń teorıalyq jáne qoldanbaly aspektileri boıynsha aqparattyq-pikirtalas alańyn qurý, joǵary bilimdi ınternasıonaldandyrý, onlaın-oqytý, sondaı-aq shet tilderin oqytý prosesin jetildirý. Konferensıaǵa qatysý úshin Qazaqstannyń túrli joǵary oqý oryndarynyń 175-ten astam oqytýshylary men ǵalymdary tirkeldi, sondaı-aq sheteldik jáne otandyq jetekshi ǵalymdardyń ókilderi, tildik jáne mádenıetaralyq bilim berý men lıngvısıka salasynda jumys isteıtin mamandar shaqyryldy:

1. Profesor A. Akkarı-Jeneva Ýnıversıteti (Shveısarıa)

2. Djýlı Dúperýar, hachettefle pedagogıka bóliminiń bastyǵy, Fransıa

3. Naıma Ahmad Hýsban-Arab ashyq ýnıversıtetiniń profesory, Iordanıa

4. Zýlfızar Karımova Rýstamovna, MMÝ fılıaly. M. V. Lomonosov j.Tashkent, Ózbekstan.

6. Rahımova Gúlsanam Áshirbekqyzy, Mırzo Ulyqbek atyndaǵy Ózbekstan ulttyq ýnıversıtetiniń dosenti

7. Kesler Torsten-DAADlektorat dáriskeri, Germanıa.

8. Seıdıkenova Almash, f.ǵ. k., profesor, ál-Farabı atyndaǵy QazUÝ, Qazaqstan

9. Bakıtov Aıtqalı, f.ǵ. k., ál-Farabı atyndaǵy QazUÝ dosenti, Qazaqstan

10. Jýmalıeva J. K. PhD Ál-Farabı atyndaǵy QazUÝ, Qazaqstan

11. Alıpbaeva A. A. PhD Ál-Farabı atyndaǵy QazUÝ, Qazaqstan jáne t. b.

Konferensıada shet tilderin arnaıy maqsatta oqytýdyń zamanaýı ádisteri keńinen talqylandy. Halyqaralyq baılanystardy, akademıalyq utqyrlyqty, ózara birlesken jobalardy odan ári nyǵaıtý boıynsha sheteldik seriktes ýnıversıtettermen jumys josparlary ázirlendi.

Ótkizilgen ǵylymı is-shara týraly óz pikirlerinde qatysýshylar qashyqtyqtan formatta konferensıa ótkizý týraly kafedranyń usynysyna oń baǵa berdi. Bul qatysýshylardyń úlken tobyn qamtýǵa, ózekti máselelerdiń keń aýqymyn talqylaýǵa, pikir men tájirıbe almasýǵa ǵana emes, sondaı-aq akademıalyq qoǵamdastyqty osy kúrdeli jaǵdaıda biriktirýge múmkindik berdi, naqty keńestermen bir-birin damytýǵa jáne qoldaýǵa daıyn ekendigin kórsetti. Qatysýshylar sondaı-aq dıplomatıalyq aýdarma kafedrasy ujymynyń ǵylymı-ádistemelik jumysynyń joǵary deńgeıin atap ótip, ǵylymı konferensıany uıymdastyrǵany úshin uıymdastyrý komıtetine alǵys bildirdi. "Konferensıany keremet uıymdastyrǵanyńyz úshin kóp rahmet! Bul jaǵdaıda áriptesterińizben tikeleı sóılesý jáne qashyqtyqtan oqytýdyń ózekti máselelerin talqylaý, paıdaly tájirıbeni qabyldaý óte mańyzdy".

Kafedra jáne konferensıany uıymdastyrý komıteti barlyq qatysýshylarǵa belsendiligi men qoldaýy úshin alǵys bildiredi, yntymaqtastyqty jalǵastyrýǵa úmittenedi, barlyǵyna densaýlyq, shydamdylyq jáne kásibı jáne ǵylymı salada tabys tileıdi!Biz konferensıa óz maqsatyna jetti dep sanaımyz, bul barlyq qatysýshylar úshin paıdaly boldy.

Smagýlova Aıgerım Rahımbaeva Roza

---