InfoHub Logo

Elbasynyń «Bolashaqqa baǵdar: rýhanı jańǵyrý» atty maqalasynda búgingi jahandanǵan álemde ómir súrý úshin básekege qabilettiliktiń asa qajet ekeni basa aıtylady. Elimizdiń ulttyq mádenıeti qalyptaspaı, rýhanı jańǵyrýdyń oıdaǵydaı, biz ańsaǵandaı bolmaıtyny belgili. Qazirgi tańda bizdiń halqymyzǵa kereginiń ózi – osy.  

Elbasymyz ulttyq sanany jań­ǵyrtqanda ózimizdiń, qazaqstan­dyq derbes damý úlgisin kalyptastyrýy­myz kerek ekendigin aıtyp otyr. Bul degenimiz – qazaqtyń ulttyq salt-dástúrlerin, eń bastysy, memlekettik tilimiz ben ádebıetimizdi, mádenıetimizdi, qazaqı rýhymyzdy jańǵyrtý. Bul rette N.Nazarbaevtyń jańǵyrý uǵymynan meılinshe kórgen jahandyq álemmen qabyspaıtyn keıbir daǵdylarymyz ben ádetter­den arylýymyz kerek degen sózi bá­rimizge oı saldy. Óıtkeni bul – ómir zańy, damý zańdylyǵy. XXI ǵasyrdaǵy adamzattyń basty, negizgi qundylyqtary bilimnen bastalatyn bolady. Bizdiń álemdik bilim oshaqtarynan tereńdetilgen bilim alýymyzǵa, Otanymyzdyń eń úzdik oqý mekemelerinde aqyl-oıymyzdyń  únemi baıyp otyrýyna barlyq jaǵdaı jasalyp jatyr. N.Á.Nazarbaevtyń Úndeýindegi «Bilimniń saltanat qurýy» bóliminde osyny meńzep, halyqty jappaı bilim alýǵa shaqyrady.

QR alǵashqy Prezıdenti N.Nazarbaevtyń 2005 jyldyń tamyz aıyndaǵy elmen suhbatynda ózine qoıylǵan: «…Qazirgi kezde Qazaqstan memleket ulttyq ıdeıasyn aıqyndaý jóninde ártúrli áńgimeler kóp aıtylyp júr. Jan-jaqty pikirtalastar jıi boı kóteredi. Osy týraly Sizdiń pikirińizdi bilsek deımiz» degen suraqqa Elbasy: «…meniń oıymsha, memleket qurýshy – qazaq halqy. Qazaqtyń budan basqa eli joq. Ulttyq ıdeıa degen, birinshiden, qazaq eliniń táýelsizdigin nyǵaıtý, elimizdi aıaǵynan tik turǵyzyp, bolashaq urpaqtyń qolyna berý kerek. Ekinshiden, Qazaqstannyń ekonomıkasyn órkendetip, álemdegi damyǵan mem­leketterdiń dárejesine jetkizý kerek. Úshinshiden, eldiń birligi. Kórip otyr­syzdar, yntymaq, birlik bolmasa, bizdiń táýelsizdigimiz bolmaıdy. Osy úsh máse­leniń tóńireginde Qazaqstandaǵy basqa halyqtardy renjitpeı, olardyń tilin, salt-dástúrin saqtaýlaryna jaǵ­daı jasaýmyz kerek. Budan artyq qan­daı ult­tyq ıdeıa kerek?» dep jaýap bergen edi. Patrıotızmdi neden bastaý qajettigi jóninde de: «Patrıotızmniń eń jaqsy úlgisi – orta mektepte týǵan jerdiń tarıhyn oqýdan bastaý kerek» dep túıindeıdi.

Elbasymyz joǵarydaǵy túıtkildi máselelerdiń bárin aıta kelip, eń bastysy, el ishindegi tatýlyqty, birlikti, yntymaqtastyqty aldyńǵy qatarǵa qoıady. Óıtkeni tek osyndaı ıgilikti isterdiń arqasynda ǵana qazaq eli órkenıetti elderdiń qatarynda óziniń tıisti ornyn ala alady.

F.Qozybaqova

Ál-Farabı atyndaǵy QazUÝ

tarıh kafedrasynyń dosenti

Oralbaeva Gaınel

1-kýrs stýdenti

---