InfoHub Logo

Taqyryby: Adaldyq – ardyń isi
Maqsaty: Adamdarǵa jaqsylyq oılaý, ondaǵy adaldyq, ádildik, shynshyldyq sıaqty adamı qundylyqtardyń altyn orny, olardyń adamdar úshin mańyzy jaıly, adaldyq pen shynshyldyqqa, ádildikke baǵdarlaı otyryp, ádeptilik erejelerin qadaǵalaýdy úıretý;
Kútiletin nátıje: Oqýshy izdeniske umtylady, oqyǵanyn taldap, mánin asha biledi, oı qorytady, az sózben túıindeýge daǵdylanady. Adamı qasıetterdi, adaldyq, shynshyldyq, ádildikti boıyna sińiredi. Áleýmettik jaǵynan damyǵan, ushqyr, utymdy oılap, belsendi qımyldaıtyn, ózgeniń pikirin syılap, tózimdilikpen tyńdaı biletin sanaly azamat bolyp qalyptasýǵa daǵdylanady.
Qundylyqtardy darytý: Oqýǵa, jaǵdaıdy taldaýǵa, jańa sharttarǵa beıimdelýge, másele qoıýǵa jáne sheshim qabyldaýǵa, topta jumys isteýge, óziniń jumysynyń sapasyna jaýap berýge, óziniń ýaqytyn uıymdastyrýǵa daǵdylaný.
Sabaqtyń basy 10 mınýt
Tynyshtyq sáti. Relaksasıalyq áýendi qosý, «Teńiz jaǵalaýynda» jattyǵýyn ótkizý.
- Yńǵaılanyp otyryńdar. Asyqpaı «ómir tynysyn» alyńdar.(2 - 3 ret). Múmkindiginshe bulshyqetterińdi bosatyp, denelerińdi jumsartýǵa tyrysyńdar... Endi kózderińdi jumyp, elestetińder. Bar zeıinderiń meniń daýysym men áýende bolsyn...
Sen úlken kók teńizdiń qumdy jaǵalaýynda demalyp jatyrsyń. Deneńdi keýdeńe deıin teńizdiń jyly sýyna malyp, betińdi kúnniń ystyq shýaǵyna tosyp, rahattanyp jatyrsyń. Kózderiń jumýly. Teńiz tolqyndary yrǵaqpen kelip, jaǵalaýǵa soǵylǵan sátte, sen de tolqynmen birge terbelesiń. Kún ystyq. Murnyńa álsin - álsin teńiz baldyrlarynyń ıisi kelip jetedi. Teńizdiń birkelki shýyly men shaǵalalardyń daýysy úılesimdi estiledi... Tolqyndar keledi de ketedi. Endi búkil sana - sezimińmen túısinip, sezinýge tyrys: ár joly kelip - ketken tolqyn seniń deneńe soǵylǵanda, boıyńdaǵy sharshap - shaldyǵýdy,... mazasyzdyq pen kúızelisti,... ózińe degen senimsizdigińdi,... ómirde kezdesetin ádiletsizdikke degen kúıinish sezimińdi, qysqasy, barlyq jaǵymsyz sezimderdi ózine tartyp alyp, alysqa áketip jatyr... Tolqyn senen alystaǵan saıyn, deneń sergip, jeńildep qalǵanyńdy baıqaısyń. Kelip - ketip jatqan tolqyndardyń yrǵaǵymen tynysta: demal - dem shyǵar, demal - dem shyǵar, demal - dem shyǵar... Birer sátten soń sabaqqa oralýǵa daıyndalyńdar...
Oı qozǵaý: Arabtarda «Ádil sultan der kezinde shólde jaýǵan jaýynnan da jaqsy» degen maqal bar. Maqaldyń maǵynasy qalaı dep oılaısyńdar:
Búgingi pikirsaıys taqyryby: Adaldyq - ardyń isi
Halqymyzda «SHYNDYQ JOQ JERDE SUMDYQ KÓP», «Adamnyń ádemiligi shynshyldyǵynda», «Aqıhat sózde alalyq joq», t. s. s keremet ulylyq sózder bar.

​Adaldyq – ardyń isi. júkteý​​​