9 jastaǵy nıderlandylyq výnderkınd ýnıversıtet dıplomyn alǵan eń jas túlek atanbaq
9 jastaǵy nıderlandylyq výnderkınd Loran Sımons birneshe aıdan soń Eındhovendegi Tehnıkalyq ýnıversıtetti támamdaıdy. Osylaısha ol joǵary oqý ornynyń dıplomyn alǵan eń jas túlek atanbaq, dep VVS jazady.
Ázirshe bul ataq 10 jasynda Alabama ýnıversıtetin bitirgen amerıkalyq Maıkl Karnıge tıesili.
Loran Sımons elektrotehnıka fakúltetinde oqıdy. Ýnıversıtetke ol nebary bir jyl buryn túsken. Al oǵan deıin orta jáne joǵary synyp oqýshylary meńgerýi tıis alty jyldyq bilim baǵdarlamasyn 1,5 jyl ishinde meńgerip, 8 jasynda orta bilim alǵany jóninde atestatqa qol jetkizgen.
Jazǵy demalystan keıin ol ýnıversıtette bilimin jalǵastyrdy. Munda da jas talant oqý baǵdarlamasyn ózimen bir topta oqıtyn stýdentterden jyldamyraq meńgerip ketti.
Balanyń IQ-i — 145, ol keremet este saqtaý qabiletine ıe. Lorannyń aıtýynsha, onyń súıikti páni — matematıka, sebebi ol statısıka, geometrıa jáne algebrany qamtıty.
Zeıindi jas bolashaqta kardıohırýrg bolǵysy keledi. Ol mektepte oqyp júrgen kezinde Amsterdam ýnıversıteti medısınalyq fakúltetiniń medısına kýrsyn oqyp alǵan eken.
Lorannyń anasy Belgıada týǵan, al ákesi golandıalyq azamat. Ózi Belgıada ómirge kelgen. Qazir otbasymen Nıderlandyda turady.
Derekkózi: inform.kz
You Might Also Like
-
Qazirgi álemde halyq aýyldardan qalalarǵa kóbirek kóship barady. BUU sarapshylary álemniń ártúrli elderindegi qala jáne aýyl turǵyndarynyń sanyn eseptedi.
-
Bala tárbıesiniń eń úlkeni-ony eńbekke baýlý. Eńbekshil jas qana eń úzdik azamat bolyp qalyptasady.
