24 mamyrynda Baıqońyrdan «Soıýz-2.1a» zymyran-tasyǵyshy ushyrylady
Baıqońyr ǵarysh aılaǵynda «Progres MS-23» ǵaryshtyq júk kóligin Halyqaralyq ǵarysh stansasyna (HǴS) ushyrýǵa daıyndyqtyń sońǵy kezeńi bastaldy.
Keshe, 21 mamyr kúni «Progres MS-23» júk kemesi bar «Soıýz-2.1a» ǵaryshtyq maqsattaǵy zymyran montajdaý-synaq korpýsynan shyǵarylyp, Baıqońyr ǵarysh aılaǵynyń 31-shi alańynyń ushyrý keshenine temirjol kóligimen jetkizildi jáne ornatyldy.
Roskosmostyń baspasóz qyzmetinen málim etkendeı, zymyran tik kúıinde ornatylǵannan keıin reseılik ǵarysh salasy kásiporyndarynyń mamandary ǵaryshtyq maqsattaǵy zymyrandy ushyrýǵa daıyndyqty jalǵastyrdy.
«Progres MS-23» júk kemesi bar «Soıýz-2.1a» zymyran-tasyǵyshy Baıqońyr ǵarysh aılaǵynan 2023 jylǵy 24 mamyrda, Astana ýaqytymen saǵat 18 saǵat 56 mınýtta ushyrylady dep josparlanǵan.
«Progres MS-23» ǵaryshtyq júk kóligi HǴS-qa stansıanyń jumysy men onda jumys isteıtin ǵaryshkerlerdiń ómirin qamtamasyz etý úshin qajetti 2,5 tonnadan astam júkti jetkizýi tıis.
Qazirgi kezde Halyqaralyq ǵarysh stansıasynda 69-shy uzaqmerzimdi ekspedısıanyń ekıpajy jumys istep jatyr. Onyń quramynda Roskosmos ǵaryshkerleri Sergeı Prokopev (HǴS-69 komandıri), Dmıtrıı Petelın jáne Andreı Fedáev, NASA astronavttary Fransısko Rýbıo, Stıven Boýen, Ýorren Hobýrg jáne BAÁ astronavty Sultan ál-Neıadı bar.
You Might Also Like
-
Qýyr, qýyr, qýyrmash Qýyr, qýyr, qýyrmash Qýyr, qýyr, qýyrmash, Men aıtaıyn qolyńdy ash! Mynaý turǵan bas barmaq, Jumys sodan bastalmaq. Alaqannyń tuńǵyshy Bolsyn osy jylqyshy. Balań úırek jan...
-
Bıylǵy oqý jylyna 88 myń grant bólindi. Bul týraly QR Ǵylym jáne joǵary bilim vıse-mınıstri Qýanysh Erǵalıev málim etti.
