InfoHub Logo

Mátindi durys qoldaný maǵynasyz qurǵaq jattaı berýden pármendirek.   

Ádistiń máni nede

Aqparatty qajetti kezinde eske túsirý ońaı bolýy úshin ony áýeli durys qurylymdap, ózińiz biletin nárselermen baılanystyryp qoıý kerek. Sondaı-aq, praktıkada qoldaný arqyly, materıalǵa meılinshe jıirek oralyp turý da mańyzdy.  

Ýaqytyńyzdyń tek 50% aqparatty oqyp tanyp bilýge, al qalǵan 50% — ony óńdeýge jumsańyz. 

Kitaptaǵy aqparatty este saqtap qalý úshin ony túgel oqyp shyǵý azdyq etedi. Tipti eki nemese úsh qaıtalap oqyp shyqsańyz da. Sondyqtan, ýaqytyńyzdy zaıa ketirmeı, ony bir kúnde eńserýge tyryspaı-aq qoıyńyz.   

Birneshe taraýdy oqyp shyǵyńyz da, qalǵan ýaqytty olardy bireýge qaıtalap aıtyp berýge jáne talqylaýǵa nemese bilip alǵan túıindi oılardy jazyp qoıýǵa jumsańyz. Osylaı isteseńiz, oqyǵanyńyzdy áldeqaıda jaqsyraq este saqtaısyz.  

Bul nege iske asady

Jasalǵan zertteýlerge sáıkes oqýshylar, eger oqyp bilgenin tez arada paıdalansa nemese basqa bireýge túsindirip berse, aqparattyń 90% jýyǵyn este saqtaıdy.  

Mıdydyń zeıin arttyryp, materıaldy tarazylap jáne ony qaıta tujyrymdaý kerek bolǵandyqtan osylaı bolady. 

Amerıkalyq jýrnalıs jáne pýblısıs Denıel Koıl óziniń kitabynda on bet oqyp, kitapty jaýyp qoıyp, oqyǵanyn bir qorytyp alatyndar, dál sol on betti arty-artynan 4 ret oqyp shyǵyp, áıteýir eske saqtap qalýǵa tyrysatyndardan uzaq ýaqyttyq perspektıvada materıaldyń 50% nemese odan kóbirek mólsherde este saqtap qalatynyn aıtady.  

Bar gáp salynatyn kúshte: aqparatpen jumys istegende ol neǵurlym kóp bolsa, oqyp bilý úderisi soǵurlym jaqsy ótedi.  

Ústirtin, janamaly túrde ǵana oqý men qur qaıtalaı berý sizden eshteńe talap etpeıdi. Al keı jerlerin jazyp alyp otyrý men qaıtalap aıtyp berý úshin túıindi tustardy anyqtap, olardy óńdeý jáne rettestirip otyrý kerek.

50/50 ádisin qalaı qoldaný kerek  

Konspekti jazyńyz

Jańa birdeńe bilip alǵan ár kezde, jaqsy bir kitaptyń bir taraýyn oqyp shyqqanda nemese mańyzdy bir dáristi tyńdaǵanda birer mınýtyńyzdy qıyp, túıindi ıdeıalardy jazyp qoıyp júrińiz.

Odan da jaqsysy — oqý barysynda bilgendi qysqasha jazyp qoıyp otyrýǵa ózińizdi májbúrleý.

Oqyp bilgenińizge qaıtyp oralý arqyly siz umytý úderisin úzip, myıyńyzǵa jańa aqparatty toqyp qoıýyna kómektesesiz. Psıhologtar ony testileý effeki dep ataıdy.

Oqyp úırený pármendirek bola túsýi úshin jazbalaryńyzda qaǵaz ben qalam arqyly isteńiz. Ǵalymdardyń aıtyp sendirýinshe, bul pernetaqtany paıdalanǵanmen salystyrǵanda, oqyp jatqan materıalmen kúshtirek kognıtıvtik baılanys ornatady. Bunyń sebebi biz pernetaqtada tys tez terip, myı aqparatty sińirip úlgere almaıtyndyǵynda. Qoldan baıaýyraq jazyp júre bereıik, esesine biz kóbirek jáne jaqsyraq este saqtaımyz.

Materıaldy basqalarǵa túsindirińiz  

Ózińiz taqyrypty áli onsha túsinbeı tursańyz, qobaljymańyz jáne ony qansha adamǵa qaıtalap aıtyp berýińiz kerek ekenine bas qatyrmańyz. Bunyń múldem mańyzdy emes. Bastysy — oqyp jatqanyńyzǵa jáne ony basqalarǵa qalaı jetkizip bólisetinińizge zeıin qoıyńyz.   

Blog júrgize bastap, ózińiz bilip alǵan jańa ıdeıalardy jazyp otyrýǵa bolady. Podkasttar jazyp nemese vıdeo túsirip, bilgenińizdi Youtube-te bólisińiz. Oqyrmandaryńyz ben tyńdarmandaryńyzdyń bary-joǵyna qaramaı, siz ilgerilep jatqanyńyzdy (progresti) baıqaısyz.  

Bul tásildiń amerıkalyq fızık Rıchard Feınmannyń tehnıkasymen uqsas jeri kóp. Ol kvanttyq fızıka sekildi kúrdeli taqyryptardy jalpaq tilmen túsindirip bere alatyn qasıetimen tanymal. Onyń oqytyp úıretý tásili adamdarǵa bilimdi meılinshe qarapaıym sózder arqyly berýde tur. Osylaısha olqy tustaryńyzdy jyldam anyqtap, áli neni túsinbeı turǵanyńyzdy kórýge bolady. Basqasha aıtqanda, siz ózińiz úshin basqalardy oqytasyz.

Oqýǵa keńes beremiz:

Este saqtaýǵa arnalǵan bul 7 ádis oı-órisińizdi keńeıtedi

Este saqtaý, zeıin salý jáne oı jınaqtaýǵa paıdaly 10 azyq

Mıyńyzdy jumys isteýden bas tartqyzatyn sebepter

Mıǵa zıan keltiretin azyqtar

Zerdeńizdi damytatyn paıdaly 7 daǵdy

Mıǵa paıdaly jáne zıandy ónimder

Jańa málimetti eske saqtaýdyń úzdik ádisi

---