InfoHub Logo

Adamgershilik - asyl qasıet.

Adamgershilik - bul rýhanı tárbıe. Adamgershilik adam boıyndaǵy eń asyl qasıet jáne adamzat balasynyń eń joǵarǵy maqsatyna baǵyttalady. Bul qasıet adamdy meıirimdilikke, Otanyn, elin, otbasyn súıýge úıretedi. Eger adamda adamgershilik qasıet bolmasa, ol adam óz ózin syılamaıdy.

Adamgershilik adamnyń rýhanı arqaýy. Adam balasy jalǵyzdyqta ómir súre almaıdy.Árdaıym arqa súıeıtin adamǵa muqtaj bolady. Zaman aǵymyna qaraı adamdyq qundylyqtar da qasıetter de ózgerip bara jatyr. Árbir adam óziniń jaǵdaıyn ǵana oılaıdy. Sol sıaqty bizdi ata anamyz asyraıdy,oqytady,toqytady, biz úshin bárin berýge daıyn. Al sony baǵalamaıtyn jandar qanshama. Qartaıǵan shaǵynda kez kelgen ata ana kómekke zárý bolady. Óz qursaǵynan shyqqan sábıden árıne jaqsylyq kútedi. Biraq kerisinshe jasy jetkenimen ata anaǵa masyl bolyp otyrǵan adamdar qanshama. Sondyqtan da bizdiń eń jaqyn adamdarymyzdy baǵalaıyq. Bul dúnıede adam óziniń pendelik qasıetterimen kúrese júrip óziniń adamdyq qasıetterin shyńdap, óziniń pendeshilikterin, basqasha aıtqanda óziniń «tozaǵyn» jeńip shyǵýy qajet. Óıtkeni, onyń bul dúnıedegi bar qaıǵy-qasireti onyń osy pendeshilikterinen týyndaıdy. Soǵan oraı onyń bul dúnıedegi baqyty men aqırettegi baqyty da onyń óz pendeshilikterin qanshalyqty jeńe alǵanyna baılanysty.

«Adamgershilikke tárbıeleý quraly eńbek pen ata ana úlgisi» dep, Y. Altynsarın atamyz aıtqandaı, qundy qasıetterge ıe bolý, rýhanı baı adamdy qalyptastyrý balanyń týylǵan kezinen bastalýy kerek. Halyqta «Aǵash túzý ósý úshin oǵan kóshet kezinde kómektesýge bolady, al úlken aǵash bolǵanda ony túzete almaısyń» dep beker aıtylmaǵan.

---