Aǵylshyn tilin bir muǵalimge úıretý úshin qansha qarajat jumsalatyny belgili boldy
Búgin Astanada ótken baspasóz máslıxatynda mınıstrliktiń mektepke deıingi jáne orta bilim berý departamenti dırektorynyń orynbasary Zeınep Maqsutova atalǵan jobaǵa bólingen aqshanyń kólemin jarıalady.
Astana, Almaty men Qaraǵandy qalalarynda 25 muǵalimnen tańdalyp, jalpy 75 mektep oqytýshysy hımıa, fızıka, bıologıa men ınformatıka pánderin aǵylshyn tilinde túsindirýge úırenip júr. Olar úshin arnaıy baǵdarlama jasaldy. Bilim jáne ǵylym mınıstrliginiń osy tapsyrysyn Professional development centre alyp otyr.
«Iá, ondaı joba bar. Ras, búginde 75 muǵalimdi Qaraǵandy, Astana men Almaty qalalarynda, árbir qalada 25 muǵalimnen oqytyp jatyrmyz. Olar osymen toqtap qalmaıdy, óz bilimderin ary qaraı shyńdaıtyn bolady. Tájirıbege engizedi. Qoldarynan kelse, áriptesterin de oqytýǵa tyrysady. Árbir muǵalimdi biz qadaǵalap, alyp júremiz. Qarjysyn men naqty aıta alaımyn. Biraq jańaǵy 75 muǵalimdiki 10 mıllıondaı-aý (árbir muǵalim úshin 133 333 teńge - avt.) deımin. Iá, 10 mıllıon. Sol aqshaǵa kompanıa bizdiń muǵalimderimizdi aǵylshyn tiline úıretedi», - dedi Z.Maqsutova.
Aıta keteıik, buǵan deıin buqaralyq aqparat quraldarynda taraǵan málimetke sáıkes, jalpy Qazaqstanda úshtildi bilim berý júıesin engizýge 1,4 mlrd jumsalady. Atalǵan qarjynyń basym bóligi - 1 trln 153 mlrd teńgesi búdjetten bólinedi.
You Might Also Like
-
Mal aǵzasynyń negizgi qyzmetterine titirkený, zat almasý, kóbeıý jáne qozǵalyp turý jatady. Janýarlardyń denesi jasýshalar men jasýshasy qurylymdardan jáne jasýshaaralyq zattardan qalyptasqan. Al jasýsh...
-
Mıokard ınfarkti – júrek aýrýynyń óte jıi kezdesetin túri. Bul júrek qantamyrlarynyń bir bóliginiń uıyǵan qanmen bitelýi ne kenetten túıilýi saldarynan júrek bulshyqetiniń, tininiń bir bóligin...
