InfoHub Logo

Búgin shyraıly Shymkent qalasyndaǵy Z.Kosmodemánskaıa atyndaǵy nómiri 23 mektep lıseıinde arnaıy qarttar kúnine oraı "Qarty bar eldiń qazynasy bar" degen aýqymdy taqyrypta 2 "Aq" synybynyń merekelik erteńgiligi bolyp ótti.

Halyqaralyq qarttar kúnine arnalǵan bul is-sharaǵa synyp oqýshylarynyń ata-analarymen birge, ata-ájeleri kelip kózaıym bolyp, erteńgiligimizdiń qurmetti qonaǵy boldy. Tipti bir otbasynda urpaqtar sabaqtastyǵyn jalǵastyryp otyrǵan qarıalardyń kelýi de kóz qýantty.
Merekelik sharany 2"Aq" synybynyń synyp jetekshisi Orazbekova Gúlnur Rysbekovna ashyp berip, qarttarymyzǵa izgi tilekterin bildirdi.
2 "Aq" synybynyń oqýshylary da ónerden kende emes ekenderin kórsetip, ata-ájelerine degen konserttik baǵdarlamalaryn usyndy.

Erteńgilik 3 bólimdi qurady:
1.Qarttar kúnine arnaǵan ánder men jyrlar.
2.Maqal-mátelder kezeńi.
3."Atadan bata" dep atalady. 
Bul sharada oqýshylar ata-ájelerine arnap hor aıtyp, tamasha ánderin tartý etti. Qarıalarymyzǵa degen ystyq iltıpattaryn ózderiniń óleń shýmaqtarymen jetkizdi. Konserttik baǵdarlama oqýshylardyń toqsan aýyz sózdiń tobyqtaı túıinin bildiretin maqal-mátelder bólimimen aıaqtaldy.
Balapandarynyń ónerine tánti bolǵan ata-analar men ata-ájelerimizdiń janaryna jas tolyp, et júrekteri eljirep otyrǵandaryn baıqamaý múmkin emes.
Búgingi ótilgen kesh óte tolqynysty boldy, oqýshylardyń atalary, ájeleri kesh sońynda alǵystaryn jaýdyryp, osyndaı urpaq ósip kele jatqanyna qýanǵandaryn aıtyp,  mektep ujymyna alǵystaryn jaýdyrdy.
Mektep ujymy qarttarymyzǵa degen óz qurmetterin bildirmek nıetpen óz kádesyılaryn usyndy. Oqýshylardyń óz qolónerleri de qalys qalmady.

Bul ataýly merekeni toılaýdy nazardan tys qaldyrmaǵany úshin mektep dırektory Toılybaeva Janar Djýraevnaǵa zor alǵys bildiremiz!

Janzakova Mereke Asqarbekqyzy

---