InfoHub Logo

Men 2023jyldyń túlegimin. 11 synyp oqyp júrgen árbir oqýshynyń bar ýaıymy mamandyq tańdaýdan qatelespeý. Árıne mamandyq tańdaýmen  qosa ýnıversıtet tańdaýdan da jańylmaý kerek. Men 11synyp oqyp júrgenimde pán tańdaýdan, ıaǵnı mamandyq tańdaýda uzaq oılanǵan joqpyn, UBT júıesine Informatıka páni kirgenin estip,birden sheshim qabyldadym. Biraq UBT maǵan ońaı bolǵan joq. Buıyrǵan 91 bal alyp shyqtym. Ýnıversıtet tańdaýdan da qınalmadym desem de bolady. Men KazNÝǵa túsemin dep naqty aıtyp júretinmin. Sebebi, KazNÝ álemdegi úzdik 250 ýnıversıtetterdiń biri. Ýnıversıtet tańdaý kezinde táýekel etip, birinshi KazNÝ ýnıversıtetin jazdym. 

Grant ıegerleriniń tizimi shyqty. Sol kezde men ózimniń qalaǵan ýnıversıtetim KazNÝǵa grantka túskenimdi kórdim. Qýanyshymda shek bolmady. Asyǵa kún sanap júrip, ýnıversıtetimdi kórýge kelgen kún áli esimde. Kire salǵandaǵy taýlardyń, joldyń boıyndaǵy kafedralardyń tizile turýy, bári-bári bir kartına sekildi kórindi. Men sol kúni KazNÝǵa ǵashyq boldym. 

Oqý kúni taıap stýdentter  jatahanaǵa ornalasyp bastady. Jatahanadaǵy ómir óte erekshe, naǵyz jastyq shaqtyń keremet esteligi bolatyny sózsiz. Jatahananyń ishindegi atmosfera da basqasha, ishinen jaqyn dostar taýyp, kúniń qyzyqtar men estelikterge toly bolyp ótedi. 
KazNÝda kóptegen uıym túrleri bar. Men sonyń ishindegi “OPP”- Quqyqtyq tártip saqtaý jasaǵy uıymyndamyn. Bizdiń negizgi maqsatymyz, osy jatahanyń tynyshtyǵyn qadaǵalaý. Uıymdardyń paıdasy stýdent óz ortasyn taýyp, ashyla alady. 

Sport jaǵynan da qamtamasyz etilgen. Stýdentter Dene shynyqtyrý sabaǵynda ózderi qalaǵan sport túrin tańdap, qatysa alady. Mysaly Voleıbol, Basketbol, Gandbol,Tenıs sıaqty sport túrleri men aınalysa alady. Jáne de osy sıaqty sport túrlerinen jarystar da uıymdastyrylady.

KazNÝ osy ýnıversıtet stýdentteriniń bir qalashyǵy  desek te qate bolmas. Sebebi, KazNÝda stýdentterge qajetti barlyǵy bar. Aýyryp qalsań Keremet ishindegi aýrýhana, kitap oqyǵyń kelse Ál-Farabı atyndaǵy kitaphana jáne t.b. Jalpy aıtqanda KazNÝda barlyǵy qamtamasyz etilgen.

Men Ál-Farabı atyndaǵy Qazaq Ulttyq Ýnıversıtetine túskenime jáne tańdaǵan mamandyǵyma  eshqashan da ókinbeımin. KazNÝ múmkindikter mekeni. Meniń bolashaǵym jarqyn bolaryna senimdimin. Bolashaq stýdent bolatyn oqýshylarǵa da osy ýnıversıtetke oqýǵa túsýge keńes berer edim.

Ál-Farabı atyndaǵy Qazaq Ulttyq Ýnıversıteti

Fılologıa jáne álem tilderi fakúltetiniń shet tili kafedrasynyń aǵa oqytýshysy Ýrazgalıeva Svetlana Amanjolovna

Aqparattyq tehnologıalar fakúltetiniń 1-shi kýrs stýdenti Súıináli Shuǵyla

---