InfoHub Logo

Ǵalymdardyń málimdeýinshe, balalardyń densaýlyǵy úshin 3 jastan kishilerge múldem teledıdar kórsetpeý, al 3 jastan úlkenderge shekteý qoıylýy abzal.

Anglıanyń aldyńǵy qatarly psıhologtarynan Dr. Arık Sıgman, ár ótken kún, adamdardyń oıyn prıstavkalary, planshetter, kompúterler, teledıdarlar, smartfondar men noýtbýktardyń aldynda kóp ýaqyt ótkizetinin aıtyp, munyń semizdikke, júrek qan tamyrlary aýrýlaryna jáne 2-tıptegi dıabet aýrýyna shaldyǵý qaýipin arttyratynyn aıtady. Anglıadaǵy «Archives Of Disease In Childhood» atty medısınalyq jýrnalda maqalasy basylyp shyqqan Sıgman, kógildir ekrannyń aldynda kóp ýaqyt ótkizýdiń psıhologıalyq problemalarǵa da jol ashatynyn aıtyp eskertti.

Sıgman: «Ekran aldynda otyrý jasynyń keshigýi jáne kúndelikti ekrannyń basynda ótkiziletin ýaqyttyń azaıýy, balalardyń densaýlyǵyna jáne jaqsy ómir súrýine úlken paıdalary bar» deıdi. Sonymen qatar, bala densaýlyǵynyń mamany ataqty psıholog, ekran aldynda otyryp ótkiziletin ýaqyttyń balanyń áleýmettik qatynasyna da áser etetinin aıtty.

Ata-analardyń, tynysh otyrsyn, mazamdy almasyn dep balalardy ekrannyń aldyna otyrǵyzyp qoıýynyń da barǵan saıyn keń tarap kele jatqanyn atap, bul ádetten uzaq turý kerektigin málimdedi. Sıgman, 3 jastan kishkentaılarǵa múldem teledıdar kórsetpeý kerektigin, ekran aldynda ótkiziletin ýaqyttyń 3 pen 7 jas arasyndaǵy balalarǵa kúnine jarty saǵat pen bir saǵat, 7 jas pen 12 jas aralyǵyndaǵylarǵa tek bir saǵat, 12 men 15 jas arasyndaǵylarǵa kúnine 1,5 saǵat, 16 jastan joǵary jastaǵylarǵa da eń kóp 2 saǵatpen shektelý kerektigin aıtty.

Oqýǵa keńes beremiz:

12 jasqa deıingi balalardy ne úshin gadjetterden alshaq ustaý kerek?

Teledıdardyń kózge zıandary

Teledıdar jáne otbasy

Teledıdar jáne balalar

Jastar jáne teledıdar

Teledıdardyń zeıinge yqpaly

---