InfoHub Logo

Kalıfornıadaǵy shól dala shyjyǵan kún áserinen kúnnen kúnge shógip bara jatqan sý jańa myńdaǵan Volkswagen-derdiń beıitine aınaldy. Bul qandaı da bir sebeptermen óziniń ıesin taba almaǵan avtomobılderdiń jalǵyz qorymy emes.  

Nege bulaı bolyp jatqanyn jáne ondaǵy avtomobılderdiń bolashaǵynyń bar-joǵyn anyqtap kóreıik.  

Jańa kólikterdiń kúresinderi qalaı paıda boldy?  

^{© Lucy Nicholson/ Reuters}

Mohava shól dalasyndaǵy ondaǵan myń Volkswagen 2015 jyly shyqqan dızeldik shý-janjaldan soń paıda boldy. Nemis konserni júrgizgen testiler kezinde aýaǵa shyǵatyn zıandy gazdardyń mólsherin azaıtyp kórsetken eken. Osylaısha búkil álemdegi 11 mln jýyq «temir tulpar» ekologıaǵa jáne júrgizýshilerge zıandy bolyp shyqty.  

Óziniń abyroıyn saqtap qalý úshin kompanıa 350 myń avtokólikti ıelerinen satyp aldy da, olardy «uzaqmerzimdi demalysqa» jiberdi. Qazir avtomobılderdiń birazy Detroıttaǵy qaraýsyz qalǵan stadıonda, Mınnesotadaǵa burynǵy qaǵaz fabrıkasynyń ǵımaratynda, kalıfornıalyq shóldalada jáne 34 qupıa saqtaý oryndarynda tur.   

Bul mashınalardyń bolashaǵy bar ma?  

^{© Lucy Nicholson/ Reuters}

Myńdaǵan «las» Golf-ter men Jetta-lar bunda turǵanyna birneshe jyl ótti, Volkswagen bolsa, ol kólikterdiń detaldaryn aýystyryp, ekologıalyq turǵyda zıansyzdaý etken soń, satýdy josparlap otyr. Biraq, aı saıyn konveıerden abyroı-bedeline nuqsan kelmegen jańa kólik modelderi shyǵyp jatqanda jáne osyny biletin áleýetti satyp alýshylar turǵanda bul múmkin bola qoıar ma eken? Osy kúresindegi kólikter sanyn kóbeıtken sándi de sapaly Audi mashınalarynyń ózi de bundaı múmkindikke ıe bola qoıýy ekitalaı. Kompanıa oılastyryp jatqan balama nusqa da jaqsy amal emes: mashınalardy baspaqqa (pres) salyp, qaıta óńdeýge jiberý.  

Taǵy qandaı kólikterdiń mazarlaryn Google Maps-tan kórýge bolady?  

^{© Lucy Nicholson/ Reuters}

Volkswagen mazary búgingi tańda jalǵyz emes: Nissan, Citroen — bulardyń báriniń óz kólik qorymdary bar. Tek bul kompanıalardyń qorym jasaý sebepteri basqa: olar óz mashınalaryn satyp bitire almaı jatyr. General Motors budan ary ketti — osyndaı kólik qorymdaryn jasaý úshin jer satyp ala bastady. Kóliktiń jasalý tehnologıalary basqa jańa býyndary eskirgen modelderdi naryqtan yǵystyryp tastap jatyr, endigi olarǵa bar buıyrǵany — osy sıaqty qorymdarda irip-shirý ǵana.  

Bul qorymdar qupıa ustalady: kompanıalar jáne kóptegen aqparattyq resýrstar avtomobıl qoqystarynyń bar ekenin teriske shyǵarady. Alaıda, durystap izdese, bul kólik saqtaý oryndaryn Google kartalarynan taýyp alýǵa bolady.   

Korbı, Nortgemptonshır, Ulybrıtanıa

^{© maps}

Eıvonmýt, Ulybrıtanıa

^{© maps}

Ispanıanyń Valensıa qalasyndaǵy keme aılaǵy

^{© maps}

Sýındon, Ulybrıtanıa

^{© maps}

Shırness, Ulybrıtanıa

^{© maps}

Bonýs: Kalıfornıadaǵy ushaqtar qorymy

^{© China Plus America}

Kompanıalar nege bul avtomobılderdi úlken jeńildik jasap satyp jibermeıtini, qaıyrymdylyq qorlaryna nemese muqtaj kisilerge bermeıtini belgisiz. Bulaı etý ol mashınalardy qosalqy bólshekterge shashyp tastaýdan áldeqaıda jaqsy ǵoı.  

Sizdiń oıyńyzsha, bul máseleni sheshýdiń basqa da joldary bar ma eken?

---