InfoHub Logo

Búgingi kúni ǵalamsharda BUU-na múshe 190-nan astam memleket bar, biraq bul barlyq elderiniń tolyq tizimi emes. Bul tizimge álemniń ár túkpirinen tabylatyn tanylmaǵan elderdiń kirmegeni anyq. Olardyń keıbirine tolyqqandy azamat bolý da op-ońaı eken.

Estimegen memleketterdi tabý úshin álemniń búgingi kartasyn muqıat zerttep, tipti ǵaryshty da aralap osy tizimdi daıyndadyq.

1. Malý-Ventý Respýblıkasy

^{© Marco Busdraghi / commons.wikimedia   © NordNordWest / commons.wikimedia}

2008 jyldyń qyrkúıeginde burynǵy júk kóliginiń júrgizýshisi Salvatore Melonı jáne onyń izbasarlary Sardınıa jaǵalaýyndaǵy shaǵyn araldy basyp alyp, ony táýelsiz memleket dep jarıalady. Melonı ózin Malý-Venta Respýblıkasynyń Prezıdenti etip taǵaıyndady jáne shatyrda óz rezıdensıasyn qurdy. 2012 jyldyń jazynda Salvatore araldy basyp alý áreketi úshin jazaǵa tartylyp, 20 aıǵa qamaýǵa alyndy. 2017 jyldyń sáýir aıynda Melonı qaıta qamaýǵa alynyp, túrmede ózin saıası tutqyn dep esepteýdi ótinip ashtyq jarıalady,  alaıda araǵa 2 aı salyp, qaıtys boldy.

2. Lakota Respýblıkasy

^{© Magog the Ogre / commons.wikimedia   © Runner1928 / commons.wikimedia}

2007 jyly ózderin Lakotanyń Bostandyq Delegasıasy dep ataǵan 4 belsendi Vashıngtonǵa, Kolýmbıa okrýgine bet aldy. Olar «kezinde AQSH-pen ata-babalary qol qoıǵan kelisim-sharttardan bas tartatynyn» jáne «óz táýelsiz ultyn quratyndaryn» málimdedi. Úndis aktıvısi Rassel Mıns Lakota Respýblıkasy dep jarıalaǵan el Soltústik jáne Ońtústik Dakota, Nebraskı, Vaıomıng jáne Montana aýmaǵyn qamtıdy.

3. Hrıstıanıa

^{© Bruno Jargot / commons.wikimedia   © H.Loper / commons.wikimedia}

Hrıstıanıa erkin qalasy — Kopengagen aýdanynyń birinde ornalasqan ishinara ózin-ózi basqaratyn «memleket ishindegi memleket». Ol 1971 jyly paıda boldy, hıppı toby qaraýsyz qalǵan kazarmalardy zańsyz basyp alyp, erkin qala quratynyn jarıalady.

4. Elleor patshalyǵy

^{© elleore   © NordNordWest / commons.wikimedia}

Koróldik resmı túrde Danıaǵa tıesili bolǵan Roskılle-ford aralynda ornalasqan. Araldy 1944 jyly Kopengagennen kelgen birneshe mektep muǵalimi jazǵy lager qurý úshin satyp alǵan. Olar táýelsizdik jarıalap, aýmaqqa óz patshalyǵyn ornatty. Búgingi kúni Elleor patshalyǵynda 260 adam turady, al bılik Leo III monarhyna tıesili.

5. Ýjýpıs Respýblıkasy

^{© Wojsyl / commons.wikimedia   © Tocekas / commons.wikimedia}

1996 jyly lıtvalyq sýretshiler toby Vılnús aýdanynyń birinde «Álternatıvti óner ortalyǵyn» qurdy, al bir jyldan keıin kvartaldyń turǵyndary Ýjýpıs Respýblıkasyn jarıalady. Olar óz Konstıtýsıasy men valútasyn qabyldady, sondaı-aq prezıdentin saılap, tipti 12 adam ǵana turatyn armıasyn jasaqtady.

6. Vestarktıka

^{© Alexrk2 / commons.wikimedia   © Andrew Mandemaker / commons.wikimedia}

Uly Vestarktıka Gersogtiginiń negizin 2001 jyldyń qarasha aıynda teńiz jaıaý áskeri Trevıs Makgenrı qalady. Ol Batys Antarktıda, máńgi sýyq kontınenttiń jalǵyz beıtarap aýmaǵy bolyp tabylatyn Merı Berd jerinde ornalasqan. Búgingi tańda 300-ge jýyq adam Vestarktıka azamattary retinde tirkelgen.

7. Konk Respýblıkasy

^{© Deror avi / commons.wikimedia   © Magog the Ogre / commons.wikimedia}

1982 jyldyń sáýir aıynda Florıda arhıpelagynda Kı-Ýest qalashyǵynyń meri Dennıs Ýardloý Konk Respýblıkasyn jarıalady. Eldiń   tipti óz áýejaıy bar, al týrıserdiń kez kelgeni respýblıka azamatynyń tólqujatyn ońaı satyp ala alady, alaıda tek kádesyı retinde ǵana.

8. Ladonıa

^{© NordNordWest / commons.wikimedia   © Hakan Dahlstrom / commons.wikimedia}

Memleket Shvesıanyń ońtústiginde Kýllaberg tabıǵı qoryǵynyń aýmaǵynda ornalasqan. Sýretshi Lars Vılks 1996 jyldyń maýsymynda Ladonıanyń táýelsizdigin jarıalady. Búgingi tańda onyń búkil álem boıynsha 20 myńnan astam adam azamaty bar, biraq olardyń eshqaısysy is júzinde tanylmaǵan memlekettiń aýmaǵynda turmaıdy.

9. Vırtlandıa

^{© Feısbýk paraqshalarynan}

Bul memleket eshqandaı fızıkalyq aýmaqty qajet etpeıdi, óıtkeni ol ınternette ornalasqan. Memleket 2008 jyldyń tamyz aıynda quryldy, búgingi kúni 8 myńnan (01.12.2017 sanaq boıynsha) astam adam onyń azamaty bolyp sanalady. Vırtlandıanyń eń tanymal «turǵyndary» — Djýlıan Assanj jáne Edvard Snoýden. Osy jyly táýelsizdikterine 10 jyl tolypty.

10. Asgardıa

^{© Asgardia}

Asgardıany qurý týraly alǵash ret 2016 jyldyń qazan aıynda reseılik ǵalym jáne bıznesmen Igor Ashýrbeılı málimdegen bolatyn. Bul memlekettiń ózgesheligi — onyń mekeni. Ol is júzinde ǵaryshta 2017 jyldyń sońynda iske qosylǵan «Asgardıa-1» spýtnıginde ornalasqan. Onda qazirdiń ózinde asgardtyq bolýdy qalap, «ǵarysh» azamattyǵyn alýǵa ótinish berip úlgergen júzdegen myń adamnyń derekteri saqtalǵan. Al resmı saıtta ǵaryshtaǵy Asgardıanyń qozǵalysyn qadaǵalaýǵa bolady.

Al siz óz shaǵyn memleketińizdi quryp, onyń basshysy bolýdy oılaǵan ba edińiz?

---