InfoHub Logo

Mektep bitirgen árbir túlektik kelesi baspaldaqtarynyń biri jaqsy mamandyq, jaqsy joǵarǵy oqý ornyn tańdaý. 11 synypta oqyp júrgende synyptastarymnyń bar oılary qandaı Joǵarǵy oqý oryndaryn tańdaý edi. Al meniń sol kezden-aq tańdaýym-Qazaq Ulttyq Ýnıversıteti edi. Sebebi: Qazaq Ulttyq Ýnıversıteti álemniń úzdik 250 ýnıversıtetiniń qatarynda. Sonymen qatar QazUÝ - álemdegi eń ozyq tehnologıalyq 50 ýnıversıtettiń biri. Belgili «GreatValueColleges» halyqaralyq uıymynyń reıtıńinde qazaqstandyq ýnıversıtet TMD elderiniń ǵana emes, sonymen qatar Shyǵys jáne Ortalyq Eýropanyń jalǵyz ókili bolyp tabylady jáne Sıngapýr men Japonıamen birge búkil Azıa kontınentin usynady.
 
Osylaı tańdaýymdy naqty tańdap UBT-ǵa úlken daıyndyqty bastadym. Joǵaryda aıtqanymdaı QazUÝ-niń deńgeıi joǵary bolǵandyqtan basqa ýnıversıtetterge qaraǵanda oqýǵa túsý úshin joǵarǵy bal talap etti. Meniń QazUÝ-ne túsýge degen talpynysym joǵarǵy bolǵandyqtan jaqsy daıyndalyp, mamandyǵym boıynsha jetkilikti bal jınap Qazaq Ulttyq Ýnıversıtetiniń stýdenti atandym. Qazirgi kezde maqsatymnyń oryndalǵanyna, Qazaq Ulttyq Ýnıversıtetin tańdaǵanyma múlde ókinbeımin, kerisinshe maqtanyshpen aıta alamyn.
 
Qazirgi kezde men Ýnıversıtettiń 16 fakúltetiniń ishinde Aqparattyq tehnologıalar fakúltetiniń aqparattyq júıeler mamandyǵynda oqyp jatyrmyn. QazUÝ-ti múmkinder mekeni. Bul jerde joǵarǵy bilimmen qatar stýdenttiń barlyq jaǵdaıy qarastyrylǵan. Sabaqtan bos ýaqytta sporttyq saýyqtyrý keshenine baryp basketbol,voleıbol,tenıs qosymshalaryna qatysamyz. Jáne de keshende sporttyń 22 túrinen túrli jarystar ótedi. Budan bólek ýnıversıtte oqýshylarǵa arnalǵan 14 jaıly jataqhanasy bar. Sonymen qatar «Keremet» stýdentterge qyzmet kórsetý ortalyǵy bar. Bul bilim berý, medısınalyq, zańgerlik, qarjylyq jáne mádenı qyzmetter kórsetetin stýdentterge arnalǵan jastar resýrstyq ortalyǵy.Tipti stýdentter Ýnıversıtetti bitirgennen keıin jumysqa ornalasýǵa ótinish bere alady, sonymen qatar ákimshilik, áleýmettik jáne turmystyq sektor, bankter, notarıýs, advokat, týrısik kompanıalar, áýe jáne temirjol kasalary óz qyzmetterin usyna alady.Iaǵnı bir aýyz sózben qysqarta aıtqanda QazUÝ-MÚMKİNDİKDER MEKENİ. Men osyndaı MÚMKİNDİKTER MEKENİNDE BİLİM ALYP JATQANYMDY MAQTAN ETEMİN. Bolashaqta Qazaq Ulttyq Ýnıversıtetetinen elimizdiń damýyna úles qosatyn bilimdi jastardyń shyǵatynyn senimmen aıta alamyn.

Ál-Farabı atyndaǵy Qazaq Ulttyq Ýnıversıteti

Fılologıa jáne álem tilderi fakúltetiniń shet tili kafedrasynyń aǵa oqytýshysy Ýrazgalıeva Svetlana Amanjolovna

Aqparattyq tehnologıalar fakúltetiniń 1-shi kýrs stýdenti Amanjol Ernar

---