InfoHub Logo

Talaı ǵasyrlar buryn ejelgi Turan men Iran jerlerinde skıfter (saqtar) men parsylar arasynda qıan-keski soǵystar júrip jatty. Turan patshasy Afrasıab pen onyń máńgilik jaýy Husraý jeńis úshin óz jaýyngerlerin aıamaı, birinen soń birin soǵys maıdanyna attandyrdy.

Bir kúni parsy hanzadasy Sıaýysh serýen quryp júrgen qyzdar arasynan Afrasıabtyń qyzy Farangızdi kórip, oǵan es-tússiz ǵashyq bolyp qalady. Qyz da sol sátte tek hanzada Sıaýysh qana ózine laıyqty jar bola alatynyn túsinedi.

Afrasıab eki halyq arasyndaǵy tatýlyq pen tynyshtyqty oılap, óziniń súıikti qyzy men parsy hanzadasynyń qosylýyna kelisimin beredi. Ózderiniń mahabbatyna eshkim bóget bolmaýy úshin Sıaýysh izgilik pen meıirimdilik, ádilettilik pen aqıqat, teńdik pen erkindik órkendeıtin «Sıaýysh qalasyn» salýǵa sheshim qabyldaıdy. Osy qalany turǵyzý úshin saq pen parsy áskerleri aralaryndaǵy ǵasyrlyq jaýyzdyqty umytyp eńbek etedi. Nátıjesinde qurylysshylar aq mármárdan qala kóteredi. Onyń qabyrǵalary men qaqpasyn sheber oıylǵan órnektermen áshekeılep, tórt tarabynan tórt bıik munara turǵyzady. Bul kezde toı rásimin ótkizetin ýaqyt ta taqap qalǵan edi. Biraq zulym jaýlar hanzadanyń erkindikti kózdegen jobasyna kedergi jasaıdy. Ósek-aıań tynyshtyqty buzyp, ǵashyqtar kóz jumady. Turan men Iran arasynda soǵys qaıta bastalady. Bir kezderi jazyq dalada boı kótergen, Farangız hanshaıym men onyń súıiktisi Sıaýysh hanzada ómir súrýdi arman etken ǵashyqtar qalasy qıratylady. Tipti, orny da belgisiz.

---