InfoHub Logo

Patrıot-Otannyń mereıin ústem etý jolynda , óz halqyna degen súıispenshiligi jolynda qolda baryn,ómirin aıamaıtyn adam.                         

M.F.Ahýndov

Qazaqstan – kóp ultty memleket. Qazaqstanda ár túrli ult ókilderi turady:olar bir-birin jatsynbaıdy, bir-birin qurmetteıdi, qıyn kezde kómektesedi, qol ushyn beredi jáne qýanyshyna ortaqtasady. Biz Qazaqstanda erkin ómir súrip jatyrmyz. Ol birinshiden,naızanyń ushymen qorǵaǵan,tún uıqysyn tórt bólgen ata-baba arqasy bolsa, ekinshiden, elbasymyzdyń kóregendiginiń jemisi. «Otan úshin otqa tús-kúımeısiń» degen maqal bar. Rasynda da, otan úshin janyńdy qısań- ol úlken abyroı, naǵyz erlik. Tarıhta máńgi óshpeıtin erlik! Al sol Otandy qorǵaý úshin patrıot bolý kerek.

Patrıot degenimiz kim? Patrıot degenimiz- elińdi, jerińdi, halqyńdy súıý, olarmen maqtaný, olardy úlgi tutý jáne kez kelgen ortada qurmetteý. Al bul otansúıgishtikke bizdi tárbıeleıtin ata-anamyz jáne árıne ardaqty ustazdarymyz. Mektep tabaldyryǵyn attaǵanda alǵash ret ánurandy oryndaǵanda, men qolymdy júregime qoıyp, jaýapkershilikti sezindim jáne de qazaq mektebine baryp, qazaq tilinde sóılep, óz tilimizde bilim alǵanym úshin maqtanamyn. Patrıot bolýdyń eń bastysy kózi de osynda. Al kitap oqý arqyly bul qasıetterdiń barlyǵyn boıymyzǵa darytamyz.

Bıyl Táýelsizdikke 28 jyl... Osy 28 jylda ata-babalarymyz qandaı qıynshylyq kórdi deseńshi! Biraq qansha azapty jyldar ótse de, oǵan moıyǵan joq, tek alǵa umtyldy. Teledıdardan táýelsizdik jyldaryndaǵy qazaqtardyń jaǵdaıyn kórgende janym ashydy, kishkentaı bolsam da, judyryqtaı júregim shymyrlap qoıa berdi. Sý, otyn, jaryq joq:qanshama balalar ata-anasyz qaldy, qanshama analarymyz kóz jasyn tókti. Bir aıta keterligi,keıde biz ózimizdiń asyl qundylyqtarymyzdy baǵalaı almaıtyn sıaqtymyz. Tórimizde jelbiregen kók týymyz bar, qazaqtyń qara dombyrasymen qosa qymyzy,shubaty bar, kıiz úı, ulttyq oıý-órnektermen bezendirilgen kórpelerimiz...aıta berse tolyp jatyr, biz osylardy baǵalap, kózimizdiń qarashyǵyndaı saqtaýymyz kerek. Qazaqtyń osy baılyqtaryna ózge ult ókilderi qyzyǵa da, tańdana da qaraıdy.

Ár qazaqstandyqtyń júreginde mynadaı sózder jańǵyryp turýy kerek: «Men - patrıotpyn! Men elimdi, jerimdi, Otanymdy súıemin! Men tilimdi, dinimdi súıemin! Men Qazaqstan Respýblıkasynyń týyn, eltańbasyn, ánuranyn qurmetteımin.»

M.Maqataev aıtqandaı: Eń birinshi baqytym-halqym meniń,

Soǵan berem oıymnyń altyn kenin...

Al ekinshi baqytym-tilim meniń,

Tas júrekti tilimmen tilimdedim...

Baqytym bar úshinshi-Otan degen,

Qudaı degen kim dese-Otan der em...

Qazaqstan – máńgilik el. Kóregen kóshbasshymyzdyń arqasynda elimiz odan saıyn órkendep damı bermek, jasaı bermek, órleı bermek. Ana tilimiz de máńgilik, aldyna qoıǵan uly maqsattary bar, erteńine senimmen qaraıtyn, jastary alǵyr, jańalyqqa jany qushtar, rýhy bıik elimiz de máńgilik, elbasy salǵan sara jolymyzda máńgilik bolyp jasaı bersin! Bul shyǵarmany jaza otyryp men mynadaı qorytyndyǵa keldim: Jańa urpaq,keler urpaq sizder baqyttysyzdar! Bizge beıbit ómir, baqytty balalyq shaq syılaǵan batyrlarymyzǵa bas ıip alǵys aıtsaq ta, artyq emes. Al bul elde ári qaraı tatý-tátti ómir súrgimiz kelse, bárimiz birigip bir jaǵadan bas, bir jeńnen qol shyǵarý kerekpiz. Elimiz úshin kóp jaqsylyq jasaý bizdiń mindetimiz, árqashanda patrıot bolyp, óz elimizdiń kórkeıýine úles qosaıyq!

---