InfoHub Logo

Aqparattyq tehnologıa – 21 ǵasyrdyń jetekshi baǵyty. Jańa tehnologıalar qazir naqty ómirdiń bir bóligine aınaldy. Sondyqtan IT salasyndaǵy sapaly maman - tek progrestiń damýyna ǵana emes, adamzattyń ómir saltyna da áser ete alatyn qundy jáne sırek talant.

Aqparattyq tehnologıalar fakúltetiniń negizgi mindeti – ınformatıka salasynda qoldanbaly jáne ǵylymı-zertteý jumystaryn júrgize alatyn jáne júıelik baǵdarlamalaýdan bastap fızıkaǵa deıingi barlyq salalarda joǵary bilikti mamandardy daıyndaý.

Ál-Farabı atyndaǵy Qazaq ulttyq ýnıversıtetinde “Aqparattyq tehnologıalar” fakúlteti 2018 jyly ǵana ashylǵanyna qaramastan kóptegen jetistikterimen qýantyp keledi. Bolashaq urpaqqa beretin bilimderi mol mamandarymen de maqtana alady. San alýan mamandyqtardy qamtıtyn qoǵamda úlken suranysqa ıe fakúltetterdiń qatarynda. Al fakúltettegi “Aqparattyq qaýipsizdik júıeler” mamandyǵynyń orny tipten erekshe. Endi osy mamandyqqa toqtalyp óteıik. 
  Aqparattyq qaýipsizdik- bul aqparatty, sondaı-aq onyń mańyzdy elementterin paıdalanýǵa, saqtaýǵa jáne berýge arnalǵan júıeler men jabdyqtardy saqtaý ári qorǵaý. Basqasha aıtqanda, bul aqparattyq qaýipsizdikti qorǵaý úshin qajetti tehnologıalar, standarttar men basqarý ádisteriniń jıyntyǵy.

Aqparattyq qaýipsizdikti qamtamasyz etýdiń maqsaty-derekter men qoldaý ınfraqurylymyn kezdeısoq nemese qasaqana aralasýdan qorǵaý, bul derekterdiń joǵalýyna nemese olardyń ruqsatsyz ózgerýine ákelýi múmkin. Aqparattyq qaýipsizdik bıznestiń úzdiksizdigin qamtamasyz etýge kómektesedi. 

Bul oraıda aqparattyq qaýipsizdikti qorǵaýdyń júıelik jáne keshendi tásili ǵana qamtamasyz ete alatyndyǵyn túsiný kerek. Aqparattyq qaýipsizdik júıesinde barlyq ózekti jáne yqtımal qaýipter men osaldyqtardy eskerý qajet. Ol úshin naqty ýaqyt rejıminde úzdiksiz baqylaý qajet. Baqylaý 24/7 júrgizilýi kerek jáne aqparattyń búkil ómirlik sıklin qamtýy kerek – ol uıymǵa kirgen sátten bastap joıylǵanǵa nemese ózektiligin joǵaltqanǵa deıin.

Aqparattyq qaýipsizdik sharasynyń qarapaıym mysaly-kompúterde ornatylǵan antıvırýs. Biraq komersıalyq qurylymdarda bul másele anaǵurlym baıypty jáne kóptegen deńgeılerde qarastyrylady: qaýipsizdikti qamtamasyz etý úshin kóp nárse isteý kerek.

Aqparattyq qaýipsizdik quraldary derekterdi tarap ketýden, baǵdarlamadan, júıeden jáne jeliden — buzýdan, ruqsatsyz kirýden, faıldardyń buzylýynan nemese shabýyldardyń basqa túrlerinen qorǵaıdy. Eger biz komersıalyq nemese memlekettik qurylymdar týraly aıtatyn bolsaq, onda aqparat tyńshylardan nemese ujymnyń ishindegi yqtımal zıankesterden qorǵaıdy.

Bul mamandyq qazirgi tehnologıalar damyǵan zamanda eń ózekti mamandyqtardyń biri. Álemde kún saıyn jańa tehnologıalar paıda bolyp, aqparattar úzdiksiz júrip jatyr. Osyndaı kezeńde aqparattardy qorǵaý óte mańyzdy ekeni belgili. Bul ispen, árıne, aqparttyq qaýipsizdik mamandyǵynyń mamandary aınalysyp, jańǵyrtyp jatyr. Jańa zamannyń talabyna saı jańa mamandyq pen bilimdi mamandar jarqyn bolashaqtyń kepili dep oılaımyn.

ál-Farabı atyndaǵy QazUÝ-niń Aqparattyq tehnologıalar fakúltetiniń stýdenti -  Ibragımova Aıman
Jemıleva Madına Maratovnanyń jetekshiligimen

---