InfoHub Logo

Ǵulama bir aqsaqal shákirtterimen áńgime barysynda: “30 jyl buryn “Álhamdúlıllah” degenim úshin 30 jyl boıy táýba etip kelemin,”  — deıdi. Shákirtteri tań qalyp, munyń mánin suraǵanda, álgi aqsaqal bylaı dep túsindiredi: “Saýda ornynda úlken órt shyǵyp, kóptegen saýdagerlerdiń dúkenderi órtenip, ıeleri úlken shyǵynǵa ushyraıdy. Órt týraly maǵan habar jetkende men “Seniń dúkenińe eshteńe bolmapty” degen súıinshi habarǵa abaısyzdan “Álhamdúlıllah” deı qaldym. Keıin osy áreketime qatty ókindim – musylman baýyrlarymnyń mal-múlki janyp ketken kezde, ózimdiki aman qaldy dep shúkir etkenim shynaıy musylmandyqqa jaraspady dep qatty qobaljydym, eńirep táýba ettim. Keıin órtten zıan kórgen musylman baýyrlaryma ortaqtas bolaıyn degen maqsatpen, dúkenimdegi barlyq zattardy kedeılerge taratyp bersem de, sol kúnnen beri 30 jyl boıy táýba etsem de, áli de janym tynyshtyq tappady. Men ólgen kezde eshkim bilmeıtin, adam júrmeıtin bir jerge aparyp jerleýlerińdi suraımyn. Topyraq meni qabyldamaı qoısa, dostarymnyń aldynda uıat bolmasyn.

---