InfoHub Logo

2023 jyldyń 6 qarashasynda Turaqty damý maqsattary aıasynda ál-Farabı atyndaǵy Qazaq ulttyq ýnıversıtetiniń profesory, fılosofıa ǵylymdarynyń doktory Moldabekov Jaqan Janbolulynyń 80 jyldyǵyna arnalǵan eske alý dóńgelek ústeli ótti.

Moldabekov Jaqan Janboluly - kórnekti ǵalym, «qazaqtaný» iliminiń negizin qalaýshylardyń biri, qazaqtaný jáne jańarý fılosofıasy máseleleriniń ádistemelik negizderin salýshy, sonymen birge ulttyq tárbıeniń tálimdik ónegeleri jáne qazaq aqyn-jyraýlarynyń, bı-sheshenderiniń dúnıetanymy men fılosofıasy tóńireginde kóptegen ǵylymı-zertteý jumystaryn júrgizgen ulaǵatty ustaz.

Dóńgelek ústelge Fılosofıa jáne saıasattaný fakúlteti fılosofıa kafedrasynyń profesory Ǵabıtov Tursyn Hafızuly, fılosofıa kafedrasynyń dosenti Asqar Leshan Ámirhanuly, dintaný jáne mádenıettaný kafedrasynyń meńgerýshisi Qurmanalıeva Aınur Dúrbeleńqyzy, T.Júrgenev atyndaǵy Qazaq ulttyq óner akademıasynyń «Qazaqstan tarıhy jáne áleýmettik ǵylymdar» kafedrasynyń meńgerýshisi, dosent, fılosofıa ǵylymdarynyń kandıdaty, Alımjanova Alıa Sharabekqyzy, fılosofıa kafedrasynyń dosenti Atash Berik Muratuly, Ulttyq qundylyqtar akademıasynyń shetelmen baılanys ornatý jáne damytý sektorynyń jetekshisi, Qazaq ulttyq agrarlyq zertteý ýnıversıteti jalpy bilim berý kafedrasynyń qaýymdastyrylǵan profesory, Fılosofıa doktory (PhD) Shashaeva Gúlbaqyt Qadyrjanqyzy, Qazaq Amerıka Ýnıversıteti áleýmettik-gýmanıtarlyq pánder kafedrasynyń qaýymdastyrylǵan profesory Qalybekova Baıansulý Keńesqyzy jáne ǵalymnyń otbasy múshelerinen jubaıy men qyzy qatysyp, estelikterimen bólisti.

İs-sharada Jaqan Janbolulynyń fılosofılyq poezıasynan úzindi keltirgen «Mádenıet.kz» klýbynyń músheleri, 6V03102-mádenıettaný mamandyǵynyń 2-kýrs stýdentteri Aýbakırov Madıar, Jambyl Araılym, Anarbaı Aıgerim, Abdýalı Aıda, Baıahmet Arýjan, Qurman Laýra, Áripbek Dıana atty stýdentterdiń jáne shákirtteri óleńderinen arnaý oqydy. Jaqan Janboluly kózi tiri bolǵanda bıyl 80 jasqa tolar edi. «Jaqsynyń aty, ǵalymnyń haty» ólmeıdi degen qanatty sóz bar. Jaqan Janboluly artyna qaldyrǵan ustazdyq ulaǵaty men mol ǵylymı murasy-osynyń aıqyn dáleli. Onyń ǵylym jolyndaǵy tókken teri men atqarǵan eren eńbegi, izdeniste bolǵan jas ǵalymdar men shákirtterine shashqan shýaǵy eshqashan umytylmaıdy.

---